^{2 1} Wakti ab uwo kan gi futu uwo ayinu ajol ab wede duwo ligo uwo amyan. Nas swahaba to asadu uwo labbi,mun ya jakarabu ajol wede aw wazze to ab kutu uwo me weledu amyan? ³ Yesu arja fogo gali ata wede ma karabu sala kan wazzeto,lakin kidima ta Rabbana kede beenu fugu uwo. ⁴ Ina gi fa neena so kidima te Rabbana sidi rasul ina de ligo lata fadi .filel gija wakti ab ajol ma agder so fogo kidima. ⁵ Kan ana fi duniya ana fi semsi te duniya. ⁶ Wakti okala wonusu jede otubu bija fi tura okalab tu tura me bija omasa tura fi ussa to. ⁷ Okelem nowo ruwa beredu fi kooru te Sirowamu(maama to ab me rassul)in ya uwo ruwa obeledu warja ligo uwo gi ayinu. ⁸ Ini ya jirana to me anas ab ayinu uwo min zamani ligo ogen ogi asadu mon kelem gali dema ya uwo ab kan gi gengi asadu de?. ⁹ Anas taanin kelem gali deya uwo :anas taanin kelem gali atta .ogi benje uwo okelem gali ana yade. ¹⁰ Ini ya kelem nowo gali,ena taki fata uwo kefin? ¹¹ uwo arja fogo ajol ab ginadi Yesu okalabu tara omasa fi ussa tayi okelem naana ruwa fi Sirowam kede ita beredu:ini dukur ana ruwa ana beredu ena fata. ¹² Mon asadu uwo ofuwen?,okelem noumon ana arfu ma. ¹³ Sulu uwo ne nas Falisaayo ab te zamani ab kan amyan de. ¹⁴ Lakin kan yom sebi yom naade Yesu yom ab okalabtu tura okutu ena fata ini. ¹⁵ Ya nas Falisaayo asadu uwoanas ab uwo fata ena, okelem noumon gali omasa tura fi enatayi ana beredu ena fata. ¹⁶ Ini ya nas Falisaayo kelem gali wede ma te Rabbana kalam uwo ma gi amsuku yom sebi anas taanin kelem kelem gali ajol ab endisi batal wagder so kefin alama ab gi ben jede?,ini ja ferteku baina towmon. ¹⁷ Ini ya kelem no ab kan amyan de ita gi nadi uwo kefin kalam ita fata ena taki?,okelem noumon ya nebbi. ¹⁸ Yaala anas te Yudaaya,ma amin me kalam to sala kan wakti ab uwo amyan,ladi wakti tim nadi wazze te ajol ab amyan. ¹⁹ Asadu umon ,mon kelem gali wedede ya nyereku takum ab welede ligo uwo amyan?,mon kelem asede ogainu kefin? ²⁰ Wazze to arja fogo ligo mon gi kelem gali, ina arufu je wede ya nyereku teena wu kaman weledu uwo ligo uwo amyan. ²¹ Lakin je ana gi ayinu saade ina arufu ma me ajol al fata ena to de ina arufu ma namna ab uwo fi fogo:asadukum uwo;uwo ragi kebiri obija tumiya kasma tow. ²² Anas ab gi weleduwo sabab ab kutu kede uwo wonusu jede kalam kan umon gi kafu anas te Yudaaya;kalam anas te Yudaaya kan kala so ahadi kila ajol ab bi fata kasma tow gali Christokede turuju uwo min kawm. ²³ Wazze to ya sabab ab umon wonusu gali uwo rangi kebire asadu kum uwo. ²⁴ Ini ya naadi amyan de te mara(2),kelem nowo arfa asma te Rabbana:ina arufu gali ajol wede endisi batal. ²⁵ Warja fogo gali kan uwo endisi batal anarfu ma;sokol wayi ab ana arufu gali kan ana amyan lakin saade anagu ayinu. ²⁶ Ini ya kelem nowo oso kefin ?ofata ena taki kefin? ²⁷ Warja fogo gali ana kala kelem neitakum lakin itakum asma mafi;sunu ya aju kede itakum asma mara(2) te sunu?aw kaman itakum aju fatiliya uwo? ²⁸ Sitim uwo kelem nowo ita swahaba to:ina gi fwata Musa. ²⁹ Ina teena ina arufu je Rabbana wonusu Musa:lakin ajol wede ina arufu ma sika ab uwo tala. ³⁰ Ajol arja fogo okelem gali wede kalam! itakum arufuma sika ab uwo tala ajol ab agder fata ena tayi!. ³¹ Ita arfu ma je Rabbana me gi asma anas ab endisi batal lakin killa ajol abgi kafu Rabbana,ogi so kalam ab uwo aju,ajol wede Rabbana gi asma, uwo. ³² min zaman zaman,kan lisa in a ma asma gali fi ajol ab agder fata ena te amyan wu kan mafi ajol yoyote ab kan agder so maajab je wede. ³³ Ajol wede kan kan uwo ma tala min na Rabbana,okan ma agoler so kalam je wede. ³⁴ mon arja asadu uwo gali weledu ita fi batal bara ita kaman kede alim ina?dukur liju uwo bara. ³⁵ Yesu wakti asma gali liju uwo bara,uwo ayinu uwo wasaduwo ita gi amin me nebbi te Rabbana? ³⁶ Uwo arja fogo,sidi tayi ya munu kede ana amin me uwo? ³⁷ Yesu arja fogo gali ita ayinu uwo wu al gi wonusu me ita ya-ana. ³⁸ Okelem gali sidi tayi ana amin. ³⁹ Yesu dukur kelem gali makosa ya jibu ana fi duniya ini anas ab amyanin kede ayinu me anas ab gi ayinu kede kun amyanin. ⁴⁰ Anas te Falisaayo ab kan fi mowo mon asma jede dukur mon asadu uwo ,ina kaman amyanin? ⁴¹ Yesu kelem noumon gali kan kan itakum amyanin,ata kan itakum ma agder kum me batal;lakin asede itakum gi kelem gali itakum gi ayinu:batal takum gi fadul ini.