¹ Paulo labi te yesu alja nadi kede kun nebi al Fautisha Lnjil ta Rabana. ² Alkan uwa ja ahad. Minzaman min nebiya to min kalama abja katifu ab nedif. ³ Kalama algiwanus fi Nyereku to abja weledu min wilada ta dawdi min gildu. ⁴ Alamrisha kedukun nyereku ta Rabana me gudra, me roha ab nedifi, me gum min meitin yesu Kristo sidi teena. ⁵ Abja wedi neina Huruma, me nebiya Fi rudu min belaana kulu asma to me Kalam asma to. ⁶ Wu itakum Kaman wayi min umon, wu itakum ya anas abgi nadi anas te Yesu Kristo. ⁷ Anas kulu al fi fi rumi ab Rabana aju uman abnaadi umon kede kum anas ab nedif juruma te Rabana kede kun meetakum me raba ab gi tala min Rabana baba teena,me sidi teena yesu Kristo. ⁸ Fi awlan ana gi shukur, ne Rabana tayi kalam te yesu Kristo Fi itakum kulu, kalam rudu takum gi wonus fi duniya kulu. ⁹ Kalam Rabana ya shahid tayi ab ana gi abudu min roho tayi min lnjilte Nyereku tokan ana wanus Fi itakum. ¹⁰ Ana killa yom gi asaku min lbaada tayi ana kede masi kuwesi, Rabana kan aju ja neitakum. ¹¹ Kalam ana gitaman ayinu itakum ana kedu wedi neitakum Fi zawad, ab te roho kede itakum kun gowu. ¹² Furai bakan wayi meitakum Fi rudu takum maan. ¹³ akwaana ana maju kede itakum ma arufu mara milan ana ajuja neitakum lakin girudu naana ma ana kan aju kun me fawaakih ja ana edisi Fi beelana taanin. ¹⁴ Anas te Yonan (Jordan) me anas te beelana, anas te agil me anas ab awirin mon kul gi dayi ana. ¹⁵ Ya ana aju kelem neitakum lnjil itakum anas te agil me anas ab awirin man kul gi dayi ana. ¹⁶ Kalam lnjil me gi Jibu naan haya lnjil ya gudra tarabana al gi haadi killa ajol albi rudu. abidu fi yudaya me Yanan. ¹⁷ Kalam fi lnjil nedif ta rabana gi beenuma algitala min Amin lodi fi amin ja namna abja kaatifu gal ajol abi amin bikun hayi, lajal Amin. ¹⁸ Kalam gelba hari te Rabbana gitala min sameyi na anas alma gi kafu Rabbana me anas alma endisi/maan anas algi dusu hakki. ¹⁹ Kalam te Rabbana gi beenu, wugi arufu, Rabana ya gi kutu kede beenu. ²⁰ Kalam te Rabbana almagi beenu duniya gayinu dukur gi faham min sokolina aluwo kalaugu to me Rabbana to almagi Kalas wu umon ma endisi namna te hukum mo. ²¹ Kalam mon ja arju Rabbana, lakin uman ma sulu uwo Fi heshima to sala kan shukur nowo lakin ligo uman gi wonus kalama alma endisi Fanda Fi jumu labil toomaon Gelba toomon ta awir dukur keregi. ²² Mon gi naki umon anas te agil lakin tar a uwon awiri. ²³ Dukur umon badul neshima ta Rabana almagi kalas me picha ta ajol algi kalas me picha te sokolina ab gi tiin me alendisi kura arba, me algi ngulun gulu, uwo. ²⁴ Ya Rabbana kan je wedi uwon fi awir fi matumani te gelba toomon, man kalas heshima te gildu tomon uwon sidu. ²⁵ Kalam hokki te Rabbana uwaon geetu me kabas duku amon abudu ladi umon abudu ladi umon kadama binadum sindo Rabbana algi shukur nowo kila zaman Ameena. ²⁶ Rabbana ja wedi nowmaon kun me haya, kalam nuswana towmon ja badul kilga buman te weledu mon geeru fi sokol taanin. ²⁷ ladi rujala kamon jede bakan mon je seebu kilga toomon ta ragi jooju mariya mon abidu taman uman fi umon, rajala me rujala mangiso sokolina almagifaa chukur gi wedi nowmon awab. ²⁸ Kalam umon ja abba rudu Rabana Fi agil towmon Rabana ja wedi umon ne roho almagi rudu mesosokolina almagi Faa. ²⁹ Mon amula kun bila imaan yoyote, me batal, tamani, gelbawaskan, Husda, katih, unafiki guwala. ³⁰ Anas albija nandom, ya anas alja gaana Rabbana, anas te gisa, anas tegeemu anas te weriweri anas algi kalagu kalam albatal, anas alma gasma wazze toumon. ³¹ Anas alma endisiagil, anas alja seebu ahadi, anas alma endisi mahaba, alma endisi huruma. ³² Anas alja arufu makosa te Rabana ligo mon arufu gal anas algiso wedede mon faa mutu, lakin monma so maso lakin manja jo kutu gudra ne anas algiso.