¹ Ajol kede gi fekeri fugu ina jede ligo ina fi nas kadama te Kristo ladi anas ab gi hafiz siri ta Rabbana. ² Ya ladi ini gifaa ne nas kadama ajol kun ligo uwo fe hakki. ³ Lakin naana kalam sakar zaidi neita kum gata naana kesi kani ne ajol yoyote ana barraw magi gata naana makosa. ⁴ Kalam ana ma arfu min ana kalam lakin wede magi wedi naana hidaaya ajol al gi gata naana hukum ya sidi tayi. ⁵ Yala mata kum hukum firas kalam yoyote ligo wakti lisa ma rasulu hadi wakti ab sidi tena bija ja obi ja wala nuru fi sokolina ab giso fi duluma obiya weeri faadi gelba gi kelem sunu killa ajol bi wedi nowo zawadi te kidima to gidam Rabbana. ⁶ Lakin dolde akwana ana jaribu fugu ana me ne Appolo, fi kalam takum, kede itakum alim fugu ina zidu ma fi kalama abja katifu ajol yoyote kede uwo magi sulu uwo galtefoo sinda akutaani. ⁷ Kalam al gi ta fawtisha ita yo munu? wu ita endis sunu ab maja wedi neita sunu ya gi kutu gal ita gi sul ita te foo je ajol alma ja wedi. ⁸ Tokum saban kala tokum tajirika kala takum hukum janas sultana ligo ina mafi wukan kan itakum bi hukum ana kan bi aju kede ina hukum bakan wayi me itakum. ⁹ Kalam ana gi fekeri gal ina nas nurslini aweeri neina mwisho ja anas al magura alma endis faida duniya me Malaika me bina duniya. ¹⁰ Ina fi awirin ina jal te Kristo lakin itakum negi negi fi Kristp ina meyi lakin itakum endis gudra tokum endis heshima, lakin ina anas ta alisi. ¹¹ Laadi rasul hadi te wakti wede jijan giso ina stan moyo gisweena, ina gi gen aryanin gi dugu ina, ina ma endis ajol ta awun. ¹² In giso kidima ligo ina endis shidame idda tena kan sitim ina ina gi asadu na Rabbana kede wedi no'umon baraka kan kutu ina fi haal te gusu ina, ina giso subra. ¹³ Kan gata wara ina gi taya ina rasul hadi kun ne duniya je tindili kara te kila wayi ladi wakti wedede. ¹⁴ Kalam dolde ana magi katifu jibu ne itakum haya lakin kelem natakum ja yala tayi abu ana hibbu. ¹⁵ Kalam sala kan itakum endis ( kakumi) fi Kristo hakin itakum ma endisi nas baba takum milan kalam ana ya ja weledu ne itakum inju ligo gi tala min sidi tena Kristo Yesu. ¹⁶ Ya ana gi wage teete kura takum kede itakum fwata ana. ¹⁷ V17Ya ana rasul timotheo neitakum deya. Nyereku tayi ab ana hibbu al ta hakki fi sidi tena obya weeri na takum sika tayi al fi fi Kristo je namna abu ana alim kulu fi killa kamsa. ¹⁸ Lakin fi taanin ab gi sulu moon to foo mongi fekeri gali ana ma guru ja ne itakum. ¹⁹ Ana bija ja ne itakum gwaam sidi tena kan uwo bija ajuana bija arufu gudra toumon nan sab gi sulu umon tefoo ma besi kalam toumon. ²⁰ Kalam mamlaka te Rabbana magura kun fi kalam gura kun fi gudra. ²¹ Tokum aju fogo sunu? ana kede ja ne itakum malasaya aw fi mahab uwo me Roho abu te amaani?