¹ Yom te Pentecoti ligo tim, mon kulu kan fo fi bakan wayi. ² Gwom maniya sauti tala min foo je loobu ab gi futu me gudra, amla juwa al kan umon gen fogo. ³ Ben fugu umon lisan te naari ligo gesim badum. killa lisa gen fugu ajol . ⁴ Mon kulu amla roho ab nedif mon abidu wonusu lugha taani je namna abroho wedi noumon kede umon wonus. ⁵ Kan fi ajol te yerusalem ligo nas yudaya gen, anas ab gi faham sunu ya umon giso anas ab tala min kila kabila ta anas tete samai. ⁶ Kelele naade bakan kun kala, group te anas lim badu umon hairy, kalam mon kulu asma kia ajol mon gi wonusu fi hugha. ⁷ Monsta jabu umon kulu umon hairu mongi wonus gali ayinu anas dolde kulu abgi wonus umon ma anas te gali laaya? ⁸ Lakin sunu ina kila ajol ab gasma lugha teena ab me weledu? ⁹ Anas al gi paaz, me nas meedi me ramit me anas al kan fi mesa potamiya, fi yudaaya me kapa dokiya, me ponto ne asia. ¹⁰ Fi Fulugiya me fi Panfuliya, fi Misiri me fi bele te Libiya, ali geri me kuleene , Meruumi abu difana , nas yudaya , me nas chufu. ¹¹ Umon'Kulete me nas'Arabu, ita ayinu dole wonus je kalama te bele tena ¹² Mon kulu shanga mon ligo wasi wasi mon kelem fi badum toumon gali maana to sunu wede. ¹³ Lakin anas taanin ataku umon mon kelem gali ja umon sakarinin ¹⁴ Lakin bakan Petero agif me anas 11 owonus ligo uwo yegif foo okelem gali Rujala te yudaaya me anas algi gen fi Yerusalem kulu faham kum wede fata kum adan ne kalama tayi. ¹⁵ Kalam dole umon kan me sakaranin jee namna ab itakum gi fekeri, kalam deya saa te talata te min nahaari. ¹⁶ Lakin kalam ab ja wonus uwo me nebbi Yoweri. ¹⁷ Kan bija rasul fi yom ab te mwisho jo ogi wonus Rabbana ana bija kubu roho tayi ne anas al endis gildu kulu yaliwele takum me yal bana takum, mon bija wonus kalam kun al(gayib) al bija kun. me yal wele takum bija ayinu kalam te maaja bu, me wazze takum bija telim telim. ¹⁸ Ya jede me fi labi ya tayi ab rujala me laa bija tayi nus wana fi wakti naade ana bija kubu neitakum roho tayi kede itakum abidu wonus kalam ab me dusu. ¹⁹ Ana bija jib sokolina ab te gudra min samayi me alama fi duniya tete duniya doomu me naari me tala te loobu. ²⁰ Semsi bija kun duluma me shaari bija kun dom, yom te Rabbana ab kebir ab gi heshima fogo asma to ligo lisa maja. ²¹ yomu bija timu ajol alija asuma kalam te Rabbana obiligo hidaaya. ²² Rujala te Israel asma kum kalama dolde.Yesu te Nazareth, ajol al ja weeri neitakum ma Rabbana min kalama ab te gudra maab te ajabu me alama, Rabbana ab kutu uwo kedeso fi ustu takum, je namna ab ita kum arufu. ²³ Bakan wedi uwo ja namna ab Rabbana wafiki me arufu tokum sulu uwo tokum kutu uwo fi msalaba, me idda te anas al batalin tokum katul uwo. ²⁴ Lakin wede Rabbana tooru uwo bakan oligo muru me waja te mutu, kalam kan maa agder Robutu uwo. ²⁵ Kalam daudi gi wonus fugu uwo gali, ana ayinu Rabbana wakti kulu fi enna tayi, kalam ofi fi ida yemin tayi kede ana ma geru geru ana. ²⁶ Gelba tayi ya buja rudu lisan tayi bi furai Gildu tayi bija kun me ( subura).Kun ligo ita Gisten sokol ab ahadi ita. ²⁷ Kalam ita ma bija seebu hayyi tayi fi kabri ya fi jede ita ma bi wedi nedif taki kede fofun. ²⁸ Taalim ana sika te hayi, te bija amla ana me furai me ena taki. ²⁹ Rujala akwaana anagder wonusu me gudra gidam itakum te jidi teena ab kebiri dowdi gali omutu wu dofun uwo, me kabiri to fi neena laadi wakti wede. ³⁰ Yala bakan kan okun nebi bakan uwo faham Rabbana Rabbana ali nowo alifu. Fi wazuku ab te wiriki to obija kutu zjol fi bam bara to. ³¹ Bakan uwo ayinu fi abidu owonusu fi gum te Kristo ligoo ma seedu uwo fi kabri ladi gildu to so fun ma. ³² Yesu wede Rabbana tooru uwo ina kulu ina ya shahidin. ³³ Fi wakti ab arufa uwo fi ida yomin ta Rabbana wedi nowoahadi te roho ab nedif ne baba to, wede geru to itakum asma me ab itakum ayinu. ³⁴ Kalam Daudi ma panda foo lakin uwo wonus uwo sidu gaali sidi tayi Rabbana kelem ne sidi tayi gen fi idda tayi te yemin. ³⁵ Laadi kan ana bi geeru aduya taki kumbam bara te kura taki. ³⁶ Yala kede umon arufu juwa te Israel gaali Rabbana, kutu uwo sidi ya Kristo,Yesu wede al dugu fi msalaba. ³⁷ Bakan umon asma wede gelba toumon waja mon kelem ne Petero me mursalin taanin gali, rujala akwaana ina biso kefin? ³⁸ Petero kelem noumon gali taya toumon, kede batiza kila kila wayi min iakum dakal fi asma te Yesu kristo amurugu batal takum, bija wedi neitakum zawadite roho ab nedif. ³⁹ Kalam ahadi takum, kaman te yala takum me anas dolde kulu ab fi boyi, mon kulu bija nadumon Rabbana teena. ⁴⁰ Oweeri noumon fi kalama tanin ab milan owedi noumon lnjil ligo ogi kelem gali haadi kam fi aman wede ab ja woduru. ⁴¹ In anas ab rudu kalam to batiza umon zidu noumon fi yom naade anas 3000 mon lim rasu bakan wayi. ⁴² Mon zidu gusu ilim ta nas mursalim me wonus kalam wayi mefi gata mugaati mefi womba. ⁴³ killa ajol kafu alama milan algiso me nas mur salin. ⁴⁴ Mon kuru ab amin kan umon fi bakan wayi mon kuru ligo umon gi wonusu kalam wayi. ⁴⁵ Tajiri toomon me sokolina ab kan umon fi mo mon tunda, mon gesim nanas kulu ja kila ajol je namna ab uwo aju. ⁴⁶ Umon kaman gi zidu gudra kila yom me roho wayi fi kanisa mon gi gata mukaati fi juwa bey, mon akul akil me furai me gelba alima fogo hasidi. ⁴⁷ Ligo umon gari ja asma kalam te Rabbana foo ligo zidu noumon anas ab ligo hidaaya.