¹ Lakin fi dolde al gi wedine sanamu, ina arufu gali ina kulu endis te arufu arufu gi arfu hishima taki.Lakin aju gi abin. ² Ajol kan bi feker gali uwo endis faham ogi kun ligo uwo ma lisa arufu. ³ Lakin ajol kan bi aju Rabbana, Rabbana gi faham uwo. ⁴ Yala akul sokolina ab wedi ne sanamu ina arufu sanamu ma sokol fi duniya laadi ina arufu je namna al ma fi Rabbana taali illa Rabbana. ⁵ Sala kan gal fi anas algi nadi umon Rabbana, sala kan ab fi jana, aw fi duniya, je namna ab Rabbana fi milan, me kubarina, ab milan. ⁶ Lakin ina bakan ab ina fi Rabbana fi wayi, ya baba tena, al endis killa sokol, wu ina hayi tena laajal uwo me sidu tena fi wayi ya Yesu Kristo ab gi kutu kila sool uwo ya sabab tena. ⁷ Lakin faham wede ma fi fi kila ajol, kalam anas taanin alim abudu sanamu laadi saade wu umon gi akul sokolina ab kan wedi ne sanamu me Roho toumon kalam meyi wu gi gen me batal. ⁸ Lakin sokol akul me yagi kun sabab Rabbana kede kutu ina anas te hishma wu sala kan ina akul ma ma gi zidu neena sokol. ⁹ Lakin (awaa) kum nafsi takum matakum abusu anas ab meyi. ¹⁰ Kalam ajol kan bi ayin ita ab endis agil ita gen ti akil fi sabo te sanamu Roho te ajol wede kan bi kun meyi mabi ja kun gow fi sokolina ab gi wedi ne sanamu. ¹¹ Kalam ajol ab meyi obiya woduru kalam faham taki, aku tena Yesu sabab al uwo ja mutu. ¹² Ya fi jede ya itakum gi karabu akwana dukur itakum gi atan Roho toumon kan kun meyi tokum gi karabu Kristo. ¹³ Yala kan sokol akul gi kala aku tayi ana ma bija akul laan zaman kulu te hayi tayi.