¹ Uwo abidu wonusu me umon kalama te maoma. Ajol ajira samba te muzabbibi, uwo robutu fogo wuyuta, uwo watuta fogo latura te aduru melisa uwo abim fogo munara, uwo pangisa anas al gi kuruju, uwo ruwa fibere te boyi. ² Ligo sana timu uwo rasul rabbi tomon ne anas al gi kuruju ke wedi nowo matunda te muzabbibu fogo. ³ Umon amsuku uwo, umon dugu uwo, al rasul uwo ida saki. ⁴ Malitan uwo rasul labbi tani, awuru uwo, haya uwo. ⁵ Uwo rasul tani, wede katul uwo, me tanini milam, wadini ligo gidugu umon me tanini ligo gi katul umon. ⁶ Uwo kan endis wayi nyereku al me aju, fi misho uwo rasul uwo ne umon, ligo uwo gikelem gali bi wedi ishima ne nyereku tayi. ⁷ Lakini anas al gi kuruju nade umon kelem ne umon ne badu uwo ya musika, yala ke inna katul uwo me busika bigayi tena. ⁸ Amsuku uwo, katul uwo, jada uwo bara te shamba te zabbibu. ⁹ Yala uwo bija so kefin sidu shamba, te muzabbibu? Uwo bija katul umon al gi kutuju, me shamba te muzabbibu, uwo bi wedi ne wadini. ¹⁰ Itakum gi ogulama abu sokol abu katifu gali lageri abi anaas algi (abim) ja aba jagi geru rasu te koma. ¹¹ Wede ja tarana ne Rabbana, sokol te shanga fi ena tena? ¹² Umon gata agiri te amsuku uwo, umon katu kom, kalam umon faham kalam te maana de uwo kutu no umon sibu uwo umon ruwa. ¹³ Umon rasul ne uwo wadin fi Falisaayo me Bakadiyaani kede jede uwo fi kalama uwo kede so makosa fi kalama. ¹⁴ Bakan umon ja, kelem nowo gali mwalimu, inna alfu ita te haki, lakim kalam te ajol yoyote mata kutu fogo roho, kalam ita magi baguioa anas, lakin ita gi alim sika te Rabbana fi haki. Yala seme fi wedi ne Kayisaali wushuru ama ma? ¹⁵ Kena wedi ama ke ena wedi ma? Bakan uwo faham bunafiki to umon uwo kelem gali itakum goburu ana le? Jibu naana ddinaali ke ana ayinu. ¹⁶ Umon jibu, uwo kelem gali picha wede me katif de te munu? Umon Kelem no uwo gali, te Kayisaali. ¹⁷ Yesu kelem gali, te Kayisaali wedi kum ne Kayisaali me te Rabbana wedi kum ne Rabbana. Umon sanga uwo zaidi. ¹⁸ Sedukaayo, abu ja kelem gali ma fi tara fi meitina, umon ja ne uwo, umon asudu uwo gali. ¹⁹ Mwalimu, Musa ja katit ne inna gali, aku te ajol kani mutu, uwo sibu mariya to fugo uwo mosibu nyereku aku to ke sulu mariya to, uwo weredu ne aku to ²⁰ Yala fi akwana saba, te awulan joju mariya uwo mutu, uwo matibu nyereku. ²¹ Te tinini joju uwo mutu, me uwo masibu nyereku, me te tarata kaman jede. ²² Umon kul saba masibu yala. Fi misho ligo umon kulu kalas me mariya mutu. ²³ Yala kan umon bija towa fi meitina uwo bija gayi mariya te munu? Kalam umon kul saba ja joju uwo. ²⁴ Yesu kelem ne umon gali, ya itakum gimeru ligo itakum al fu ma abuja katif me itakum alfu ma gudura te Rabbana. ²⁵ Kelem umon kan bitara fi meitina umon bija joju ma, me uwo bija joju umon ma umon bija geni je malaika te samayi. ²⁶ Lakim gum te meitina, itakum lisa agara ma fi kitabu te Musa fi gabboi Rabbana kelem nowo gali, ana Rabbana te lbulayimu me Rabbana te Isaaka, me Rabbana te Yakobo? ²⁷ Uwo ma Rabbana te meitina, lakin uwo te hayi. ²⁸ Inni wayi fi Katiba uwo ja asuma umon fi usadu badum, uwo faham ligo umon Jibisha seme uwo shariya futuwan fi kulu? ²⁹ Yesu Jibisho gali te awulan ya wede gali asuma Israeli Rabbana sidu teena ya wayi bara. ³⁰ Ligo gi aju Rabbana sidi taki me gelba taki kulu, me hayi taki kulu, me agiri taki kulu, me gudura taki kulu. ³¹ Shariya te tinini ya wede aju giran taki je ita aju ita bara. Mafi shariya tani al gishinda doole me kebir. ³² Katiba kelem nowo gali, mwalimu abu seme, wonusu fi haki ya Rabbana fi wayi lakin mafi tani. ³³ Me aju uwo gelba wayi, me faham kulu, me gudura kulu, me aju girani taki je ita aju ita bara, gisinda kul zakka al tamani al fi karagu me sadaka. ³⁴ Ini, ya Yesu ayinu uwo jibisha uwo je al gi faham, uwo kelem ne umom gali, ita mafi boyi me mamlaka te Rabbana. Ya mafi ajol abu ogideri asadu uwo malitani. ³⁵ Yesu gibisha ligo uwo gi alim fi kanisa gali anas katiba sunu gi kutu itakum gi kelem Yesu nyereku te Dawudi? ³⁶ Dawudi uwo silu ya ja kelem fi Roho al nedit gali, Rabbana ja kelem ne sidu tayi gali, geni fi ida tayi te yomini, ladi yom abu ana bigeru haduyi banbala te kura taki. ³⁷ Dawudi sidu ginadi uwo sidi to, uwo gi gayi kefin nyereku to? Me te kom asumu uwo me fulayi. ³⁸ Inni fi alim to uwo kelem gali chunga itakum nas katiba, abu aju masi ligo uwo lebis gumasa te tuwali, me selem umon fi suu. ³⁹ me bambara te gi damu fi kanisa, me bakan te ishima fi joju. ⁴⁰ Al gisulu juma te (Namwandu), me umon al gi womba fi wunafiki, umon bija so makosa al gi shinda gi kebir. ⁴¹ Uwo geni uwo ayinu kikapu te pesa uwo ayinu kom ligo gilada feza fi kikapu: milam alkan tagil al jada fogo milan. ⁴² Ya (Namwandu) al misikini uwo ja jada fogo nusu tinini ya ke dulan te. ⁴³ Uwo nadi swahaba to, uwo kelem noumon jede, fi haki ana gikelem ne itakum (Namwandu) wede al miskini uwo jada fogo milan futu kulu al kutu fi kikapu. ⁴⁴ Misho umon kila jada fogo fi abagi, lakin uwo fi mutagil to uwo jada fogo kul al uwo endis kul fogo hayi to kulu.