¹ Naye omuntu eriina lye Ananiya ne Safira mukali we n'atunda ebibye, ² ne yeegisiraku ku muwendo, mukali we naye ng'amaite, n'aleetaku kitundu butundu n'ateeka ku bigere by'abatume. ³ Naye Peetero n''amukoba nti Ananiya, Setaani akwijuliziirye ki omwoyo gwo okubbeya Omwoyo Omutukuvu, ne weegisiraku ku muwendo gw'enimiro? ⁴ Bwe yabbaire eyiyo, teyali yiyo? Era bwe yamalire okutundibwa, teyabbaire mu buyinza bwo? Kiki ekikuteekeserye mu mwoyo okukola oti? Tobbeyere bantu, naye Katonda. ⁵ Ananiya bwe yawuliire ebigambo ebyo, n'agwa n'atondoka. Entiisia nyingi n'ekwata bonabona abaawuliire ebyo. ⁶ Abalenzi ne bayimuka ne bamuzinga, ne bamutwala ne bamuziika. ⁷ Awo olwatuukire wabbaire wabitirewo esaawa isatu omukali we yeena n'ayingira nga tamaite bwe bibbaire. ⁸ Peetero n'amwiramu nti Nkobera, mwatundire enimiro omuwendo gutyo? N'akoba nti Niiwo awo, gutyo. ⁹ Naye Peetero n'amukoba nti Kiki ekibatabaganyizirye okukema Omwoyo gwa Mukama? Bona, ebigere byabwe abaziikire ibaawo biri ku lwigi, bakutwala weena. ¹⁰ Amangu ago n'agwa ku bigere bye, n'atondoka: abalenzi bwe baayingiire ne bamusanga ng'afiire, ne bamutwala ne bamuziika wamu no ibaaye. ¹¹ Entiisia nene n'ekwata ekkanisa yonayona ne bonna abaawuliire ebyo. ¹² Obubonero n'eby'amagero bingi ne bikolebwanga n'emikono gy'abatume mu bantu; bonabona babbaire mu kisasi kya Sulemaani n'omwoyo gumu. ¹³ So n'abandi tewabbaire n'omumu eyayaÅ‹angire okwegaita nabo; naye abantu ne bagulumizia ga; ¹⁴ abaikiriza ne beeyongeranga okwegaita no Mukama waisu, bangi abasaiza n'abakali; ¹⁵ n'okuleeta ne baleetanga mu magira abalwaire ne babateekanga ku mikeeka no ku bitanda, Peetero bw'eyaiza ekiwolyo kye kituuke ku bamu. ¹⁶ Era ebibiina ne bikuÅ‹aananga nga biva mu bibuga ebiriraine Yerusaalemi, nga baleeta abalwaire n'ababbaire babonyaabonyezebwa dayimooni; ne bawonyezebwanga bonabona. ¹⁷ Naye n'ayimuka kabona asinga obukulu ne bonabona ababbaire naye (kye kitundu eky'Abasadukaayo), ne baizula eiyali, ¹⁸ ne bakwata abatume ne babateeka mu ikomera ly'abantu bonabona. ¹⁹ Naye malayika wa Mukama obwire n'aigulawo engigi egy'eikomera, n'abafulumya, n'akoba nti ²⁰ Mwabe, mwemerere, mubuulire mu yeekaalu abantu ebigambo byonabyona eby'obulamu buno. ²¹ Bwe baawuliire ne bayingira mu yeekaalu mu matulutulu, ne begeresya. Naye kabona asinga obukulu n'aiza n'ababbaire naye, n'ayeta olukiiko n'abakaire bonabona ab'abaana ba Isiraeri, n'atuma mu ikomera okubaleeta. ²² Naye abaami abayabire tebaabasangire mu ikomera, ne baira, ne batumula ²³ nga bakoba nti Eikomera tusangire nga lisibiibwe kusa dala n'abakuumi nga bayemereire ku njigi; naye bwe twigairewo, tetusangiremu muntu. ²⁴ Bwe baawuliire ebigambo ebyo omukulu wa yeekaalu na bakabona abakulu, ne basoberwa mu bweraliikirivu bwabwe ekigambo kino nga bwe kyaizire okubuna. ²⁵ Omuntu n'aiza n'ababuulira nti Bona, abantu badi be mwateekere mu ikomera bali mu yeekaalu bemereire nga begeresya abantu. ²⁶ Awo omukulu n'abaami ne baaba ne babaleeta, sti lwa maani, kubanga babbaire batya abantu baleke okubakubba amabbaale. ²⁷ Ne babaleeta ne babateeka mu maiso g'olukiiko. Kabona asinga obukulu n'ababuulya ²⁸ ng'akoba nti Okulagira twabalagira obutayegeresianga mu liina eryo: era, bona, mwizwire Yerusaalemi okwegeresya kwanyu, ne mutaka okuleeta ku ife omusaayi gw'omuntu oyo. ²⁹ Naye Peetero n'abatume ne bairamu ne bakoba nti Kigwana okuwulira Katonda okusinga abantu. ³⁰ Katonda wa bazeiza baisu yazuukizirye Yesu gwe mwaitire imwe bwe mwamuwanikire ku musaale. ³¹ Oyo Katonda yamuninisirye ku mukono gwe omulyo okubba omukulu era omulokozi, okuwaayo eri Isiraeri okwenenya n'okutoolebwaku ebibbiibi: ³² feena niife bajulizi b'ebigambo ebyo, era n'Omwoyo Omutukuvu, Katonda gwe yawaire abamugondera. ³³ Naye ibo bwe baawuliire ne balumwa inu, ne bataka okubaita. ³⁴ Naye omuntu n'ayemerera mu lukiiko, Omufalisaayo, eriina lye Gamalyeri, omwegeresya w'amateeka, alina ekitiibwa mu bantu bonabona, n'alagira baize abasaiza ewanza akaseera: ³⁵ n'abakoba nti Abasaiza Abaisiraeri, mwekuume eby'abantu bano, kye mwaba okubakolaku. ³⁶ Kubanga eira mu biseera ebyabitire Syuda yagolokokere ng'akoba nti niiye muntu omukulu, abantu nga bina ne beegaita naye: n'aitibwa, bonabona abaamuwuliire ne basaansaana, emirerembe ne gikoma. ³⁷ Oluvannyuma lwe n'agolokoka Yuda Omugaliraaya mu naku egy'okuwandiikibwa, n'atwala ekibiina okumusengererya: n'oyo n'agota, bonabona abaamuwuliire ne basaansaana. ³⁸ Ne atyanu mbakoba nti Mwebalame abantu bano, mubaleke: kubanga okuteesia kuno n'omulimu guno oba nga biviire mu bantu, birizikirira; ³⁹ naye oba nga bya Katonda, temuyinza kubizikirirya; muleke okuboneka ng'abalwana no Katonda. ⁴⁰ Ne bamuwulira: ne beeta abatume, ne babakubba, ne balagira obutatumulanga mu liina lya Yesu, ne babalekula. ⁴¹ Awo ne bava mu maiso g'olukiiko nga basanyuka kubanga basaanyiziibwe okukwatibwa ensoni olw'Eriina. ⁴² Buli lunaku mu yeekaalu ne mu nyumba eika tebaayosianga kwegeresyanga n'okubuuliranga Yesu nga niiye Kristo.