¹ F shahari te sabah fi yom te wai du shirin te shaari kalam te sidi tena ja me ida te Haggai ab kan nebi, ligo ogi kelem. ² Wonus me governor te Juda Zerubabel nyereku te shealtel me ne kebirte din Joshua nyereku te jehozadak min anas ab fadulu. kelem no umon. ³ Mun ya ja fadulu fustu takum? munu ya ja ayin juwa wee fi awlan to? ita kum gi ayin uwo kefin? ⁴ Asede kun ajowu Zerubabel : wede deya alifu te sidi tena. kun gow kebir te din Joshua nyereku ta je hozadak kun gown ita kum kulu fi tura wedede deya kalama te sidi tai, so kidima ana fi bakan wai meta wedede ya alifu te sidi te askeriya. ⁵ Wedede ya ahad ab ana so meta wakti ab ita ja fi misri, me roho tai ab nedif fadul meeta . mata kafu. ⁶ Je sidi te askeriya kelem jede: fi zaman ab siya ana bija martaani hizu hizu samayi me arthi me bahari me tura ab abisi! ⁷ Ana bija hizu hizu kila bele me belana kulu bija jibu sokolina too umon ab te maana. ⁸ Feather me tha habu de kulu tai! wedede ya kalama te sidi tena sidi ta askeriya. ⁹ Heshima e juwa de bija kun te gudra fi gidam min fi awlan ya sidi te askeri ya kelem jede , ana bija jibu aman fi bakan wedede!- Deya ahadi te sidi te askeriya" ¹⁰ Fi yom te arba wu shirin te shari te tisa, fi sana te Darious ligo uwo sultan kabar te sidi tena ja jibu uwo me nebi Haggai ligo ogi kelem, ¹¹ Sidi te askeriya okelem gali asadu kebir te din kalama ab te shariya dukur okelem. ¹² Kan ajol arfa akili fi gumas to te ibada dukur uwo amsuku bakan wai me gumas to ,seyi akili de bikun halal? ¹³ Dukur ya Haggai kelem kan fi ajol ab ma nedif sabab te mutu uwo amsuku sokol yoyote seyi sokolina de mabi kun nedif? kebir te din majib uwo kelem "gal ayi mon gi ja wasa kan" ¹⁴ Ya ini Hggai jibisha" wedede fi me anas me belana gidam tai! Deya ahad te sidi tena Rabana wedede kaman fi kila sikol ab ida to umon biso. sokol ab umon bi wedi gi dam tai ata ma nedif! ¹⁵ Asede feker fi muku taki me hukum ab futu ladi te wakti wedede. ligo lisa makutu laager fi gidam kanisa te sidi tena. ¹⁶ Kan fi kefin? wakti ita ja fi guniya te tira te ngano, kan fi ashari; ita bakan ita ja fi bakan te adul merisa kede ita amla na kiyas te kamsin kan fina Eshrin. ¹⁷ Ana awur ita me kila kidima te ida taki me ida nusu me raba te sokol fi geeri haal to sala ka kulu kalama kulu kalama dolde makutu ita kede geeru ita deya ahadi te sidi tena Rabana. ¹⁸ Sulumin naare ladi gidam, min fi yom te arba ashrin te shari te tisa , min fi yom ab abidu abin kanisa te sidi te na Rabbana, sulu uwo! ¹⁹ Seyi lisa firiya tira fi bakan te kutu to? zabibu, me zayituni, me lakata te zayituni me pudin me zayituni ab ligo lisa ma weledu! lakin min fi yom wedede ana bi barik ita! ²⁰ Ya in kalam te sidi tena ja mara te tinen ne Haggai fi yom te arba ishrin fi shari wede okelem, ²¹ Wo nusu me ke birte Yuda zerubabel wu kede ita kelem ana bija hizu samayi me Duniya. ²² Ana bija jada mamlaka te kubari na ana bi keregi gudra te be lana! ana bija jada dereva te faras me faras too umon; ne faras mae anas ab gi toru bija waga falata kila wai kalam sokol te dusman te akauto. Fi yom naade wede ya kan ahadi te sidi tena te askeriya ana bija sulu ita zerubaberi nyereku ta sheatiel je azol tai te kidima deya ahadi te sidi tena Rabbana . ana bija kutu ita je alama te kubarina ana nigitu ita wedede ya ahadi te sidi te askeriya