¹ Ya uwo rasul fi derube me Lusitula ayinu, kani fi swahaba asma to ya Timosewo, nyereku te maliya abu yudaya abuda amin lakin baba to mu yonam. ² Abu akwana ja aju abu kani fi fi Lusi ta me Ikonio. ³ Paulo aju ruwa me uwo; uwo suru uwo, uwo taru kalam nas'Yudaya abu kani fi fi bakan de mesani umon kulu kani arfu je baba to kani mu'Yonani. ⁴ Bakan umon futu fi medina, wedi ne umon amusuk abuja weli rasul me nebiya abu fi fi Yerusalem. ⁵ Ini ya kanisa gowu fi amin, ya uwo zidu fi milan te anas kila yom. ⁶ Umon futu fi bele te Fulugiya me Galatiya, kalam Roho abunedifja aba umon kelem kalama yoyote fi Asiya. ⁷ Bakan umon rasul geri me Musiya, umon abul ruwa fi Bisuniya, me Roho te Yesu ja aba umon. ⁸ Umon lifu Musiya, umon rasul fi Tulowa. ⁹ Paulo ayinu wahayu fileli, ajol abu Makedoni ligo uwo yegifu me ligo uwoginangu uwo ligo uwo gikelem gali, tali fi Makedonike ita awunu ina. ¹⁰ Bakan uwo ayinu wahayu, fi Makedoni, ligo ina arfu je Rabbana rasul ina ke ruwa alim njiri. ¹¹ Ya ina ja tara fi Tuluwa ina amsuku sika abu adil ladi Samserakiya, fi yom te tinini ina rasul fi Neyapuli; ¹² Ina tara na rasul fi Firipi, medina te Makedoni abu gi abidu fogo fi safa de, abu nas'Rumi ja abim, ina geni fi medina yom milan. ¹³ Fi yom te sabiti ina tala fi babu te medina ruwa fi kooru kalam ina ja feker: gaali fi na bakan te womba. Ina geni, ina wonus me nus wana abu lim. ¹⁴ Mariya de, asma to hidiya abu gi ketu gumesa fi medina suwatira, abu ja nabudu Rabbana. uwo asuma ina. Sidi te fata gelba to auma Paulo ja wonus. ¹⁵ Abu ja batiza uwo me juwa to, uwo nangu ina gaal kani itakum aju ana fi sidi tena. Daker kum fi juwa tayi ke itakum geni na. ¹⁶ Ina lig ina guruwa na fi bakan te womba fogo; biniya abu kani endis gini abu gi wonusu sokol abura kun fi, uwo rudu ina, me uwo ja logo ne sidi sokolina milan ligo gi tala fi wonusu sokolin aburu kun fi. ¹⁷ Bakan uwo Fatiya ina me Paulo uwo wonus foo gaal anas dole kulu labiya te Rabbana abu fi foo zaidi, abu gi alim sika te bolokozi. ¹⁸ Uwo so jede kalas yom milan. Lakin Paulo bakan uwo jarani zaidi, uwo ne jini gaal tara fi uwo fi asma te Yesu Kristo. Jini tara fogo fi wakti de. ¹⁹ Lakin sidi te biniya de bakan umon ayinu fikira te sokolina tomon kalas, uwo amsuku Paulo me sira sunu umon fi suu na ne kubarina. ²⁰ Dukur sulu umon ne anas ab gi gata kesi kelem noumon, anas dolde mon gi kuu medina tena kede ku fogo lakbati kalam umon nas Yudaaya. ²¹ Mon gi alim anas adab ab batal ina kede amsuku sala kan kede ina gi so kalam ina nas'Rumi. ²² Kawm dukur gum noumon bakan wayi anas te mahkama, seretu gumasa toumon; dukur amrisha kede dugu umon lasaya. ²³ Wakti dugu umon lasaya milan dukur liju umon fi jela, dukur amrisha ajol ab gi chunga kede chunga umon zaidi. ²⁴ Wakti wedede amrisha jede oliju umon fi jela te min juwa, odugu fi kura toumon me Musumari, ²⁵ Lakin filel Paulo me Siira mon womba mon asadu ne Rabbana, mobusiya dukur asma umon. ²⁶ Gwamu bimara dukur kun naa hizu hizu ab kebir me tubu te jela hizu hizu, gwam mara wayi babu fata uwo, me sokolina ab kan robutu umon kulu fiku uwo. ²⁷ Ajol ab chunga jela dukur gum, wakti uwo ayinu babu te jela fata uwo osulu silato oruwa katul uwo ligo ogi fekeri gal mobusiya jere. ²⁸ Lakin Paulo wonus me sauti foo okelem ligo okelem gali mata so ita batal kalam ina kulu fi in. ²⁹ Uwo asadu taa batina to mashi dukur osujudu ne Paulo me Sira, ligo ogi rogusu. ³⁰ Otala umon bara ogi kelem gal rujala gifaa naana so kefin ligo hidaaya? ³¹ Mon kelem gali rudu sidi tena Yesu, tebi ligo hidaya ita me anas te juwa taki ³² Kelem nowo kalama te sidi tena me anas abkan fi juwa to wayi. ³³ Osulu umon fi wakti wede filel oberedu umon me lasaya obatizauwo me anas te juwa to kulu gwam. ³⁴ Okutu umon kede panda fi juwa to ojib noumon meza, ofulayi zaidi me anas te juwa to kulu ligo orudu Rabbana ³⁵ Wakti lata saba anas te malika ma rasulu askeriya toumon ligo gi kelem noumon gali fi kun kum anas dolinde. ³⁶ Ajol ab gichunga jela okelem ne Paulo kalama wedede gali anas te malikama rasul kede ruwa fi umon, yala asede tala kum ruwa kun me amiani ³⁷ Lakin Paulo okelem noumon gali dugu ina gidam te anas ligo lisa ma gata nena kesi, ligo ina fi nas'Ruumi, liju ina fi jela, ladi saade gi amurugu min ina siri?. ³⁸ Askeriya kelem ne anas te malikama kalama dolinde mon kafu wakti umon asma gali anas dolinde nas'Ruumi. ³⁹ Mon ja mon waga noumon, mon tala umon bara, mon aju kede umon tala min medina. ⁴⁰ Mon tala min jela, mon dakal fi juwa te Lidiya akwaana ayinu umon mon fulayi mon tala.