¹ Baad wede dukur kun jooju te nas'Yudaya, Yesu dukur ruwa fi Yerusalem. ² Fi Yerusalem bakan ab fogo baabu te kooru kan fi jina kooru abgi nadi fi Bulaniya Besusayida, ligo fogo kujara 5 ³ fi dolde kan ginum fogo kom te ayanin, amwanin, ab kereg anas ab kura toumon me kalif, ligo mon gisten moyo kede furu: ⁴ Kalam malaika kan gi ketisi fi jiria bahari fi wakti taanin ogi kutu moyo de kede fusu ; ajol tawlan abkan bi abidu dakal fogo ligo moyo de kalas furu okan gi pona ayan to al uwo kan endis. ⁵ Kan kun ajol ab endis ayan ligo okalas sana 38. ⁶ Yesu wakti ayin ajol de num, ofaham gal ajol de kalas yom milan, okelem nowo gali, ita aju kum hayi? ⁷ Ayan de alja fogo gal akwe, ana ma endisi ajol ab gi jada ana fi bahari moyo bakan ab gi furu: ana bakn ab ana gija ajol taani ligo kala dakal. ⁸ Yesu kelem nowo gum fo, arfa bakan, num taki, kede ita masi. ⁹ Gwam zaidi ajol kun hayi warfa bakan num to omasi. Yom de kan yom sabbit ¹⁰ Ini ya nas'Yudaya kelem gal; wede ponyesha uwo gali, naare yom saba gi kun ne ita ma kwesi arfa bakan num taki. ¹¹ Warfa noumon gali ajol ab awn ana naade ya kelem kede ana arfa bakan num to kede ita masi. ¹² Asadu uwo ajol de ya mun ab kelem kede ita alfa bakan num taki oya munu? ¹³ Ajol ab pona naade oma alfu namna abuwo fi fogo: kalam kala Yesu ruwa, anas ab kan fi bakan naae umon kan milan. ¹⁴ Baada dolde kulu Yesu ayinu uwo fi kanisa, okelem nowo ayinu, ita fi hayi: mata karabu maratani, kalam ab gisinda batal kede ma kun fugu ita. ¹⁵ Ajol de dukur ruwa okelem ne nas'Yudaya gali Yesu ya ponyesha ana. ¹⁶ Ini ya nas'Yudaya abidu gusu wara Yesu kalam oso kalama dilde yom saba. ¹⁷ lakin Yesu alja fogo gali, baba tayi ab gi so ladi wakti wede ana kaman gi so. ¹⁸ Ini ya nas'Yudaya abidu gata agil te katul uwo kalam oma, so batal fi yom te sabbit bara, uwo kaman nadi Rabbana to ligo ogi fekel ogi ben sawa sawa me uwo. ¹⁹ Ini ya Yesu alje kelem gali tasil ana gi kelem ne itakum gali nyereku ma agder so sokol yoyote ligo oma ayinu je ab to giso: kalam ab uwo gi so kulu ya nyereku kaman gi so. ²⁰ Kalam baba gi aju nyereku to ogi weeri nowo kila sokol ab uwo gi so; obija weere nowo kolima ab milan ladi obi shanga. ²¹ Kalam abu tayi kan gi tooru anas ab muttu walja wedi noumon hayi, ya fi jede, nyereku biwedi ne itakum hayi itakum kulu anas ab aju kede wedi noumon hayi. ²² Kalam ab taazol gata nowo kesi lakin owedi ne nyereku gata makosa kulu; ²³ Mon kulu gi kutu heshima fi nyereku de je namna ab kan ma bi wedi heshima ne nyereku oma bi wedi heshima ne baba to. ²⁴ Ana gi kelem ne itakum gali ajol ab gi asma kalama tayi, orudu me ajol ab rasul ana , wendisi hayi ab ma guruwa kalas ma, oma bija so makosa, lakin obija tala min mutu fi ligo hayi. ²⁵ Taasil ana gi kelem ne itakum gali wakti gija wutaasil kala rasul asede ana ab muttu, bija asma sauti te Rabbana me kaman ab bija ja asma umon bija kun hayi. ²⁶ Kalam namna ab baba endisi hayi fu uwo ya fi jede owedi ne nyereku hayi fi uwo. ²⁷ Owedi nowo amri te gata kesi kalam uwo nyereku te binadum ²⁸ Mata kum hairu dolde; kalam wakti gija anas kulu ab min juwa kabiri kan bija asma sauti to, ²⁹ mon bija talamin na; anas abkan giso kuwesi mon bija gum me hayi; me taanin abja so batal mon bija gum fi makosa. ³⁰ Ana ma so kalam me ras tayi: je namna ab ana gi asma ya ana gi gata jede; me kesi ab ana gura gata bija kun ligo te haki kalam ana ma gi gusu sokolina ab ana ya aju illa ab ajol ab rasul ana ab uwo aju. ³¹ Ana kan bi kelem neitakum tayi, kalama tayi de ma bija kunte haki. ³² Fi ajol ab gi weeri tayi ana kaman alfu ab tayi ogi kelem ne anas taasil. ³³ Itakum rasul Yokana kaman ojib kabar te haki. ³⁴ lakin kalam te ajol ana ma gi rudu ana gi wonus dolde kede itakum ligo hidaya. ³⁵ Wede ya kan ta ab giwala ab gi wala wala itakum kaman fulayi muda siya fulayi fi nuru to. ³⁶ Lakin kalam ab ana gi kelem ne itakum ya kebiri futu te Yokana: kalam kidima ab baba wedi naana kede so ya kidima ab taasil ab ana giso ya ma ana to gi weeri sokolina ab rasulu ana. ³⁷ Wu kaman baba ab rasul ana ya kelem kede ana ja kelem neitakum tokum ma asma sauti to wala siya, sala ayinu picha to. ³⁸ Tokum ma endisi kalam to abgi gen fugu ita kum: kalam ab uwo rasul itakum ma ameen mo ³⁹ Tokum gi gusu fi katiba ab ja katifu kalam itakum gi amin ja fi ina hayi ab magider kalasu me dolde ya gi weeri kalama tayi; ⁴⁰ ya fi jede itakum ma aju ja naaana kede itaakum kun hayi. ⁴¹ Anas ma gi wedi naana heshima. ⁴² lakin ana gi kelem neitakum gali aju te Rabbana ma fi fugu itakum. ⁴³ Ana ja ja fi asma te baba tokum abba karibisha ana; ajol akan bi ja ja baraw tokum bi karibisha uwo. ⁴⁴ Itakum bi amin kefin kan itakumaju wedi neitakum heshima itakum baraw, itakum ma gusu heshima ab gi tala ne Rabbana baraw? ⁴⁵ Matakum fekel gali ana bija asiki itakum ne baba: ofi ajol al gura asiki ya Musa ab itakum. ⁴⁶ Kalam kan itakum agder amin me Musa kan kaman itakum bija amin me ana; kalam oja katif fugu ana. ⁴⁷ Lakin kan itakum ma agder amin me ab uwo katif tokum bi amin kefin kalama tayi.