¹ Yesu wonus dolde; warfa ussa tofi samayi okelem sidi tayi wakti tim; arfa nebi taki nebi taki kede arfa asma taki. ² Je namna ab ita wedi nowo hukum firas te anas av endis gildu kulu me anas kulu ab ita wedi nowo kede ita wedi noumon hayyi ab ma gi kalasu. ³ Wede ya hayyi ab ma gi kalasu aham ita Rabbana wayi ab te haki me nebi ab ita rasul Yesu Kristo. ⁴ Ana tayi arfa asma taki fi duniya kalam kidima ab ita wedi naana ana kalas. ⁵ Ayi sidi tayi me asede arfa bakan wayi me eta fi fogo ligo duniya lisa ma. ⁶ Ana weri ne asma taki anas ab ita wedi naana amurugu umon min duniya mon kan taki lakin ita wedi umon naana; ⁷ Asede umon faham gal killa sokol ab ita wedi naana gi tala min ita: ⁸ Kalam kalama ab ita wedi naana ana wedi noumon mon amin je ita ya rasul ana. ⁹ Ana gi womba ne anas ana ma gi womba ne duniya illa anas ab ita wedi naana; Kalam umon taki. ¹⁰ Wu killa tayi kulu taki me taki tayi: ana gi arfa ana fi umon. ¹¹ Ana ma fi duniya kala umon toumon fi fi duniya ana gi ja ne eta sidi tayi ab nedifu chunga umon fi asma tayi ab ita wedi naana kede umon kun bakan wayi je ina. ¹² Wakti ab ana kan fi moumon fi duniya wakti ita wedi umon naana ana chunga umon fi asma taki. ana joful noumon kede ajol wayi jede kede ma woduru illa nyereku te weduru; Kitaba ab ja katif kede rasulu. ¹³ asede ana gi ja neta asede; me dolde ana gi wonus fi duniya kede umon gen me furaha tayi ligo rasul noumon. ¹⁴ Ana wedi noumon kalam taki; wu duniya karaha umon kalam umon mate duniya je namna ab ana ma te duniya. ¹⁵ Ana ma gi asadu ne ita kede ita amurugu umon min duniya lakin ita kede chunga umon min so batal. ¹⁶ Umon ma anas te duniya je namna ab ana ma ajol ma te duniya. ¹⁷ Kede ita nedifu umon fi hakki kalam taki ya sika. ¹⁸ Je namna ab ita rasul ana fi duniya ya ana kaman rasul umon fi duniya. ¹⁹ Ana kaman nedif kalam toumon umon kaman kede nedif umon fi hakki. ²⁰ Ana ma gi womba ne dolde barraw me anas taanin ab amin me ana kalamkalam taki. ²¹ Umon kulu kede kun wayi, je ita sidi tayi namna ab ita fi fugu ana, ana kaman fu ita wu kaman umon kede kun fi ina: Duniya kede amin je ita ya rasul ana. ²² Ana kaman heshima ab ita wedi naana ana wedi noumon; kede umon kun wayi je namna ab ina fi wayi. ²³ Ana fi umon ita fu ana, kede umon kun wayi duniya kede faham je ita ya rasul ana dukur ita ruwa aju umon je namna ab ita aju ana. ²⁴ Sidi tayi anas ab ita wedi naana ana aju bakan ab ana fogo, ya kaman kede umon gen fogo ma anas. kede umon ayin heshima tayi ab ita wedi naana kalam te kun aju ana ligo dunoya lisa ma. ²⁵ Sidi tayi ab nedif duniya faham ita ma fi ana tayi faham ita; me dolde kaman faham je ita ya rasul ana. ²⁶ Ana kelem noumon asma taki wu lisa ana gi weeri noumon, aju ab ita kan ajana kede kun fugu umon ana kaman fugu umon.