1
. Abino waco benye, nyo kame Aburaamu ngat kame abedo papawa , di lubere kede kop me kom oudo?
2
. Pien kakoto Aburaamu oudo poore pitice mege koto oudo etie kede gi kame ewakere iye. do likame kibut Rubanga.
3
. Pien iwandik kacil waco benyo? Aburaamu oyei Rubanga di oko mare bedo dano ko poore.
4
. Nando but dano kame timotic, egelit mere likame otero bala komie pi kisa, do ofere bala nabya.
5
. Do but ngat kame likame otio, do di eyei kede ngat kame i oko jo kame likame iworo Rubanga, yei mere mio komare bedo ngat kopoore.
6
. Kamanono da bala kame Daudi otatamo kede winyo me dano kame Rubanga maro ne poore abongo tice.
7
. Di ewaco be tie winyo jogo kome ka sasiro dubgi jame koumo gi kareco gi.
8
. Tie kede winyo dano kame Rwot likame bino maro raco ikome.
9
. Winyo ni bino but jo kame okepo kenekene arabo kiton but jo kalikame kokepo da? Pien wan ewaco be yei omio komaro Aburaam bedo dano kopoore.
10
. Komare benyo? komare pi akepo arabo di likame pi akepo? likame pi akepo.
11
. Do eka gamo anen me akepo, amo me poore me yei kame eudo di pwodi likame kokepe: Tete keny edok papa me jo dedede kame yei, kadi bed bala likame kokepo gi, poore na miero mar ne gida.
12
. kede pi bedo papa me jo kame kokepo but jo kalikame kokepo kenekene do kame do oto kie adoketa me jei meka papa Aburaamu kame oudo etie kede di pwodi likame kokepe.
13
. Pien cikere me en bedo musika, me wilobo likame komio Aburaamu arabo kodi mere di lubere kede iswil, do pi poore kame yai kiyei.
14
. Pien kame gin jo kame lubo iswil en kame bino bedo musikan, yei do udo kony mereli cikere dado udi tek mere li.
15
. Pien iswil kelo lilo ka Rubanga: kakame iswil likie turo iswil da li.
16
. Pi mano en etie pi yei wek miero d ebed pi kisa iye ajikin mere isikan miero mok pi kodi mere dedede. likame pi jogo kame tie pi yei ka Aburaamu kame tie papa wa dedede.
17
. Bala kame kawandiko kede be, ami bedo papa me atekerin katot, i but ngat kame yei, en Rubanga kame mio iokotoo kuo kame iwongo jamini kame li be tie.
18
. En ngat kame oudo li kede gen ekobedo kede gen, me weki ebed papa me atekerin katot di lubere kede gi kame kowaco me weki kodini bedi.
19
. Di likame eko bedo kede nyapo iyei likame eko tero kome bala oto kakame en oudo etuno mwakini tol acel me dongo, likame bobo da eparo pi to me auris kasara dakoi mere.
20
. Likame eko yayangun kiye cikere kaRubanga pi bedo abongo yei, do edong di etek kiyei di emio Rubanga deyo,
21
. En oudo engeo kiber be gikame Rubanga ociko eyaro twero cobo da.
22
. Nando pi mano oko mino kanga pone poore.
23
. Do oudo likame kowandi pire en kene, be oudo oko mare bala ngat kopoore.
24
. Dopirwada, kame kobino maro wa bala jokopoore kame obino yei kede ngat koyaruno Yesu Rwotuo kikom jo koto.
25
. Kame bin komie pi dub wa; di koko yaruno en bobo pi kwanyo gikareco wa.