1
. Iceng me agege me Sabiti, odiko sek, di gi gin ko bino iates kede jamini angwe kur kame gin kiiko kede jo ace da.
2
. Gi ko udo enaru kame oumo kede ate oloro tenge.
3
. Giko donyo iyiye gin gi ko udo be kom Rwot Yesu lii.
4
. Di pwodi gi pong kede wur gin giko neno cuo are di cungo inget gi digi ngapo igwen atie rieny.
5
. Kede iworo adwong gi ko luro nying piny di go kiko yamo negi be, pinyo bo ame un imounu kede ngat kakuo ibut jo koto?
6
. En eli ikan, oyaruno en Yutununu kite ame bin eyaro newu di pwodi eti Galilaya.
7
. Di ewaco be wot icuo opore mino icing cuo atimo bal di oko gure di iceng me adek eko yaruno dokon.
8
. Gin kiko utuno kope mege.
9
. Giko dok do iya tes digi ko tatamo kope nogi but jo ii kede jo dedede.
10
. Oudo Maria Magadelina, Jona, Maria toto me Yakobo kede mon ace ame udo tie kedegi di oyamo kope gi but jo oor.
11
. Likagi ko yei kede gi pien kop nogi oudo winyere but gi bala kop akony mere li.
12
. Di Petero oko yai sipidi eko ringo iates eko gungo neno igwen me aika di tie kengi eko dok di etie kede ur adwong pi gi otimere ikom gi.
13
. JO are ceng noni oko ot icalo me Emausi, ame oudo tie mairon bala kanyare ijai i Yerusalem.
14
. Giko yamo sama kengi kengi pi gi otimere.
15
. Di gi tie ot, Yesu kikome okobino iyapi inget gi eko upere kede gi.
16
. Do oudo wangi koumo me wek gin kur kingee.
17
. Eko penyo gi be benyo epone mene me yamo ine aun itienu yamo kenwu kenwu di iotunu de bobon da lika cunyu yom?
18
. Acel ikom gi anyinge Keleopos oko dwokone be in ba itie welo i Yerusalem kane ame pwodii likame iwinyo gi otimere icengere gi?
19
. Eko dwoko negi be, Nyo inonono? Giko yame be amako Yesu me Nasareti ame oudo tie enabi ame dwong adikini cel itice kede inyim Rubanga kede jo duc.
20
. Kede epone ame jo saseredotin adongo, jo loc wa omio ongolene kop me too, di oko gure.
21
. Do wan oudo otie kede gen be en ame eyaro lako isiraili apat kede magi dedede tin do en ceng me adek geno me gigi timere.
22
. Bobon mon mogo da ame tie ie kodet wa odubo wiwa di gin gigigeo tino iates.
23
. Gi ko udo kome li di gi ko dwogo yamo newa be gi neno yabere me imalaikan oko yamo negi be en ekuo.
24
. Ikom wa da mogo oko ot iates oko udo be kop ame giyamo tie ateni do gin likame kine ne.
25
. Di en eko waco negi be, okwe un jo mingo gi di cunyu da yei momot ikope dedede kame inabino oyamo.
26
. Oudo likame epore ne Kristo neno can gi dedede di en eko donyo i deyo mere?
27
. Dido geno ibut Musa kede inabino dedede eko yamo negi odocon kiber gi aca amako en.
28
. Digin yapono tuno icalo ame oudo gitie ot iye en oudo emito ianyo gi cen.
29
. Do gin ko genge di gi waco ne be pipny otieko uto dong bed kede wa, di en ek dong bedo kede gi.
30
. Kamago, en okato, en eko bedo me cam kede gi ekwanyo mugati eko lonye di eko tuture en eko mino gi.
31
. Wangi di oko yabere gi ko ngene di eko rwenyo wir iwangi.
32
. Digi ko penyere kengi kengi be Benyo cunwa likame oki owang di eyamo kede wa dibobon da eyabpre wa gi awandi?
33
. Gin giko yai malo iye sawa nono gi ko dok Yerusalem gi ko udo jo tomon iwie acel ka ocokere karacel kede jo ace audo tie kede gi.
34
. Digi ko waco negi Rwot ateteni oyaruno eko neno but Simoni.
35
. Digin giko tatamo negi gi otimere iyongayo kede epone ame engere kede but gi iesawa me turo mugati.
36
. Digi tie yamo Yesu kikome di ko cungo idyere gi i ekoyamo negi be, mulem bed kede u.
37
. Do oudo iworo omakogi kede polo cuny be amotoko gi neno tipo. En eko yamo negi be Nyo omio itienu kede poto cuny? kede nyo omio piem tie icuny u?
38
. Nenunu cinga kede tiena ikonu ngeno be en ango.
39
. Mukanu ikonu neno pien tipo li kede ringo kede cogere bala kite ame ango atie kede gi.
40
. Di etieko yamo kede gi eko nyutonegi cinge kede tiene.
41
. Dipwodi gin likame gi tie yei pi yom cuny eko yamo negi be, itienu kede cam moro kan?
42
. Giko mine aporogo ocek kede kapien me kic.
43
. Eko camo i nyim gi kanono.
44
. Eko waco negi be magi en obedo kop ame bin awaco ne u di pwodi atie kede u, be gidedede pore cobere ame owandiko iswiliaka a Musa kede inabino kede itabu me Sabuli ame mako ango.
45
. Di eko yabo wiangi tetekeny gi ki niangi gikame owandiko.
46
. Di eko yamo negi owandikobe Kristo pore udo alola, di eko yaruno ikom jo oto iceng me adek.
47
. Kede be iswilar kede aweka me gika reco pore atuca but atekerin dedede di egere i Yerusalem.
48
. Yun itienu jo jurao me gigi.
49
. Ayaro cwano neu gi ame papa ocio neu: Do bedunu karacel ibomba me Yerusalem paka kakame ipongunu kede twer kame yai imalo.
50
. Eko telogi kabor bala nat tutu Bethany eko rieno bade eko mino gi winyo.
51
. Kamago okato di etie mino gi winyo eko yai i but gi oko tinge malo.
52
. Giko wore, gin giko dok Yerusalem kede yom cuny adwong.
53
. Di eko mede amanono i tempulo diki pake kede mino Rubanga winyo. Amano.