¹ Ini ya Pirato sulu Yesu odugu guwo kiboko. ² Askeriya dukur dofur biris te so kutu fi rasuto tebis uwo me gumas te fulungu; ³ Mon ja fi bakan ab uwo fogo mon kelem gali, amani sultan te nas Yudaya dugu uwokofu. ⁴ Pirato dukur tala bara okelem noumon gali, ayinu ana gi tala uwo bara fi bakan ab itakum fi kede itakum faham gali ata ana ma gi ayinu makosa fugu uwo. ⁵ In ya Yesu tala ligo olebis firas torobus te so me gumas te fulungu, Piratodukur kelem noumon gali, ayinu tokum ajol wede! ⁶ In ya nas kubarina te kanisa wakti umon ayinu uwo, mon wonus me sauti hari kede dugu uwo fi msalaba kede dugu uwo fi msalaba Pirato dukur kelem noumon gali, sulu kum uwo kede itakum ruwa dugu uwo me musmaari: kalam ana ma gi ayinu makosa yoyote. ⁷ Anas te Yudaaya dukur kelem nowo gali ina endis shariya sabab te shariya wede ita gi faa mutu kalam ita sul ita je nyereku te Rabbana. ⁸ In wakti Piraato asma kalama dolde ozidu kuwafu; ⁹ Odakal fi bakan te mahkama uwo asadu Yesu gal ita te wen? lakin Yesu ma jibisha uwo. ¹⁰ In ya Piraato kelm nowo gali ita ma gi wonusu me ana? Tarufuma je ana endis gudra te seebu ita aw te dugu ita fi musmaari? ¹¹ Yesu arja fogo okelem ata kan ma fa kede ita kun me hukum yoyote fu ana kan kan ma wedi ne ita min fi samayi; owedi ana ne ita ya sabab ab uwo kun me batal ab te foo. ¹² Fi abidu Piraato gata agil kede uwo fiku uwo lakin anas te Yudaaya mon dugu kilele ligo umon gi kelem gali kan ita bi fiku uwo ligo ita ma sabi te Kayisaari:Killa ajol ab gi sulluwo gal sultan ligo ogi nadi uwo sultan ligo ogi juru laabil me Kayisaari. ¹³ Wakti Piraato asma kalama dolde uwo amrugu Yesu bara ogen fi bambara te kesi fi bakan ab gi nadi laagera ab furusu fi lugha te bulaniya Gabasa. ¹⁴ Kan de yom te adul adul hafla te futu fogo kan gi benu ja saa sita okelem ne anas te Yudaaya gali ayin kum sultan takum! ¹⁵ In ya umon wonus fow gal amurugu kum uwp kede ina dugu uwo me musmaari: Piraato dukur asadu ana bi dugu musmaari fi sultan takum? kubarina te kanisa duur kelem ina ma endis sultan illa Kayisaari. ¹⁶ In ya dukur owedi uwo kede dugu uwo me musmaari ina ya dukur sulu Yesu. ¹⁷ Otala ligo uwo arfa msalaba tow orasul fi bakan ab gi nadi baadum te rasu, ab gi nadi fi lugha te bulaniya Gologosa: ¹⁸ Mon dugu uwo fi musmaari, me anas taanin tinen mowo bakan wayi mowo jiha le jiha me Yesu fi ustu. ¹⁹ Me Piraato katif araga okutu fi msalaba ligo katifu gaal: YESU TE NAZZARETH SULTAN TE NAS YUDAAYA. ²⁰ In ya waraga de milan te anas te Yudaaya mon agara:Kalam bakan ab dugu Yesu fogo me musmaari kan geeri me medina: Kaman waraga de katif uwo me lugha te bulaniya, me Yonan, me Roomi. ²¹ In ya kubarina te kaisa ab te nas Yudaaya mon kelem ne Piraato gali mata katif gal sultan te nas Yudaaya;Lakin wede ab gi nadi uwo gal sultan te