¹ oPawulo omutume wa Kristo Yesu olwokwendya kwa Kanca, no Timoseewo owaluganda. ² Eri abaikiriiri, abaoluganda abesiigwa omu Kristo ab'omu kelisaayi ekisa kibenga gyemuli ne mirembe ebizwa eri OKanca OItaiswe. ³ Buli nitubasabira twebalya OKanca OItamwe wa mukama waiswe Yesu Kristo. ⁴ Kubanga twawuliire okwiikiriza kwanye omu Kristo Yesu, no kwendya kwamwe kwemulinako eri abaikiriiri bonabona. ⁵ Olwoisubi eryababikiibwe omwigulu, lye muwulire era omukiigambo ekyamazima agenjiri. ⁶ Eyaizire gwemwali, era naali omunsi zonazona, nga ebala obibala ora nga eknula, era nga no munywe, okuzwa olunaku lwe mwawulire ni mutegera ekisa kyakatonda mumazima. ⁷ Nga nimwayogereseebwa opafula mwiru mwiraiswe omwendye, niye omuwereza omwesigwa owa Kristo okulwaiswe. ⁸ Era eyatukobeire okwendya kwanye mu mwoyo. ⁹ Naiswe kyetezwa titulekanganyo okubasabira okuzwiira kiimwe okulunaku lwetwaulire ebibafaaku, nga tubeegayiira mwiizulibwe okutegeranga byaitaka omumagezi gona gona nokumanya ebyamwoyo. ¹⁰ Era mutambulenga nga nikisaniire OKanca, nga musanyusa, nga mubalanga ebibala mubuli ekikolwa ekiisai era nga mweyongeeranga omukumanya OKanca. ¹¹ Kale munywesebwenga namani agakiitibwa kyabwe gadi, olw'okuguminkiriza kwonna nokuzibiikirya awamwe nokusanyuka. ¹² Nga twebalya OItaiswe eyatusanizire iswe omugabo gwa basiika obwebaikiriiri musana. ¹³ Eyatulokwele omubuyinza abwa kiirikirya, natutwala omu bwakabaka bwa mwana wamwe omwendye. ¹⁴ Nimo tubera nokununulibwa, niko okusonyiyibwa kwabibi byaffe. ¹⁵ Oyo nikyo okiifamani kya Kanca ataboneka omuberyeberye owabitonde byona byona. ¹⁶ Kubanga omwoyo ebintu byona byona nimo byetondeerwe omwigulu no munsi ebiboneka nebitaboneka oba nga mteebe za bakabaka, oba bwami oha kufuga, oba buyinza; ebintu byona byona nga byaakara omunye era okulwamwe. ¹⁷ Naye niye yaliwo nga byona byona tibibangawo era omuye ebintu byona byona nimo bibeerawo. ¹⁸ Era oyo nigwo omutwe gwamubiri niye kanisa; oyo niye luberyeberye, omuberyeberye owamubafu; ye alyokonge abenga owaigulu wa byonabyona. ¹⁹ Kubanga otaiswe yaikirize okwiikira kwona kwona okubanga omuye. ²⁰ Eranga ayakara omuniye okutubanya ebintu byona byona eri ye omweninyini oba okunsi oba omwiigulu niyaletore emirembe olwamusayi gwa musalaba gwamwe. ²¹ Nanywe ninywe mwali mweyawiile oku Kanca era abalabe omukulowoza kwanywe nga mukoola ebikorwa ebibi. ²² Naye olwati abatabaganirye omumubiri gwa ye olwo kufa kwamwe, alyoke abanjule abaikiriiri abatalina kyakunenezebwa era abatalina ibbala mumaiso gamwe. ²³ Kasita nimweyongera okuba omukwiikiriza, nga munyweire, nga timusagana sagana, nga timuzwire omwiisubi alyanyiri gye mwawulire, eyabulirirwe ebitonde byona byona ebiri ansi w'eggulu; nje OPawulo gye omuwereza wayo. ²⁴ Atianu nkusanyukira omu bibonoobona byange oku lwanywe, era omumubiri gwange nkwikirya ebyo ebiburako omukuboa enaku okulwa Krristo olwa omubiri gwamwe, niyo ekanisa. ²⁵ Nje gye nafukiire omuwereza wayo, nga obuwanika bwa Kanca niibuli bwenawereebwo gyemuli, okwiikirya ekigambo kyakatonda. ²⁶ Ekyama ekyakweikebwe okuzwa era neira nemirembe n'emirembe n'emirembe n'emirembe; naya ati kibikulibwe abaikiriiri bamwe. ²⁷ OKanca nibo yatakire okutegeeza obugaiga obw'ekitinisha obwekyama kini nibuli omubamawanga, ekyo niye OKristo munywe eisuubi eryakiitibwa. ²⁸ Iswe niye gwetukoobora iswe, nga tulabula buli muntu omumagezi gona gona, kaisi twanjure buli muntu ng'atukilire omu Kristo. ²⁹ Olweekyo nfuba namani gona gona gantairemu omungeri yakital