1
. Kbut Adwong di acwao but dako kame koyero kede idwe mege, kame ango amaro i ateni, da likame ango kena do paka jo dedede kame otieko ngeno ateni.
2
. Pi kop me ateni, kame tie but wan, doko da ebino bedo kede wa nakanaka.
3
. Kisa bed but wu, mwolo kede mulem kame wok kibut Rubanga Papa kede kibut Yesu Krisito Wot ka Papa, i ateni kede amara.
4
Ango ako bedo kede ilel adwong pien audo be idwe nin tie lubo ateni, bala kame wan oudo kede cik kibut Papa.
5
. Pi mano, ango nan atie kwani dako kame koyero, likame bala ango atie wandikoni cik anyen, do ebedo cik kame wan owinyo cako kiagege; en be omarerenu kenwa kenwa.
6
. Da man en amara be wan poore olubunu cik mege. Man en cik mere, Bala kame otiekunu winyo kede cako kiagege, wun miero ilubenu.
7
. Pien joangalo atot otieko donyo i lobo kan, jo kalikame yei be Yesu Krisito obino di engapo kom. Dano nono obedo nga-angalo doko en ebedo ngakwor ka Krisito.
8
. Gwokerenu me wek kur okeunu gikame wan otiekunu timo tic mere, do tetekeny wan oudunu cul mere opong.
9
. Ngatamoro kame bino turo cik, di likame eko dong lubo pwony ka Krisito; udo eli kede Rubanga. Do ngat kame bino lubo pwony ka Krisito udo Papa kede Wod etie bute.
10
. Ka ngatamoro obino buti kede pwony apat kede man, kur igame ipaco ni, da kur imote.
11
. Pien ngat kame mote udo enywako kede en tice mege areco nogo.
12
. Bed bala ango atie kede kope atot kame apoore wandiko ne wu, ango do likame abino wandiko gi awandik; pien ango atie kede gen me bino but wu, di oko bino yamo kede wu wang kiwang; me wek obedunu kede ilel opong.
13
. Idwe amini kame oyero cwao amot gi buti. Amen