¹ Fi wakti ab Saulo kan lisa gi wonus kalama te kala kala me ta katul, nas swahaba te sidu teena, dukur oruwa ne kebir te din ab gisinga kubarina kulu. ² Wasadu nowo waraga ko safiri fi damaska fi hafla te bakan lim anas, kan uwo bija ayinu na anas fi sika kan umon bikun rujala aw nus wana kede uwo robutu umon kede jib umon fi Yerusalem. ³ Fi wakti ab kan uwo gi masi ligo ogeeri me rasulu fi Damaska semsi abidu wala fi rasu to lifu uwo fi ustu. ⁴ Dukur owaga falata uwo asma sauti ligo gi kelem Sawlo, Sawlo, ita gi gus sunu warana. ⁵ Dukur oji bisha gal musu ita ya sidi tayi, sauti de dukur kelem nowo ana ya Yesu al ita gi fata tala waro. ⁶ Yala gum kede ita dakal fi medina, bija kelem neita kidima ab faa kede ita so. ⁷ Anas al kulu kan gi masi nowo kul agif ligo umon hairu kalam umon asma sauti lakin umon ma ayinu ajol. ⁸ Sawlo dukur gum min falata bakan ena to fata uwo,ma ayin sokol kulu ma;amsuku ida to juru uwo jibu fi Damasko.9 Futu fogo yom talata ligo oga iyinu ma,kama ligo oma ga akuli,sala asurubu. ¹⁰ Kan fi swahaba fi Damasko abu asuma to ananiya,sidu teena kelem ne uwo aNANIYA.Okelem nouwo ann yade,sudu tayi. ¹¹ Sidu teena kelem gu kede ita ruwa fi sika ab adil kede ita ruwa fi bey te Yuda kede ita ruwa gusu ajol ab asuma to Saulo abgi gen fiTalusu, kalam ayinu ogi womba. ¹² Uwo ayinu ajol ab asuma to Ananiya ligo ogi dakalu fi juwa dukur okutu fugo ida fi ena to kede uwo ayinu. ¹³ Lakin Ananiya arja fogo gal; sidi tayi ajol wede ana asma kalam to min anas milan, batal kulu ab uwo so ne anas abnedif ab kan gi gen fi Yerusalemja fi milan. ¹⁴ Ini kamano wende sauti abgi tala min kubarina te din abkubarin, wagder robutu umon kulu algi wonusu fi asma taki. ¹⁵ Lakin sidi teena kelem nowo, ruwa kalam wededeya bakuli alta fauti ana bija sulu asma taki gidam gidam belana, me sultana me gidam yala te Isreali. ¹⁶ kalam ana bija weeri ne ita kalama ab milan al gi fa abija tala fogo wuzu ita kalam asma tayi. ¹⁷ Ananiya dukur ruwa fi juwa odakalu dukur okutu fugo ida to ligo ogi wonus gali aku tayi Saulo sidi teena rasul ana alja beenu neita fi sika ab te tala fogo gali kede ena taki ayinu wu kede amula fugita Roho abnedif. ¹⁸ Fi gwam bada kala okutu fugu uwo ida to ena to fata oyegifu, batiza uwo. ¹⁹ Fi wakti ab kalas uwo akul akil, oligo gudra waabidu gi gen me nas swahaba ab gi gen fi Damaska yom milan siya. ²⁰ Fi gwam wabidu wonus asma te Yesu fi bakan ab anas gilim fogo waabidu sifaa asma te Yesu je nebi te Rabbana. ²¹ Anas kulu ab kan fina mon kulu hairu mon kelem de ma ya uwo abkani gi gusu gusu fi Yerusalem asma wede? Yakaman jibuwo ini kede uwo ja sulu ina ne nas kubairna te din ab te kanisa. ²² Ya ini Saul kun me gudra owedi no umon haya ne anas te Yudaya.ali kan gene fi Damasko,ligo