¹ Ini kan fi ajol wayi min nas Falisaayo asma to Nikodemasi, ragi wayi min nas Yudaaya. ² Oja nouwo fileli okelem nouwo, gal Rabbi, ina arfu je ita ya mwalim altala min Rabbana kalam ma fi ajol al agde so mu jiza je al ita so illa kan ligo otala min Rabbana ³ Yesu arja kelem nouwo gaali taasil tasil ana gi-kelem neita gal kani ajol kani ma bi weledu te maltinin wager ma ayinu mamlaka te Rabbana. ⁴ Nikodemasi arja kelem nowo gal, ajol giweledu uwo kefin kani uwo kun ajusi? Kani ragi dakkal fi batina te mama to mara tetinin, dukur weledu uwo? ⁵ Yesu arja fogo gal taasil taasil ana gi kelem neita gal, ajol Kan ma biweledu uwo fi moyo me Roho oma bija agderi dakal fi mamlaka te Rabbana. ⁶ Sokol algiweledu me gildu gikun gildu, me sokol algiweledu me Roho gi kuroho. ⁷ Mata ahiru kalam ana kelem neita gal gi ta noumon weledu te maltinin. ⁸ Loobu gi ruwa sika al aju, me dugu kelele to, lakin ita ma agder;arufu sika algitala,sala sika algi ruwa ya jede kila ajol gikun jede killa algi weledu me Roho. ⁹ Nikodemasi arja kelem nouwo gal dolinde ageri kun kefin kun fi? ¹⁰ Yesu arja kelem nouwo gal ita mwalim te Israel, ita mata faham dolinde? ¹¹ taasil, taasil ana gi kelem neita gal kede ina gi wonusu kalama, al ina arufu, Kede ina gi weri al ina ja ayinu, lakin ina ma ager ma rudu kelem tena. ¹² Ana kelem neita kum kalama te duniya, tokum abba rudu, tokum bija rudu kefin Kani ana kelem neitakum kalama te samayi. ¹³ Ma gi'ajol al lisa ruwa fi samayi, illa al tala min samayi ya nyereku te binadum al fi samayi. ¹⁴ Je Musa arfa debiba fi bakan al pengele ya fi jede nyereeku te binadum gi fa nouwo arfa uwo. ¹⁵ Kila agol al rudu nouwo obikun me hayi almaji kalas ¹⁶ Kalam Rabbana kan aju duniya to jede, me wedi owedi nyereku to alja weledu wayi, bakan kila ajol albi rudu nouwo kede uwo mutu ma lakin endisi hayi al gi kalas ma. ¹⁷ Kalam Rabbana ma rasu nyereku to fi duniya, fi gata ne duniya kesi, lakin duniya kede ja adil fi kalam to. ¹⁸ Ajol al birudu mowo kessi ma bisinga-uwo, lakin ajol alma birudu nouwo kalam kala sinda uwo. ¹⁹ Wede ya kesi kalam semsi ja fi duniya anas ja aju duluma min semsi kalam kidima tomon kan batal. ²⁰ Kalam kila ajol al giso kalama al batal uwo ma gi aju semsi, lakin uwo ma gija bakan al fogo semsi, kidima to kede ma gi gata; ²¹ Ajol algiso kalama abnesiya ogija bakan al logo semsi, kidima to kede benu ja kalam min Rabbana. ²² fi mwisho te kalama dolinde dukur Yesu Ja, me swahaba to fi duniya alte Yudaya, otolu noumon, dukur obatiza. ²³ Lakin Yokana wakti nade okan gi batiza min Enoni geeri me Salim, kalam kan na fi moyo al milan. Umon kan gija anas ya gibatiza umon na. ²⁴ Kalam Yokana kan lisa kutu uwo ma fi jela ²⁵ Swahaba te Yokana me nas'Yudaaya umon kun me bishana, min kalam te nedifu. ²⁶ Umon ja na Yokana dukur kelem nouwo gal, labbi, naade al kan fi me ita fi torufu te Jordan, ita ja kelem, ayinu wede gi batiza uwu anas Kulu gija nouwo. ²⁷ Yokana alja fogo okelem, ajol ma agderi radu kalam yoyote ila kan wed, nouwo min samayi ²⁸ itakum kulu shahidin tayi ligo ana gura wonusu, gal ana ma ya Kristo, lakin ana ja rasulu ana kede ana kun gidam to. ²⁹ Ajol al endisi arusu uwo gi joju. Lakin saabi to wede algi joju ogi amsuku ligo- uwo gi asma uwo, ogi furayi fi santi te ajol uwo gi; asma uwo, ogi furayi fi santi te ajol wede al joju, ya furayi tayi, kala rasulu. ³⁰ gifa nouwo kun kede uwo raba, lakin ana kun sakari. ³¹ Ogitala min amarji ajol al gihukum kulu in fi duniya ajol te ayinu ja gi fadul duniya ogi wonus kalama te duniya. ayol algi tala min samayi ya gi hukum kulu. ³² Kalama al uwo ayinu ya aluwo ja asma ya al uwo gi kelem lakin magi rudu uwo kelem nouwo, ³³ Ajol al bin rudu me kalama to ligo okutu fogo alama to gali Rabbana te haki ³⁴ Kalam ajol al Rabbana rasulu ogi wonusu kalama te Rabbana. Kalam kan ogessim Roho oma gi kelem nouwo. ³⁵ Baba tena aju nyereku, owedi nouwo kulu fi ida to. ³⁶ Ajol algi rudu nyereku uwo endis hayi al magi kalas, lakin ajol alma gayi rudu nyereku oma bija ayinu hayi, lakin gelbaharri te Rabbana kede kun fi uwo.