¹ Pawulo, omutume wa Kristo Yesu olw'okutaka kwa Katonda, ng'okusuubiza bwe kuli okw'obulamu obuli mu Kristo Yesu, ² eri Timoseewo, omwana wange omutakibwa: ekisa, okusaasira, emirembe ebiva eri Katonda Itawaisu ne Kristo Yesu Mukama waisu bituuke gy'oli. ³ N'ebalya Katonda gwe mpeerezia okuva ku bazeiza bange mu mwoyo omusa, bwe nkwijukira obutayosya mu kusaba kwange emisana n'obwire ⁴ nga nkulumirwa okubona, bwe njijukira amaliga go, kaisi ngizule eisanyu; ⁵ bwe naijukiziibwe okwikirirya okutali kwo bukuusa okuli mu iwe; okwabbanga oluberyeberye mu muzeizawo Looyi ne mu maawo Ewuniike, era ntegereire kimu nga kuli ne mu iwe. ⁶ kyenva nkwijukirya okuseesianga ekirabo kya katonda ekiri mu iwe olw'okuteekebwaku emikono gyange. ⁷ kubanga katonda teyatuwaire ife omwoyo ogw'okutya, wabula ogw'amaani era ogw'okutaka era ogw'okwegenderezanga. ⁸ kale, tokwatirwanga nsoni kutegeezia kwa mukama waisu, waire nze omusibe we: naye obonyaabonyezebwanga wamu n'enjiri ng'amaani ga katonda bwe gali; ⁹ eyatulokoire n'atweta okweta okutukuvu, ti ng'ebikolwa byaisu bwe biri, wabula okumalirira kwe iye n'ekisa bwe biri, kye twawereirwe mu kristo yesu emirembe n'emirembe nga gikaali kubbaawo, ¹⁰ naye bibonesebwa atyanu olw'okwolesebwa kw'omulokozi waisu kristo yesu, eyatoirewo okufa n'amulisya obulamu n'obutazikirira olw'enjiri, ¹¹ gye nateekeirwewo omubuulizi era omutume era omwegeresya. ¹² era kyenva mbonaabona ntyo: naye tinkwatibwa nsoni; kubanga maite gwe naikiriirye, ne ntegeerera dala ng'ayinza okukuumanga kye namugisisirye okutuusya ku lunaku ludi. ¹³ nywezianga eky'okuboneraku eky'ebigambo eby'obulamu bye wawuliranga gye ndi, mu kwikirirya ne mu kutaka okuli mu kristo yesu. ¹⁴ ekintu ekisa kye wagisisiibwe okikuumenga n'omwoyo omutukuvu, abba mu ife. ¹⁵ kino okimaite nga bonabona abali mu asiya bankubbire amabega; ku abo niiye fugero ne kerumogene. ¹⁶ mukama waisu asaasire ennyumba ya onesifolo: kubanga yampumulyanga emirundi mingi, so teyakwatiirwe nsoni lujegere lwange, ¹⁷ naye bwe yabbaire mu rooma n'anyiikiire okusagira n'okubona n'ambona ¹⁸ (mukama waisu amuwe okubona okusaasirwa eri mukama waisu ku lunaku ludi); era n'okuweereza kwonakwona kwe yaweerezianga mu efeso, iwe okutegeera kusa inu.