1
Kabar al nebbi Habakuk ligo,
2
sidi tai ana bi koma wen fi kole kala ma awun, ita ma ja asuma ana?
3
Ana gi kole neta ,kum anas aduyi tai lakin ita ma ja asur ana.
4
le ita gi sebu ana ayinu batali me ayinunfi batali? mutu me batali umon fi gi dam ana. me ayinu tabu. me kwata me korokoro zidu umon.
5
Ya kulu sheria ma kutu wo fi na muna, me haki ma owo. Anas abatal umon ya mi lan zaidi , me mon lifu mon me haki ja dusu dusu wo.
6
Ayunu kum be lana kede ita kuru kutu fogo bali. kede ita kum hairu zaidi asan ana guruwa so kidima fi yom takum, ab ita kum ma birudu, sala kan kelem ne ita kum.
7
Kalam ayinu ana gibu ne ita anas Kaludaya bele de al endis ge liba bu tal, al ja ligo umon gi mas umon ja amula duniya fi kebir to , sulu jua al ma to umon.
8
Umon ta gudra zaidi umon gi kafu umon me kes to umon me kebir to umon gi tala no umon siya dur.
9
Me faras to umon gi shinda ni miri fi jere yala umon hari futu ana moro foyi ta fileli. me rujaal to umon ab gi toru umon yala umon hari, tasil rujaal to umon gi tala boy, umon gi tiri je kuri al guruwa fi guwamu fi akul.
10
Umon kulu gi ja ma hagari, umon gi lifu ana to umon je robu te mashariki umon ja limu ma busia je rumula.
11
Tasil uwo ga taku anas Sultan, me ku balina to umon galis umon gi dam uwo, uwo ga alis kila kom kalam uwo gi lim vumbi oja sulu.
12
Lob bija jere ja koma foyo uwo al so makosa, bija ruwa ne rujal al batal uwo gudra to gi kun Rabbana to
13
Ita ma ta kila milele na milele Rabbana tai al nedifu? ina ma bija mutu. ayi sidi tai ita kutu no uwo ge diya me ita ayi ita madaya lageri te ja kutu uwo gowu ligo ita ga adibu wo.
14
Ena taki nedif zaidi ayinu batal. me jede ita ma agider ayin batal, laki le ita ya ayinu dolinde al batal te ja asukutu, azol al batal uwo kan fi gidam azol uwo gi shinda uwo kun nedif.
15
Te kutu anas je samaga, me lam gaba al gi masi me batina al endis ma ajol al gi ukum umo?
16
Ogamusu umo kulu ma jabada, ogi kutu umon fi katimba to oja lim umon fogo ya gi kutu uwo ja furayi.
17
Ta gi kutu uwo gi wed sadaka ne katiba (net) to uwo ja wala ne net de nahar kam kalama dole ya gi kutu maripo to ga kun seme zaidi me akil to ja kun milan