¹ Ya gi wonusu sidi Rabbana gali, "kalam kalabu ta Mowabu talata uwo aruba ana bi amurugu ma jalan tai, klam uwo ja aragu ladumu ta Edom dukur arija je ruman. ² Ana bi ligu naari fu Mowabu me dukur bi aragu bakari gai ta kerioth anas ta Mowabu bi mutu fu sanga ab milan ab bi gai fogo kelele me afuku firimbi. ³ Ana bi keregi kebirina ta Mowabu me keberina kulu ana bi katulu umon" ya gi wonusu sidi Rabbana ⁴ Ya gi wonusu sidi Rabban gali, "kalam kalabu ta Juda talata awu aruba ana bi amurugu ma jalan tai kalam umon ja mesiya amuri ta sidi Rabbana dukur gunga bana kalama ab ana ja wedi na umon dukur rudu Rabbna ab ta kabas ab abuba ta umon ja fata sika ta umon. ⁵ Ana bi ligu naari tafu juda dukur aragu bakan gai ta Yerusalemi. ⁶ Ya gi wonusu sidi Rabbana gali, "kalam karabu ta isiraeri ab talata uwo aruba ana bi amurugu ma jalan tai umon ja wuza nedif ke umon ligo feza dukur umon kaman wuza anas ab mesikir klam pairta gezima ⁷ Umon ja dusudusu rusu ta anas ab misikin fu rumula me anas ab ja taban dukur gata ma kesi fu adir nyereku me baba numu fu biniya wai dukur karab asuma tai. ⁸ Umon gi teki umon geri me naari ta sadaka fu gumas ab gi wedi je alifu fu juwa ta Rabbana too umon ya umon gi asurubu merisa ab gi gibu fu kalam ab nedif ma ⁹ " Ana ja keregi nas ta Amorite kalam umon salakun kan umon fi towir je lata ta muvule me logo kan umon ta gudra je talata oaks ana ja keregi natunda to ta fou lad lasur fu ta falita ¹⁰ Ana ja amurugu ita fu bele ta Misiri dukur ruwa gida mita sana arubeyin bakan pengele ke ita sulu bele ta Amorites ¹¹ Ana ja arufa wai fu wele takum fu kun Nabbi me fu wele duga gini fu kun wonga ta sidi Rabbana .ya ma fi jede anas ta Israeali?" ya gi wonusu sidi Rabbana. ¹² "Lakin itakum arija fu wedi ne anas ab woga ne sidi Rabbana merisa te asurubu dukur wedi ne nas Nabbi amuri logo ita kum gi kelem ne umon gali mata kum wedi klama ta naabi. ¹³ Ayinu ana bi nyoko nyoko itakum je basikil ab arufa selata akil ab ta tiira ab gi nyoko nyoko sokoli ab fu sika too. ¹⁴ Me anas ab gi jere bi bo pona ma me anas ta gudra bi limu ma gudra ta umon me ajoli ta shanga bii agideeri ma ponisha uwo. ¹⁵ Ajoli ta dugu kasale ab mwanifu bi ye gifu ma me askari ab arufu jere bi agider ma nafatu anas ab rag ab ta gudra ab gi vuga faras umon bi agider ma ponesha hafiya ta umon. ¹⁶ Fi yom de anas t dusuman ab ta gudra bi jere logo umon ariyan ya gi wonusu sidi Rabbana.