¹ Gelba takum kede ma kun fogo wasi wasi amin tokum me Rabbana, ana kaman amin tokum me ana. ² Juwa te Rabbana tayi fi fogo bakana milan te gen fogo. Kan kan ma ya jede, ana kan bi kelem; kalam ana gi ruwa adul ne itakum bakan. ³ Wu kaman kan ana gura adul ne itakum bakan ana bija arja fi sulu itakum bakan ab ana fi fogo; Ana bakan ab ana fi fogo itakum kaman kede gen naa. ⁴ Ana bakan ab ana gi ruwa, sika de itakum kaman arufu. ⁵ Thomas dukur kelem nowo ayi sidi tayi ina arufu ma sika ab ita gi ruwa sika de inabi arufu kefin? ⁶ Yesu dukur kelem nowo ana ya sika me hakki me hayyi: ma fi ajol ab bija ne Rabbana tayi, illa ligo ogi futu fugu ana. ⁷ Kan kan iakum faham uwo: Fawlan asedeitakum gi faham uwo itakum ayin uwo. ⁸ Philip dukur kelem nowo sidi tayi, weeri ne ena sidi tena, bitim ina. ⁹ Yesu kelem noumon min je ina gen me itakumwakti milan jede ita ma lisa faham ana Philip? Ajol ab ayin ana ogi kun je ita ayin sidi tayi? Sunu ya gi kutu kede ita wonus gal weeri ne ena sidi tena? ¹⁰ Te ma gi faham gal je ita fi min juwa sidi tayi?Kalama ab ana gi kelem ne itakum ana ma gi wonus je ana barraw, lakin sidi tayi. Kan kun fugu ana ogiso kidima to. ¹¹ Amin tokum je gal ana fi fu sidi tayi me sidi tayi fugu ana: aw amin tokum ana fi kidima baraw. ¹² Taasil ana gi kelem ne itakum gal ajol ab bi amin ana kidima ab ana gi so okaman bija so; obija so ab gi singa tayi se me kebir; Kalam ana gi ruwa ne sidi tayi. ¹³ Me killa sokol ab tokum bija asdu fi sma tayi ana bija so sidi tayi kede heshima uwo fi nyereku. ¹⁴ Itakum kan bija asadu fi asma tayi wede ana bija so. ¹⁵ Kan itakum aju ana itakum bija amsuku shariya tayi. ¹⁶ Ana kaman bija asadu ne sidi tayi obija wedi ne itakum nebbi taani okede gen me itakum milele me milele. ¹⁷ Roho ab te hakki ab duniya ma agder rudu; kalam ma gi ayin uwo kaman ma gi faham uwo itakum gi faham gi faham uwo kalam ogi gen me etakum okaman bija kun fugu itakum. ¹⁸ Ana ma bija seebu yak atima, ana garrja ne itakum. ¹⁹ Fadul wakti siya duniya kun ligo ma gura ayin ana, martaan; lakin itakum gi ayin ana kalam ana hayyi kaman itakum bija kun hayyi. ²⁰ Yom naade itakum bija faham ligo ana fi ne sidi tayi itakum fugu ana, ana fi fugu itakum. ²¹ Ajol ab endis amri tayi wamsuku, deya ajol ab aju ana: ajol ab aju ana sidi tayi kaman bija Itibbu uwo ana kaman bija aju uwo ana bi beenu nowo. ²² Yuda (ab ma Escariyoti okelem nowo sidi teeni kan fi kefin ita ruwa kede ita gi ja beenu neena lakin ma ne duniya) ²³ Yesu arja fogo ligo ogi kelem ga ajol kan aju ana obija amsuku wanasa tayi: me sidi ayi obija aju uwo ne bija ja nowo ina bija gen nowo. ²⁴ Ajol ab ajana ma fi oma bi amsuku kalama tayi me kalama ab itakum gi asma de ma tayi lakin te Rabbana tayi sidu rasuk ana. ²⁵ Kalama dolde ana gi kelem ne itakum ligo ana lisa fi me itakum. ²⁶ Lakin Roho ab nedif ab Rabbana tayi bija rasul fi asma tayi obija alim itakum kulu obija kumbusha itakum kulu kalam ab ana kelem ne itakum. ²⁷ Amani ana gi seebu ne itakum; amaani tayi ana gi wedi ne itakum: ma je duniya gi wedi ne itakum ana kan bi wedi ne itakum gelba takum ma bi ligo wasi wasi kede kaman ma kede kafu. ²⁸ Tokum asma je ana kelem ne itakm gal ana gi ruwa wu ana gi arja ne itakum kan kan itakum aju ana kan itakum bi furai kalam ana gi arja ne sidi tayi: Kalam sidi tayi fi sinda ana me kebir. ²⁹ Ana kelem ne itakum ligo lisa ma kun fi waktibija kn fi ya itakum bija amin. ³⁰ Ana kala ma gura wonus ketir me itakum; Kalam sultan te duniya ogi ja: wendi taab me ana me; ³¹ Lakin duniya kede faham je ana hibbu sidi tayi wu kaman sidi tayi kalam ab uwo amrisha ana ya ana gi so jede gum tokum kede ina wassa ini.