¹ Agripa dukur kelem ne Paulo gal gi rudu ne ita wonus fi kalam taki in ya Paulo arfu ida okelem gali. ² Kalama ab nas Yudaaya gi kutu fugu ana de kulu, sultan Agripa, ana endis furai kalam naare ana gura wonus gidam ita. ³ Kalam al ta gudra kalam ita arufu adaab me kalaka ab gi asadu uwo kulu me nas Yudaaya: ya ana gi waga te te kura taki kede ita so subra fi ama ana. ⁴ Yala adab tayi min ja ana kan lisa sakar al abidu kun fi bele tena me Yerusalem, nas Yudaaya kulu mon arufu. ⁵ Anas al gi faham ana min zaman kan umon aju kede kelem noumon, ana wakti chunga ana fi nus te bakan ab fogo shida ab te diin tena, dukur ana kun faali saayo. ⁶ Saade ana yegif kede gata naana fi mahkama, kalam (hope) ab Rabbana ja ahadi mo nas jidi jidi tena; ⁷ Ab umon gi taman rasul fogo kabila tena (12) ligo umon giso kidima zaidi te Rabbana filel me mina haari: kalam sokol ab ina gi feker ina bija ligo, sultan ya sabab nas Yudaaya asiki ana. ⁸ Sunu ya gi jibu ne itakum fikra gaali, Rabbana ma agder tooru meitin? ⁹ Taasil ana feker ana barraw ligo gitim naana so batal wanasa milan fi asma te Yesu ab te Nazareth. ¹⁰ Ana so jede fi Yerusalem: ana robutu ana fi jela ab anas ab nedif to milan wakti wedi naana amri min kubarina te kanisa wakti kelem kede ana katul umon ana gi katul. ¹¹ Wakti ab ana kan gi azib anas bakan te lim badum kulu ana kan gi kutu umon kede gi alisi; kalama te Yesu; ana dukur gi jalan zaidi ana gus wara umon fi medina ab te bara. ¹² Wakti ana gi ruwa fi Damascus ligo ana endis amri ab gi talamin kubarina te diin, ¹³ Fi nus te yom, sultan, ana ayinu di sika semsi ab tala min samayi ab gi shinda wala te shari, ligo gi wawala olifu ana me anas ab kan gi masi me ana. ¹⁴ Ina kulu waga falata, ana asma sauti ab gi wonus me ana, fi lugha ab te Bebulania ngal Saulo Saulo te gi gusu gusu ana ley? Okelem nouwo ya tabu te dugu fi kasma laarba. ¹⁵ Ana asadu uwo gali ita ya munu sidi tayi? sidi tena arja fogo gali ana ya Yesu, al ita gi dusman mowde. ¹⁶ Lakin gum fo, yegif fi kura tinini: yasabab ab ana beinisha ana, ana kede nigitu ita kede itakun pasaka aw shahiid te namna ab ita ayinu ana mo, aw te nama ab ana bia kun gi beenu neita. ¹⁷ Ligo ana gi awuita min anas me belana, bakan ab ana gi rasulu ita fogo kede ita ruwa fata ena toumon. ¹⁸ Kede umon geeru min duluma kede umon arja fi semsi me wasa min hukum te shaitan kede umon arja ne Rabbana, dukur kede ja wedi noumon amurugu min umon batal me busika min anas dolde ab gi nedif kalam amin me ana. ¹⁹ Yala, sultan Agripa, ana ma aba kun ligo ana gi amin me weeri ab te samayi. ²⁰ Lakin ana abidu kelem fogo ne anas te Damascus me Yerusalem, me duniya kulu ab te Yudaaya me belana taa me geeru ne Rabbana ana ligo umon giso kidima ab gi faa taya. ²¹ Ya nas Yudaaya amsuku ana fi kanisa mon jaribu katul ana. ²² Yala wakti ana ligo chunga ab gi tala min Rabbana, ladi wakti wede ana yegifu ligo ana gi kelem ne anas ab kubarin me yala ab dugu ligo ana ma gi wonus kalam illa nas nebiya me nas Musa wonus gal bija rasulu; ²³ Kan kan gi faa ne Kristo kede ligo azabu je namna ab uwo bija abdu gum min meitin kelem min ahari ne anas me belana. ²⁴ Wakti owonus ede festo dukur kelem me sauti ab te fo gali ita waga mujunun; Paulo: ²⁵ Dukur Paulo kelem gali ana ma waga mujunun festo ab kuwesi zaidi, lakin ana gi wonusu kalam ab te hakki, me te ajol ab nesiya. ²⁶ Kalam sultan ita arufu kalama dolde ajol ab ana gi wonusu gidam uwo me gelba gowu. Kalam ana arufu kalama dolde ma dusu uwo min sultan hta siya; kalam wede ma soo me serega. ²⁷ Okelem nowo gal ita gi amin me nas nebiya sultan Agripa? ana arufu jr ita gi amin. ²⁸ Agripa kelem ne Paulo gali, ita aju kede ita juru juru ana kede ana kun Kristaayo. ²⁹ Palo dukur kelem gali ana kan agder asadu ne Rabbana fi juru juru ab siya aw ab kebir, ma ita barraw ladi me anas ab gi asuma ana naare kun je ana, ligo ma fogo robutu wede. ³⁰ Sultan dukur gum me kebir te district me bereneke me anas ab kan gen bakan wayi me umon. ³¹ Wakti umon arja fibey mon wonus umon bara, mon gi kelem gali ajol de ma so sokol al gi faa kede katul uwo aw robutu uwo. ³² Agripa kelem ne festo gali ajol wede kan ina agder fiku uwo, kan kan uwo ma wedi ushahidi ne Kaisaali.