¹ Can ikoma pien ango atie bala anyakini kame ocoko ikare me ooro, bala anyakini kame otieko depo dido likame tie moro odong me acama, tipo na mito anyakini me agege. ² Dano kame woro Rubanga otieko too iwi lobo, likame tie dano moro kame ber i diere diere me jo, gin dedede kibuto di ki daro ot onyo remo, ngat acel acel daro omimere kede bwoi. ³ Wek tetekeny gin itim raco kede cing gi dedede; jo pug penyo, jo ngol kop da penyo pi cul, dano adwong nyuto mit mere tetekeny gin kiko ume karacel. ⁴ Ngat kame ber ikom gi cal bala ocoko cok, ngat iber ikom gi bit lono okuto, ceng me jo wu kame kio piny kede me mino wuu alolalola otieko tuno nataman gin kibino babangun. ⁵ Kur igen ngawoti, kur iket gen ikom ngat kame daro, gwok idogi ikom dako kame buto ikori. ⁶ Pien awobi likame woro papa mere, nyako tingere ikom toto mere, dako kame onyomo tingere ikom daa mere, nga kwor ka dano obedo jo me i ode. ⁷ Pimano ango abino neno Rwot, di ako daro Rubanga me alako. Rubanga na oyaro winya. ⁸ Kur ilel ikoma, okwe nga kwor na kame ango apoto ayaro yai, ka abedo kaka acol Rwot bino bedo leero na. ⁹ Ango abino kanyakino lilo ka Rwot, pien ango adubo bute tuno di en epido pira, di eko ngolo na kop, di en eko bino kela ilero, di ango ako bino neno poore mere. ¹⁰ Di dako ko bedo nga kwor na nono ko bino nene di lewic ko mako dako nono, en ngat ko yamo na be Rwot Rubanga ni tie twai? Di wanga ko bino nene di otie nyonyo no en piny bala coto me dier gudo. ¹¹ Iceng kame obino gero kede apama nin, iceng nono obino nyiko ikor nin kaka abor. ¹² Iceng nono gin kibino bino buti di ki wok i Asiria kede I bomban kame tie malo, tuno i ecilet kame yai inam tuno inam ace, yai imoru paka imoru. ¹³ Akadi ka amanono da, wii lobo likame bino dong nono pir gin jo kame bedo iye pi anyakini me tice gi. ¹⁴ Pit joni kede ebela nin, oromini ni kame in ileo kame bedo ken gi i tela kame tie idyer lobo me Kamel, wek gin ki cami i lobo me Basen kede Gilad bala ikare ka sek. ¹⁵ Bala ceng kame ibinunu kede di iyaunu ilobo me Misiri, abino nyuto ne gi gime aura. ¹⁶ Atekerin bino neno di lewic ko mako gi di kiko keto cing gi i dog gi di it gi ko didingun. ¹⁷ Gin kibino moko apua bala twol, kibino liao ibure gi bala kudi linge kame bedo i lobo, kibino bedo kede lworo ikom Rwot Rubanga wa, gin kibino bedo kede lworo pir in. ¹⁸ Ngai kobedo Rubanga kame cal kede in kame sasiro gika reco, di eko beo idub me jo mege kodong? En egwoko lilo mere nakanaka, pien en egeno kisa. ¹⁹ En ebino doko lokere di eko bino timo wa kisa, en ebino nyono dub wa di eko bino uco dub wa inam kaka tut. ²⁰ Yin ibino nyuto ateni but Yakobo kede kisa but Aburaam ame bin ikwongo kede but jo akwari wa ikare kasek.