nas Yudaaya. ²² Piraato arja fogo gal kalam ab ana katif u=ya ab ana katif mafi arja fogo. ²³ Wakti ab askeriya de kalas dugu Yesu fi msalaba mon sulu gumas to mon gesim mara aruba killa asker me rukun; me kanzu to: me kanzu to ata keetu ma gidu me gidu min fi samayi. ²⁴ Umon wonus umon bara kede ina ma seretu fogo lakin kede ina kutu fogo mashindano kede ina ayinu sidu to ya munu: Kalama ab ja katifu zaman kede rasu, ab gi wonusu gali, mon gesim sokol lebisi tayi, umon dugu mpakka fi sulu to in ya askeriya soo jede. ²⁵ In fi bakan ab kan fogo msalaba te Yesu kan yegif fogo mama to me aku te mama to, Mariyam mariya te Kolpa me Mariyam Magadalena. ²⁶ Wakti Yesu ayinu mma to ma swahaba ab kan uwo aju ligo oyegif geeri, okelem ne mama to mama ayin nyereku taki! ²⁷ Baada naade okelem ne swahaba gal ayin mama taki! Ya min fi wakti wede swahaba wedede osulu mama te Yesu fi beeto. ²⁸ Baada wede kulu Yesu wakti faham gal killa kalam kala rasulu ab kan ja katifu kede rasul fi hadi, okelem ana endis stan moyo. ²⁹ Fi baka ab kan uwo fogo kan kutu na merisa fi kubaaya ab gedim: in ya umon mon kutu ezobu fi bakui ab amla merisa ab gedim, mon sulu fi kasma to. ³⁰ Wakti kala wedi nowo merisa okelem gali kala okutu ras to falta omutu. ³¹ In ya anas te Yudaaya kalam de kan yom te adul adul meitin kede ma kun fi msalaba fi yom sebi(kalam yom sebi kan gi kun yom kebir), mon womba ne Piraato kede okasuru kura towmon dukur kan kala kede amurugu umon min msalana. ³² In ya askeriya de ja mon abidu fi tawlan mon kasuru kura to me taani ab dugu umon mowo fi musmari. ³³ Wakti umon rasul fi Yesu mon ligo uwo kala mutu dukur ma kashur kura to. ³⁴ Lakin askeri wayi atlan dula to me laruba gwam zaidi tala fogo doom me moyo. ³⁵ Lakin ajol ab ayin uwo ofaham gali kalama te Yesu de kan te hakki ya jede ajol de arufu gal ita gi wonus hakki kan kan kala kede itakum amin mowo. ³⁶ Kalam dolde ja kun nna ab ja katifu de kede timiza gal ma bija kashur laadum to. ³⁷ Wu kaman kalama ab ja katifu de bija weeri ajol ab umon ja atlan de. ³⁸ Baada te killa kala de Yusuf ab te Almasayah, ab kan swahaba te Ysu, fi sirri wakti ogi kafu anas te Yudaaya uwo waga waga ne Piraato kede wedi nowo meiti te Yesu: In ya Piraato rudu oja wa amurugu meiti te Yesu owedi nowo. ³⁹ Me Nikodemu kaman ja(oya abidu ja nowo fileli) ligo ojibu nowo sokolina ab me tabula kede uwo ja ribu mo meiti te Yesu kalam kede affin ma kan gi bijo 75 pounds. ⁴⁰ In ya umon sulu meiti te Yesu mon lif fi gumasi ab te dofunu mowo abija me raha,Ja nas Yudaaya gi dofunu mo. ⁴¹ Fi bakan ab kan dugu uwo fogo me musmari kan fi samba matooke; me fi samba matooke kan fogo kabri jedidi ab lisa ma kutu fogo ajol. ⁴² Kalam kan de yom te hafla te nas Yudaaya(wu kaman kabri de kan fi geeri) dukur umon kutu fogo Yesu.