¹ Me sawulo kani kalasi rudu katulu te Stefane, ja kunu ma wuzo kebiri fi kanisa al kani fi Yerusalem umon kulu ja setetu fi bele te Yodayah me samaliya. ² Anasi al gi kafu Rabbana umon ja dofunu stetano me umon ja kore noumon zayidi. ³ Lakin sawulo uwo so kalama te gisa milani fi kanisa uwo kani gi dakulu f kila juwa ligo uwo gi amurugu rujara me nuswani fi ojuru umon osuru umon fi jela. ⁴ Inni umon dole kulu al setetu setetu umon ja ruwa ligo umon gi alimu kalam. ⁵ Filipo ja ruwa fi medina tesamalia uwo wonusu Kristo ⁶ Kom milan ja asuma me Roho wayi kalam al Filipo naba bakani umon asuma umon ja ayinu majabu abuuwo soo. ⁷ Kalam milani fi usutu umon umon kani endi gin tala fugu umon ligo kore, umonpona fi milan ligo umon ja godo godo. ⁸ Medina kulu ja amulu fogo farayi milani. ⁹ Lakin kani fi ajol al asuma to Simoni al kani gi so Sara to fi medina de, al kani gi kutu anasi te samaliya hayiru ligo uwo gi kelem noumon gali uwo ya kebiri. ¹⁰ Umon kulu sa asuma uwo abidu fi sakari ladi fi kebiri lego umon gi wonusu gali ajol wede ya gudra te Rabbana al milani. ¹¹ Umon kan gi asma,uwo kalam yomu milan kan uwo giso kalama te mista ajab. ¹² Lakini bakani umon amiini Filipo ligo uwo gi naba injiri te mamulaka te Rabbana me asuma te Yesu Kristo, ja batiza umon rujali me nuswani. ¹³ Me Simoni uwo kamani sidu je amiini ja batiza uwo uwo ja kunu bakani wayi me Filipo. Bakani uwo ayinu kalama te majabu me alama kubarin uwo ja hairu. ¹⁴ Inni mursalini al kani fi Yerusalemi je fi samaliya umon amiini kalam te Rabbana ja rasulu noumon Petero me Yokana. ¹⁵ bakani umon rasulu umon womba no umon kede umon ligo roho al nedifu. ¹⁶ Kalam roho al nedifu kani lisa nezili ma fogo umon besi umon kani batisa umon dakulu fi asuma te sidi teina Yesu Kristo. ¹⁷ Inni kutu fogo umon ida ja womba no umon Roho al nedifu. ¹⁸ Lakin bakani simani ayinu bada kutu fogo umon ida te musalini uwo ja ruwa uwo sibu noumon feza. ¹⁹ Uwo ja kelem noumon wedi kum ne ana kamani rukusa wede ana kamani kila ajol al ana bikutu fogo ida.Wede ligo roho al nedifu. ²⁰ Petero ja kelem noumon gali feza taki kede mutu bakani wayi me ita, kalam ita fekere ligo zawadi te Rabbana me feza. ²¹ Ita ma endi malipo fi kalam wede kalam geliba taki ma nedifu gidamu Rabbana. ²² Asede so to wuba ne batali taki kede ita asadu sidi teina saa tani Rabbana bija sama fikira te geliba taki. ²³ Kalam ana gi ayinu ita ita muru zayidi ita fi mabusi te zambi. ²⁴ Simoni ja jibisha ligo uwo gi kelem gali kede itakum womba ne ana kalama kulu abu itakum wonusu ma kede kunu fogo ana. ²⁵ Bakan umon kalas famisha kalam te Rabbana tena,dukuru umon arija fi yerusalem,dukuru umon kelem kalama ta Rabbana fi medina milan te Samaliya ²⁶ Lakin Malaika te Rabbana oja wonusu me Filipo okelem ne Filipo gum fo,Kede ita rua fi kusin(south) ladi kede ita rasuri fi sika ali gi telemuka ne fi Yelusalem ladi fi gaza; sika fi pengele. ²⁷ Uwo ja guwa foo uwo ruwa, ayinu ajol al tebele te Ethiopia ajol al me tomusu al kani kebiri te sultani al mariya te Ethiopia al kani kebiri te foo al gi chunga sokolina to'o kulu uwo kani ja fi Yerusalem fi abudu fi so ibada. ²⁸ Ligo uwo gi ruwa, uwo kani gayi fi gadi gadi to'o uwo ja agara fi kitabu te nabi Isaiaya. ²⁹ Roho ja al nedifu kelem ne Filipo gali juru ita geri kede ita limu ita me gadigadi wede. ³⁰ Flipo ja jere uwo ja asuma ligo uwo gi agara kitabu te nebi Isayah uwo ja kelem no uwo gali ita fahamu kalama abu ita gi agara? ³¹ Uwo kelem anaagideri kefini fahamu? Ila ligo fi al gi weri ne ana uwo ja nagu Filipo uwo kede panda uwo kede gayi me uwo. ³² Fi bakani al katifu al gi kelemu jesulu uwo kede katulu uwo je koru je nyereku koru al fi gidamu ajol algi gata su te kore je gi asikutu me jede uwo ma fata kasuma to'o. ³³ Fi kutu uwo bari kesi to'o amurugu uwo me kabilato'o munu ya bija weri,kalam hayi to amurugu min dunia. ³⁴ Ragi al me tomusu uwo ja jibisha Filipo uwo ja kalam wede?gali ana gi nagu ne ita nebi wonusu fogo munu to bala walata ajol tani? ³⁵ Ya Filipo jibisha uwo fata kasima to'o uwo ja abidu fi katiba wede uwo ja kelem ne uwo Yesu. ³⁶ Inni bakani uwo kanigi masi fi sika umon ja rasul fi bakani al kani fi fogo moyo;ragi al me tomusu ja kelem gali ayinu moyo de sunu yaa gi aba batisa ana? ³⁷ (Flipo ja kelem gali kani ita gi amini me geliba takikulu seme uwo ja jibisha ligo uwo gi kelem gali ana gi amiini je Yesu Kristo nyereku te Rabbana) ³⁸ Uwo ja a amurisha kede gadigadi yegifu umon kulu tininini ja nezili falata fi juwa moyo Filipo me ragi al toomusu ja batiza uwo? ³⁹ Bakani umon tala fi moyo Roho te Rabbana ja sulu Filipo ragi al me tomusu warija mas marata oruwa ligo ofurayi. Filipo man taru kalamu uwo ruwa ligo uwo gi furayi. ⁴⁰ Lakini Filipo oja benu fi bakani al asuma to'o Azoto bakani uwodukuru walim fi medina kulu ladi fi rasuru Kalisalia.