ogi famisha ji fi wede ya Kuristo. ²³ Bakan futu fogo wakti towil siya anas te Yudaya wafiki katul uwo. ²⁴ Lakin agil tomon Saulo ja faham, dukur mon abidu tega uwo fi baabu , minnahari me fifel aju katul uwo. ²⁵ Uwo fileli tala me uwo min siri fo,ligo kutu uwo figu fo. ²⁶ Bakan uwo rasul fi limu badum me anas swahaba:umon kulu kafu uwo; ligo ma umon rudu gi uwo malim. ²⁷ Lakin dukur Balunaba sulu uwo gidaam to mursalin, uwo wonus noumonje namna ab uwo ayinu badum me sidi teena fisika ladi umon wonus mowo me kaman namna ab uwo so kidima te injili fi Damaska fi asma te Yesu. ²⁸ Wabidu gen bakan wayi moumon ligo ogi alim umon ogi dakul,ogitala min Yerusalem. ²⁹ Ligo ogiso injil me gudra me gelba gowu fi asma te sidi teena hadi orasul hadi wabidu giso mpaka me nas Abakerenisiti, kaman monja abur katul uwo. ³⁰ Akwaana wakti faham ja sulu uwo fi Kayisaliya dukur liju uwo fi Taluso. ³¹ De ya kanisa abkan fi ne anas Yudaya me Galilaya me fi Samaliya dukur amini kun nna dukuru kanisa de kun me gudra:ligo lisa gidoro fi sika te Rabbana me furayi to roho abu nedif zidu rua gidam.. ³² Bakan wakti tim ligo Petero gi masi masi ya uwo serengeta laadi fi bakan te anas ab adil gi gen fogo fi Yuda: ³³ Oligo ragi wayi fi sika ab asma to Ayineya abkan kalas fi bakan num ligo uwo ayan sana min sana Tamaniya ,oja bari godo godo. ³⁴ Petero kelem nowo Ayineya Yesu Kristo agder ponyesha ita, yegifu fo kede ita adul neita bakan nnum taki, fi gwam zaidi uwo agifu. ³⁵ Kutu anas kulu ab kan gigen fi luda mesaloni ayinu uwo, mon kulu geeru ne sidi teena. ³⁶ Fi bakan abu kan gi nadi Yopa kan fina mariya ab swahabati asma to kan ginadi uwo Tabisa (mana to ginadi uwo Doluka) mariya de kan endisi heshima me so seme okan gi gesim sokolina to. ³⁷ Wakti bakan oja ayan oja muttu bakan kala beredu uwo dukur kutu uwo fi kujura ab te fo. ³⁸ Kalam bakan ab ginadi HUDA kan fi geeri me Yopa nas swahaba bakan mon asma gal Petero fi ina, dukur rasul nowo anas tinin gi womba nowo kede uwo ma toolu kede uwo ja neena bakan ab ina fi fogo. ³⁹ Petero dukur gum fo oruwa fi wakti ab uwo rasul na dukur sulu uwo fi kujura ab te fo me nuswana ab rujala tomon muttu kulu yegif fo geeri mowo, ligo mon gi koore, mon gi weri me sokolina ab Doluka ja so noumon wakti uwo, hayi ⁴⁰ Lakin Petero tala umon kulu bara, dukur odugu rukuba, waabidu womba ligo ogikelem Tabisa yegif fo dukur ofata ena to wakti wayinu Petero ogum fo ogen. ⁴¹ Petero midu nowo ida okutu uwo kede yegifu fi wakti kala oyegifu dukur onadi anas abnedif abadil, me nuswana abu rujali te umon muttu, dukur ojibu uwwo ligo uwo hayi. ⁴² Kalam wede masi fi Yopa kulu anas milan dukur amin me sidi teena. ⁴³ Ini ya Petero tulu na wakti towil fi Yopa fi juwa Simoni ajol ali kangi selegu gil.