¹ Nibaikala omu Anifipali n'om Apolooniya nibayika eSesalonika eyaali eikumbaaniiro erya Abayudaaya. ² Awo oPawulo,nk'empisa yaamwe nibwe yabbaire nabaingiramu,okukuuma Saabiti isatu, nabawakanaya omu byawandiikirwe. ³ Nk'asweekula ngategeeza nti oKristo kya mugwaniire okubonyabonyezebwa n'okuzuukira omu bafu era te oyo Yesu ninje gwe nkubuulira,niye Kristo. ⁴ Abamwe kubo nibaikiriza nibeigaita oku Pawulo n'oSiirasi n'Abayoonani abeegendereza.Ekibbura kikooto n'abakyala abakulu ti badooli. ⁵ Baitu Abayudaaya bwe bakwatiibwe obwiiya,nibatwala abantu ababbi ab'omu bakopi;nibabakumbaanisya abantu nibasasasamaza ekibuga,nabazingizya ennyumba ya Yasooni nibataka okubatwalan omu maiso g'abantu. ⁶ Nibalemererwe okubabona,nibataka Yasooni nibamubba ansi nibamukokota n'abaluganda abamwe nibatwala omu maiso g'abakulu ab'omu kibuga nka bakusimoola waiguru ati abanu,abajunika ensi,baizire niwanu!n'o'Yasooni. ⁷ Niye yabasembererye wanu,bani bona bajemera amateeka ga Kayisalia nka bakoba ati waloowo Omukama owuundi Yesu. ⁸ Nibasasamaza ekibbuura n'abakulu b'ekibuga nibawura ebyo. ⁹ Bwebamaare okweyemeera oYasooni n'abandi,nibabataisya. ¹⁰ Omubwangu aboluganda nibasindika oPawulo n'oSiiras obwiire okwaaba eBeroya:bona nibayikire eyo nibaingira omuikumbaaniro erya abayudaaya. ¹¹ Baitu bani baali basai okusinga ab'eSeselonika,olw'okubba baikirize ekigambo n'omwoyo omubwangu muno,buli lunaku nka baswagana omubyawandiikirwe oba nk'ebyo,nimwo biri bityo. ¹² Abamwe bangi nikyo bazwiire nibaiyikiriza era te abakali.bakali abayoonani abatutumufu taaku na basaiza abatali badooli. ¹³ Baitu Abayudaaya ab'eSeselonika nibategaire nk'ekigambo kya Kanca kibuuulirwa oPawulo era te n'omu Beroya kisibire n'amakanda,nibaizaayo;nibataka okubangula ekibbura era te nibasasamalya. ¹⁴ Awo omubwangu aboluganda nibasindika oPawulo okwaaba okwika okunnyanja:oSiiras n'oTimoseewo bo ni babba eyo. ¹⁵ Baitu abasendekeirye oPawulo,nibamuleeta omu Assene nibalagirwa okukoba oSiiras n'oTimoseewo baize gyaali omu bwangu bwangu obwongo nkisoboka bo ni bbaaba. ¹⁶ Baitu oPawulo bwe yaali akyali omu Aseni nk'abalindirira,omwoyo gwamwe nigumuluma muno niyabwoine nk'ekibuga kyona kizwiire bifananyi. ¹⁷ Awo nawakaniriranga omu makumbaaniro n'Abayudaaya n'abaali batiina Okanca era n'omu Katale buli lunaku n'abo abamwajangananga. ¹⁸ Abantu abamwe abafirosoofo n'aba epikuliiyo ne Abasutoyiiko bona ni bamusisinkana,Abamwe nibakoba ati onu akutaka kusimoola ki?Akubwija-bwijanambe!abandi nibakoba ati okwisana nk'abuulira oYesu n'okuzuukira. ¹⁹ Nibamutwala nibamuleeta oku Aleyopaago nakukoba ati iswe twasobola okutegeera okwegesya kuni okuyaaka kwa kukoba nka bwekuli. ²⁰ Olw'okubba oletere ebigambo ebiyaka omu matwi gaiswe;nikyo tuzwa tutaka okutegeera amakulu g'ebigambo bini. ²¹ Abantu omu Aseeni bona n'abageni ababbangayo; tibakolanga kintu kindi kyona wabula okusimoola n'okuwuuliranga ekigambo ekyiyaka. ²² oPawulo n'ayemeera akati wa Aleyopaago n'akoba ati abasaiza aba Aseene mbabweine omu byona nka mutiina muno,embandwa zaannywe. ²³ Olw'okubba mbaire nkwakala yakala ni ndolerera bye muramya ,era te nisanga ekyoto ekiwandiikibwe ku ati " Kya Kanca atategeerwa" ²⁴ Okanca yakoore ensi n'ebirimu byona,oyo olw'okubba niye Mukama waiguru n'ensi;tasobola okubba omu masabo agaakoleibwe ne,ikono. ²⁵ So Taweerezebwa mikono gya abantu,nk'eyataaga ebintu?olw'okubba oyo niye abawa bona obwomi n'okwisya omwika omu byona. ²⁶ Okuzwa omu muntu omwe,yakoore buli iwaanga ly'abantu okwikala oku nsi embaju zona bwe yalagiire nayawulamu ebiro n'ensalo ez'okwikala. ²⁷ Baswaganenga Okanca;kini yakoore atyo abantu bayike n'okupampaata nka abasuubira okubona Omukama,yete taali alai okuzwa wetuli ²⁸ Olw'okubba omu oyo,tubba boomi,tutambula era te tubbaawo nk'abamwe okwabo abayiiya ebitontome bakobere ati olw'okubba era te,tuli baana bamwe. ²⁹ Aale nka bwetuli eibyale lya Kanca.tekigwanira kulowozanga ati Okanca aisa zaabu,oba Feeza oba Ibaale eby'olebwa n'okutetanya amagezi ga bantu. ³⁰ Baitu Okanca omu biro ebyo,eby'obutamanya tiyabinonozenga;Baitu ati buni abantu bona,abaali awantu wonna-wona okwenenya. ³¹ Olw'okubba olunaku lwakusaraaku omusango ogw'ensonga ensi zona omuntu gwe yawaiiremu,bwe yamaare okuwa abantu bona okwikiriza n'amuzuukirya omu bafu. ³² Baitu nibawuulire okuzukira kw'abafu,abamwe nibangola;abandi nibakoba naye iswe tulikuwuura, ³³ Okubba ekigambo ekyo awo oPawulo n'abazwamu akati. ³⁴ Baitu abasaiza baamwe nibeigaita naye,nibaikiriza;omu abo oDionozio omu Aleyopaago n'omukaali eibara lyaamwe Damali,n'abandi baingi omu abo.