¹ Mursalin me akwaana fi yudaya, mon asma je anas te beelana kaman Rudu me kalam te Rabbana. ² Fi wakti ab Petero ruwa fi Yerusalam anas ab me taaru bishana mowo. ³ Ligo mon gi kelem nowo gali ita ruwa ne nas al ma me taaru taakul noumon. ⁴ Lakin Petero abidu aki noumon wayi bi wayi. ⁵ Ana kan fi medina te yopa ligo ana gi womba, roho tayi badul ana ayinu sokol wayi ab gi nengil je suka ab kebir ligo amsuku fonsoda to arba nengil naana ligo gi taala fi samayi. ⁶ Bakan ana fata fogo ena tayi ana ayinu lamgaba te duniya ab endis kura arba me lam gaba, me al gi juru uwo meteeran fi ras lobu. ⁷ Ana asma sauti ligo kigelem gali Petero yegifu kede ita daba kede ita akul. ⁸ Ana kelem gal itta, sidi tayi kalam sokol abu haram magi dakal fi kasma tayi hatta siya. ⁹ Sauti arja ja maratani ligo gitala fi samayi ligo ki kelem naana gali, Rabbana fi sokolina ab uwo adul matagi ku kulu haram. ¹⁰ yaku jede mara 3 kulu arja umon sulu fi samayi. ¹¹ Ayin gwam zaid anas 3 kan yegifu gidam juwa fi bakan ab ina fogo ligo umon tala fi kayisaliya. ¹² Roho kelem naana kede ana ruwa mow mon ligo ana ma tafautisha ana akwaana ruwa me ana ne dakal fi juwa ta ajol. ¹³ Okelem neena kalama ab uwo ayin ligo uwo yegif gal wayinu Malaika ligo ogi kelem gal, nadi Simon, Petero alfi fi lopa okede ja. ¹⁴ Obi kelem neita kalam ab gura haadi ita me anas te juwa taki kulu. ¹⁵ FIwakti ab ana kan lisa abidi me abidu wonusu, roho ja oligo umon je namna abuwo nengil fogo ana. ¹⁶ Ana kumbuku kalamte sidi teena ab uwo ja wonus gal Yokana batiza uwo me moyo lakin itakum bija batiga itakum me roho ab nedifu. ¹⁷ Yala Rabbana wedi neitakum zawadi wede je ina, wakti ab ina amin me sidi teena Yesu kristo ana ya munu ab kan agder abusu Rabbana? ¹⁸ Fi wakti ab umon asma wede mon askutu, mon abidu arfu sauti te asma te Rabbana rabbana wedi ne anas te beelana fi taya mon rasul fi hayyi. ¹⁹ Me dolde ab fere fere fi gusu gusu sub kan fi Stepheno, mon masi ladi mon rasul foyiniki mekupulo me anti yokiya mon ma kelem ne ajol taani kalam illa nas yudaaya. ²⁰ Min umon kan fi anas te kupulo me kuleni mon wakti ab umon rasul anti yokiya mon wonus me anas te YOnan ligo mon gi kelem nnoumon sidi teena Yesu. ²¹ Idda te sidi teena kan fi bakan wayi noumon, kawm milan amin noumon mon geeru mon amin me sidi teena. ²² Kalam wede dukur asma uwo fi adan te kanisa te Yerusalem mon rasul Balunaba kede uwo ruwa fi Antiyokiya. ²³ Fi wakti ab okala rasul wayinu huruma te Rabbana dukur ofurai, okelem noumon kulu gali jib kum niya min juwa gelba kede umon amsuku badum me sidi teena. ²⁴ Kalam kan uwo ajol kuwesi uwo amla roho ab nedif uwo amin. Kom milan dukur jib ne sidi teena. ²⁵ Otalana oruwa fi talaso fi gsu sawlo. ²⁶ Wakti okala ayinu uwo ojib uwo fi anti yo kiya. Bakan kala orasulu mon kalas sana muzima mon gi lim badum me kanisa kee umon alim kom ab kebir nas swahaba ya abidu nadi umon nas christo fi Antiyokiya. ²⁷ Fi zaman naade ya nas nebiya tala min Yerusalem mon rasulu fi antiyokiya. ²⁸ Wayi min umon agif asma to (Agabo) owonusu ligo ogi futu fi roho gali bija kun fi duniya jian milan je al jakun fi wakti te karaudiyo. ²⁹ Nas swahaba je namna ab kan umon endisi sokolina mon wafiki wedi ne akwaana abkani gi gen fi yudaaya. ³⁰ Me kidima mon so dukur umon liju ne wazze fi idda te Balunaba, me sawlo.