¹ Asede akwana ana aju kede itakum faham zawadi te Roho al nedifu. ² Ligo itakum arufu je fawulani itakum kani anas al gi amini ma me itakum kani melu ligo itakum gi abu sanamu al ma gi wonus. ³ Ya gi kutu ana gi kelem ne kum je ma fi ajol al gi wonus fi Rohote Rabbana uwo ja kelem gali je Yesu uwo me narame ma fi ajol al agideri wonus gali Yesu ya sidi tena ila kani Roho al nedifu awunu uwo. ⁴ Inna endi zawadi ta fawutu lakin Roho al nedifu al gi gesimu uwo fi uwo wayi. ⁵ Wi inna endi kidima ta fawutu fi soo ne sidi tena me sidi tena fi wayi. ⁶ Me inna endi kidima ta fawutu lakin Rabbana fi wayi al giso kalam de kulu. ⁷ Lakin kila binadum wedi no'uwo Roho al nedifu fi namna al te fawutui uwo kede kunu logo uwo gi nafa. ⁸ Ajol wayi Roho gi wedi no'uwo kalam te agili me tani kalam te faham abu te Roho. ⁹ Me inna wedi no'uwo amini kalam Roho me tani zawadi te gesimu. ¹⁰ Me tani so kalama te ma jabu me tani te so dawa, me tani fawutisha Roho, me tani wonus lutani bara bara me tani tafusiri lutani. ¹¹ Lakin dole kulu Roho wayi ya giso ligo uwo gi gesimu ne kila binadum je uwo Roho aju. ¹² Je gildu fi wayi ligo endi bakani milani al tafawuti gi fadulu ligo lisa gildu wayi fi jede Kristo uwo kamani fi jede. ¹³ Kalam inna kulu batiza inna fi Roho wayi me fi dakulu inna dakulu figilidu wayi, kani mu Udayah, ama Muyonani ama labi ajol al te raha inna kulu fi gowu fi Roho wayi. ¹⁴ Me gilidu ma endi bakani wayi bara lakin endis bakan milani. ¹⁵ Kura ma gi wonus gali ana ma ida me ana ma wayi fi nusu te gilidu gi wede ma gi fadulu ligo lisa nusu te gilidu. ¹⁶ Me athani kani wonus gali ana ma ena ma ana ma nusu te gilidu wede ma gi aba athani kunu fi gilidu. ¹⁷ Kani kani gilidu kulu kani ena, asuma kani bi kunu weni? me kamani kani kani gilidu kulu kani adani sumu kani bikunu weni? ¹⁸ Lakin Rabbana kutu nafasi bara bara fi gilidu je uwo kani aju. ¹⁹ Me kamani kani kani gilidu kulu kani nafasu wayi bara gilidu kani bi benu kefini? ²⁰ Lakin asede fi wayi me nafasi te fawutu milani. ²¹ Me ena ma agideri kelem ne ida je ana ma aju ita ama rasu kelem ne kura gali ana aju ita ma. ²² Lakin nusu te gilidu abu inna gi fekere kunu mayi ya muhimu zayidi fi gilidu. ²³ Menusu te gilidu abu inna gi fekere kunu ma me Ishima ya inna gi labisi umon meishima milani ma nusu te gilidu tena nusu te gilidu tena te sheri ya seme zayidi. ²⁴ Nusu te gilidu al gi ayinu ma gifa kati umon lakin Rabbnana limu bakani wayi nusu kulu te gilidu me nusu te gilidu te al gi alisi uwo wedi no'umon ishima al futu. ²⁵ Ma kede kun gesimu usutu gilidu lakin nusu te gilidu kede awunu badum. ²⁶ Me kani me nusu wayi te gilidu ligo waja me nusu wadini de kulu gi asuma waja bakani wayi me nusu nade, me kamani kani nusu wayi fiirayi me nusu wadini te gilidu kulu gi furayi. ²⁷ Lakin itakum fi gilidu te Kristo me kila fi usutu itakum uwo fi nusu fi gilidu de. ²⁸ Awulani Rabbana nigitu mulusani fi kanisa te tinini rebiysh, te tslsts mslims me uwo ja nigitu anasal gisokalam te ajabu me dolinde al endi zawadi te ponesha yaninime uwo a nigitu me al endis zawadi te gesimu, me kubana n, me algi wonus fi lutani al te fawutu. ²⁹ Seyi umon kulu murusali? Seyi umon kulu nebiya? Seyi umon kulu malima? umon kulu giso kakama te majabu? ³⁰ Seyi umon endi zawadi te ponesha ayanini? Seyi umon kulu gi wonus fi lutani alte fawuti? Seyi umon kulu gi t fusiri lutani al te fawuti? ³¹ Lakin ana gi kelem ne itakum tamani to kum zawadi al futu kunu muhimuzayidi me kamani ana gi weri ne kum sika al futu kunu seme zayidi.