¹ . Paulo, kame Rubanga owongo pi bedo ngaor ka Yesu Kuristo, pi mit mere karacel kede omina wa sosetene. ² . But kanisa ka Rubanga kame tie ikrinti kame olonyo ikuristo Yesu, jo kame olwongo pi bedo jo acil, karacel kede jo dedede kame lwongo nying Rwot wa Yesu Kuristo, en Rwot gi kede merwa da. ³ . Kisa bed butu kede mulem kame yai kibut Rubanga papa wa kede Rwot wa Yesu Kuristo. ⁴ . Ikare dedede ango apwoyo Rubanga na piru pi kisa Rubanga kame en emio wu kibut Yesu Kuristo. ⁵ . Pi i gi dedede en emio wu ibaru nu, iyamo wu kede ingec wuda. ⁶ . Bala da kame otieko moko kede caden ka Kuristo ibutu wu. ⁷ . En omio likame tie gi amia moro me Tipo Acil mio kame wun ikeunu di itienu daro dwogo ka Rwot wa Yesu Kuristo. ⁸ . En ebino mino wu teko tuno iye ajikini tetekeny wek kur ibedunu kede raco moro icieng me dwogo mere. ⁹ . Rubanga genere, en kame elwongo wu pi nywak ka wode Yesu Kuristo, en Rwot wa. ¹⁰ . Ango nan angangao wu imiegu, inying Rwot wa Yesu Kuristo be, wun dedede yamu kop aciel wek kur apokapoka bed butu, do ribere nu karaciel, itam aciel kede ingol kop aciel. ¹¹ . Pien jo diyakal ka koleo otieko mina ngec be piem tie idiere wu imieguna. ¹² . Gikame ango atie yamo en ine, jo acie kibutu yamo tie ango abedo dano ka Paulo, mogo be ango abedo dano Apollo mogo be ango abedo da ka kepa, jo mogo be ango meka Kuristo. ¹³ . Opopoko Kuristo? Paulo en kame oguro piru? Arabo kobatiso wu inying Paulo? ¹⁴ . Apwoyo Rubanga pien likame ango abatiso ngat moro kibutu kwanyo Kirisipi kede Gayo. ¹⁵ . En omio likame tie ngatamoro kame twero pi yamo be kobatiso en inyinga. ¹⁶ . Ako bobo batiso jo me ot ka Sitepano do likame atwero yutunu kame bobo ako batiso dano moro acie. ¹⁷ . Pien likame Kuristo oora pi batiso, do pituco ejiri do likame kede kop merieko, wek tetekeny kop me yataria ka Kuristo bedi abongotwer. ¹⁸ . Pien en kop me yat aria ka Kuristo tie gi me mingo kibut jo orwenyo, do etie twer ka Rubanga but wan jo olakere. ¹⁹ . Pien kowandiko be, Abino dudubo rieko me joariek di ako rwenyo ngec me jo atie kede diru. ²⁰ . Nan do ngarieko tie tuai? Nan do ngat osomo twatwal tie tuai? Ngat kame piemo ikare ni tie tuai? Likame Rubanga oloko rieko me lobo ni odoko mingo? ²¹ . Pien Rubanga irieko mere emio jo me piny likame oko sobolo ngene irieko gi Rubanga cunye oko doko yom pi lako jo kame yei pi mingo me ejiri kame wan opwonyo. ²² . Pien Iyudan penyo gi aneno do jogurik mo rieko. ²³ . Do wan opwonyo kop ka Kuristo kame oguro, kop kame wango cuny Iyudayan kede kibut jogurik etie kop me mingo. ²⁴ . Do but jo kame Rubanga olwongo, Iyudayan kede jogurik, Kuristo tie twer ka Rubanga kede rieko ka Rubanga. ²⁵ . Pien mingo ka Rubanga en rieko kame kalame me jo doko goro ka Rubanga en teko kame kalome me jo. ²⁶ . Imiegu nenu lwongo wu likame jo atot obedo jo ariek i ekite kame jo neno kede likame jo atie ked twer, likame jo kame oworo en kame olwongo. ²⁷ . Do Rubanga oyero gi mingo me pinyi pi mino lewic mako jo rieko, di bobo eko yero gi kame goro ipiny pi mino lewic mako kametek. ²⁸ . Rubanga oyero gi kame jo cao kame kony gi li ipiny kan gi kame jo neno bala kony li pi dudu bo gi kame jo tero bala pi gi tek lono. ²⁹ . Tetekeny ngatamoro kur wakere inyime. ³⁰ . Pien kibute en omio wun itie nu ikuristo Yesu, ka me Rubanga omio odoko rieko but wan kede poore kede loonyere kede alako. ³¹ . Bala kame kowandiko kede be; Ngat kame wakere wek ewakere i Rwot.