1
. Nan do oyam benyo? Kara omede kede timo dub, me wek kisa mede bedo ne wa?
2
. Rubanga dagi. Epone mene ame wan, jo ame otoo idub, karuno mede timo dub?
3
. Kara wun likame ingeunu be jo atot kame obatiso ii Yesu Kristo obatisikin pakana itoo mere da?
4
. Pimano wan koyiko wa karacel kede en di beo itoo: me we da bala kame Kristo oko yaru no kede itoo eli beo ideyo kapapa wek wada iye epone nono poore ooti ikuo kanyen.
5
. Pien kame wan opito wa karacel ikom cal me too mero, wek da obedi i cal me iyrun mere da.
6
. Di ongeouni man be, dano otii oguro kede en karacel me wek kom me dub miero dubere, wek kur bobo emede tic ne dub.
7
. Pi ngato ngat ko too uelo otieko gonyere ki dub.
8
. Nan do ka wan otoo kede Kristo, wan oyei da be wan ebino kuo kede en karacel.
9
. Ongeo da be Kristo oyaruno ikom jo otoo likame ebino too bobo; too likame tie kede loc ikome.
10
. Pimano en etoo, etoo pi dub iciel: do iye da eko kuo, ekuo ibut Rubanga.
11
. Pimano marunu wuda pi bedo gi otoo atwal ikom dub, do ikounu kuo ki Rubanga ki Rubanga di bo ikom Yesu Kristo Rwot wa.
12
. Wek doko dub moro kur pug komu ame too go, me wek kur ilubunu mit mege.
13
. Akadi mino adulion me komu bala gi tic ilime poore pi dub: do miunu kom wu but Rubanga, bala jo go jo oyaruno ikom too, kede adulion me konu pi bedo gi tic me poore but Rubanga.
14
. Likame dub pore bedo kede pug but wu, pien wun likame itienu piny me iswil, do itie nu piny me kisa.
15
. Nyo nan do? pore wan omedunu dubo, pien wan likame otienu piny me iswil, do piny me kisa? Rubanga likame mito amano.
16
. Kara likame in ingeo be, ngat kame in imio komi pi bedo epasoit mere, ngat nono da in itoo, ara me wor ame teri ipoore?
17
. Do pwoc bed but Rubangaa, be wun oudo itienu ipasoi me dub, do ikounu woro icunyu epone me pwony ame oudo omio but wu.
18
. Omio wun ikounu bedo jo ogonyere ikom dub, ikounu doko jotic me poore.
19
. Ango ayamo i epone me jo pien goro me kom wu: Pien bala kame imiunu adulion me komu bedo ngatic alikame cil yai iraco tuno iraco: amanono miunu adulion me komu pi poore tuno icilo.
20
. Pien kame oudo itienu kede jotic me dub oudo iyaunu tenge ipoore.
21
. Anyakini inyo ame itienu kede bobo ikom jame go amio wu leuc? Pien ajikini me gigo tie itoo.
22
. Do nan di otieko gonyo wu ikom dub, di ikomu bedo ipasoi ka Rubunga itienu do kede anyakini atero wu icilo, me atiekini mere tie iku me nakanaka.
23
. Pien musala me dub tie itoo, do giamia ka Rubanga en kuo me nakanaka ikom Yesu Kristo Rwot wa.