¹ Yom wakti futu yom 5, kebir te kanisa Ananiya iruwa teey me wazze tani me ajol te wanasa Terutuulo dolde dukur mon kelem ne anas te malikama kalama abkutu asiki fogo Paulo. ² Wakti naadi, Teruttuulo uwo abidu asiki uwo ligo ogi kelem gali, ina kan ligo raha milani abgitala min ita me sokolina abtal abidu gi adul ley ajal taki. ³ ina amin mo wakti towil fi bakana kulu ferikis abkuwesi zaidi, me shukran kulu. ⁴ Lakin kede ana mazidu tamani ita ana waga te teey kura taki kede ita gi kelem neina kalama siya ley ajal taki. ⁵ Kalam ina ayinu ajol wede ligo obatal zaidi, ogikutu anas te Yudadaya duniya taman kede assi wutaani uwo ya kebir te anas te Nazareth. ⁶ Ojaribu ladi karabu kanisa, ina amsuku uwo, ina kan aju hukum uwo je namna abu shariya tena gi kelem. ⁷ Lakin ragi ab kebir lussiya pja osulu uwo min ida tena me gudra milan. ⁸ Wakti uwo amrisha anas ab gi hojja uwo kede ja nowo ita kan bi asadu uwo ita sidu ita bija faham ley ina gi hukum uwo. ⁹ Ladi anas te Yudaaya ja asiki uwo gali je fi yafi. ¹⁰ In ya ajol te kambi kelem nowo kede uwo wonus, Paulo arja fogo gali ana arufu je ita fi kebir te hukum muda towil ana gi kelem neita kalama tayi dolde me Roho ab gowu. ¹¹ Kalam ita agder faham je yom lisa ma tim (12) Je min ana dusu fi Yerusalem fi ibada. ¹² Yala mon lisa ma ligo ana min juwa kanisa ligo ina gi juru laabil me ajol aw gali, ana gi raba rasu te kawm te anas sala kan fi bakan ab anas gi lim fogo sala kan fi medina. ¹³ Umon ma endis kalam hata wayi neita ab ya gal umon gi kutu fi rasu tayi. ¹⁴ Wede ana gi wonus gidam ita gal sika je fi ab gi naadi te rudu aw amin aw diini ya jede ana gi so kidima te Rabbana tenas jidi jidi te ina, ligo ana gi amin kulu kalama ab ja katif te shariya me tanas ne biya. ¹⁵ LIgo ana endis amin fi Rabbana je namna ab umon kaman gi steenu gali biya kun wakti te gum min kabir te anas ab kuwesin, me anas abtalin. ¹⁶ Ana gi zadu gudra me kun me roho alma endis makosa ne Rabbana me anas fi wakti kulu. ¹⁷ In wakti sana milan futu ana ja kede ana jib te miskinin ne bele tena me sokolina ab gi wedi ta sadaqa. ¹⁸ Wakti ana gi so dolde nas Yudaaya taanin ab ja talamin asiya mon ligo ana fi kanisa ligo gi nedif ana ligo ana ma endis kawm wala kelele. ¹⁹ Anas ab gi faa kun bakan ab ita fogo me kun ligo umon gi kutu makosa fi rasu tayi aw kan gal umon endis kalam fi ras tayi. ²⁰ Aw dolde umon ja wonus umon sidu kalam ab batal ab umon ja ayinu wakti ana yegifu fi hafla. ²¹ Illa ley ajal te sawti ab ana wonus foo ligo ana yegifu gidam umon, kalam ana wonus fi gum te meita gata fi ras tayi hukum naare. ²² Lakin felix kalam kan uwo ya gi shinda arufu kalama te sika okhele wesa umon ligo uwo gi kelem gal kan uwo bija seregeta lusiya ragi ab kebir ana bija hukum fi rasu te kalama takum. ²³ Owedi shariya kede chunga uwo me wedi nowo wakti, me kaman ma labba ajil yoyote min sabiyana to so nowo kidima. ²⁴ Wakti muda kala kutu felix ja me mariya to dulu sila, ab kan te Yudaaya, onaadi Paulo uwo asma kalam to fi kalama ab te amin me Yesu Kristo. ²⁵ Wakti ogi naaba kalama te amin, me sulu kalama bisesi me makosa ab guru ja, felix kafu okelem gali ruwa asede kan ana bija kun me zamani ana bija nadi ita. ²⁶ Uwo ahadi Paulo wede nowo sokolina ya uwo zidu rasul nowo zjol kede nadi uwo kede umon ja wonus. ²⁷ Wakti futu sana tinini kidima te felix wedi ne Polukijo festo, felix wakti aju nas Yudaaya kede rudu mowo osibu Paulo ligo fi jela.