¹ Fi kalama kulu ab itakum katifu namna, kwesi ragi ma aju kede uwo gi amsukumariya. ² Lakin kalam zina kila ragi kede kun me mariya to uwo kila mariya kede kun me ragi. ³ Ragi kede lipa mariya to kiyas al gi faa nouwo kaman mariya kede lipa ragi me kiyas aluwo agder. ⁴ Mariya ma endisi te hukum gildu to illa ragi to , uwo kaman ragi me ta kede uwo hukum gildu to illa mariya to. ⁵ Matakum gi abba na lakin kan itakum weeri wakti, kede itakum kun me wakti te asadu ne Rabbana, dukur kede itakum kun bakan wayi, sheyitan kede magitaban itakum kalam tokum ma kutu sitara. ⁶ Lakin dolinde ana gi wonus ligo ana gi amin ne ana ma gi wedi ne itakum amri ⁷ Ana kan bi aju anas kulu kede kun je ana lakin kila ajol endis zawadi to algitala min Rabbana, taani fi jede taani fi jede ⁸ Lakin anas ab lisa ma joju badum me anas nuswan ab rajal toumon mutu ana gi kelem ne itakum gaal seme no umon kunjo ana. ⁹ Lakin kan umon ma agder hafiz nafsi toumon bikun seme kede umon joju badum kalam yakuwesi joju badum min kun me taman ¹⁰ Lakin anas al kkala joju badum ana gi amrisha itakum ma ana ila sidu tena mariya al ma joju marudu uwo tala min beey taragi to. ¹¹ ( Lakin tala min beey tarag to kan woo tata. Min beey ta ragi to okede genin kede ma joju uwo maratan aw kede umon wafiki me ragi to) Wu kaman ragi ma kuweesi seeb mariya to. ¹² Laki anas taaman ana gi kelem ne itakum, ma sidi , tena aku tayi yoyote kambi fi ma mariya ab magi amin kan bi kun ligo mariya de wafiki kun mowo, kede ama seebu umon. ¹³ Me mariya kan bigen me ragi al ma mua mini ful lakin kan uwon bi wafiki gen bakan wayi, okede ma jere min ragi to. ¹⁴ Kalam rogi abma gi rudu gine difu uwo me me mariya me mariya rudu gi nedifu uwo me akuto, kan ma jede jala takum makan agder kun me hidaaya lakin asede mon nedif. ¹⁵ ajol al magi rudu kan uwo ferteku kede uwo ferteku kute ragi aw mariya ama labi fi kalama je wede lakin Rabbana nadina amini. ¹⁶ Kalam ita mariya ita amufu kefin je kan ita agder hadi ragi taki? aw ita ragi ita gi alfu kefin kan ita agder haadi mariya taki. ¹⁷ Wede barraw kila ajol je namna ab sidi tena gesim nowo, killa ajol je namnaab Rabbana nadi uwo kede uwo masi jede deya namna ab ana gi amrisha jede ti kanisa kulu. ¹⁸ Ajol yoyote sei naadi uwo gali me taaru? Ma fa kede uwo amurugu min uwo taaru to. Ajol kul al binadi gal ma me taaru marudu uwo kede taaru. ¹⁹ Taaru me kalam, me bila taaru ma kalam, lakin amsuku badum me shariya te Rabbana. ²⁰ Killa ajol kede rudu me namna ab naandi uwo fogo. ²¹ Nadi ita ligo ita laabi? Mata ligo fogo wasi wasi lakin agder kan ita bi agder ligo amaani ger me amamide. ²² Kalam sidi tena ab nadi uwo labi ogi wede ne sidi tena amaani ya fi sede ajol al naadi uwo laabi ogi wedi ne sidi tena amaani ya fi sede ajol al naadi uwo fi amaani ya laabi te Kristo. ²³ Bijo entakum me thaman, matakum kun laabi te anas. ²⁴ Akwana tayi naadi al kila ajol naadi uwo mo, kede uwo gen min juwo to bakan wayi me Rabbana. ²⁵ Lakin aba joju badum ana ma endisi amri te sidi tena lakin ana gi kelem ne itakum je binadum sidi tena ab ayinu hurum kun mu ami nifu. ²⁶ Ana gi feker gali ede kun wesi, kalam azab te wakti de bi kuwa kuwesi ajol kun jowo fi. ²⁷ Ita ja joju?mata taragu uwo, kani mame joju, mata joju mariya ²⁸ Kani ita joju ma, ita gi kun karagu ma, me mariya abu ma me joju kani joju uwo gi kun ligo uwo ma so makosa. Lakin abugi joju umon gi kun me tabu milan. ²⁹ Wede ya ana gi wonus akwana tayi wakti kun gi sheeri min abidu kede umon kun ja anas al ma endisi. ³⁰ Ma anas al gi koore kede umon kun ja anas al mar gi koore ma anas al i raha kede umon kun ja anas al ma furaha me anas al gi bijo kede umon kun ja anas al ma endisi. ³¹ Mata kum me fi kira te sokolina al te duniya de wu sokolina te duniya du gi geeru wu gi kalasu. ³² Lakin ana aju itakum kede ma ligo wasi wasi ajol al ma me joju ogi wasi wasi me kalama te sidi tena namna ab uwo bi furaisha mo sidi tena. ³³ Lakin ajol al me joju ogi ligo wasi wasi me sokolina te duniya namna ab uwo bi furaisha mo mariya. ³⁴ Lakin fi fauti te mariya joju me biniy aol al malisa joju uwo ogi ligo wasi wasi te sidi tena, okede kun nedifu fu Roho me fi gilduajol al jjoju ogi ligo wasi wasi namna ab uwo bi furaisha mo ragi to. ³⁵ Ana wonus dolde kede nafaa itakum kulu magal kala shida lakin kalam kuweesi dukur kede itakum kidima sidu tena bila abba. ³⁶ Ajol kan fekeri gal binija to ma gi masi kuweesi, ligo afutu fi uwri te yowele gi faa nowo kede seedu uwo ke deso jo uwo aju kede joju uwo min karabu. ³⁷ Lakin ajol al gi we gifu me gel bato, ligo ma amrisha uwo lakin ligo wag deri timiza ab uwo hibu wu wo jib nngat hafiz biniya to obi kun so seme. ³⁸ Ajol al gi gesim biniya to ogiso seme me wede al ma biya gesin obi kun oso seme. ³⁹ Mariya gi Robutu uwo mr ragi to ligo lisa ohayyi lagi to kan bi mutu kede joju uwo ma ajol kulu barane sidi tena. ⁴⁰ Kan uwo bi kum furai fi namna ab uwo fimo je namna ab ana gi feri an kaman gi fekeri je namna al ana endisi Roho te Rabbana.