¹ Fatiyah kum ana je ana gi fatiyah Kristo. ² Ana gi sita itakum misani itakum gi kumba ana fi kalama kulu . me itakum gi amusuku gowu kalama al wedi ne itakum je ana wedi ne itakum. ³ Lakin ana aju kede itakum arufu je Rasu te kila ragi de Kristo, me rasi te marayi ya Ragi me rasi te Kristo deya Rabbana. ⁴ Me kila rai uwo kan womba ama ja nada ligo rasi to me kati uwo gi sidu heyibu ne rasu to. ⁵ Me mariya uwo kani womba ama nabaillimu ligo to ma me kati uwogi sibi hayibu ne rasu to kalam fi sawa sawa je uwo ali jenu rasu to. ⁶ Misani kani mariya ma gi kati rasu to me jede kede jenurasu to lakin kani te heyibu jenu surasu te mariya inni uwo kede kati rasu to. ⁷ Kalam magi fa ne ragikati rasu to misani uwo ya picha me ishima te Rabbana lakin mariya ya ishima te ragi. ⁸ kalam Ragima tala mini mariya ila mariya ya tala fi ragi. ⁹ Me kalam ragi ma kalagu uwo kalam mariya ila mariya ya kala gu kalam Ragi. ¹⁰ Ya gi kutu gi faha me mariya kun me alama te wukumu uwo firasu tokalam anas malaika. ¹¹ Me kamani mariya ma agideri kunu bila ragi. me ragi ma agideri kunu fi bakani bila mariya fi sidi te ina. ¹² Kamani je mariy tala fi ragi me fi jede ragi giweledu uwo me mariya lakin kalama dde kulu gi tala ne Rabbana. ¹³ Gata kumu kesi itakum siyadum gi faa ne mariya womba Rabbana ligo uwo ma kati rasu to? ¹⁴ Fi agili tena te weledu inna ma gi alimu inna je ragi kan uwo kutu surasu to ja raba zayidi fi rasu to gi jibu no'uwo haya? ¹⁵ Lakin mariya kani uwo raba surasu to fi rasu to wede ya ishima to misani wedi no'uwo surasi to fi nafi te gumasi. ¹⁶ Lakin kani binadum yoyote uwo kani bi aju jibu mpaka inna ma endi tabiya je wede sala kanisa te Rabbana. ¹⁷ Lakin ana kan amurisha itakum wede ana ma gi shifa itakum kalam itakum ma gili mu bakani wayi kalam so seme ila so batali. ¹⁸ Kalam sokol tawulani kani itakum limu itakum ana giasuma gali fi gesimu fi usutu itakum. me ana gi rudu me uwo. ¹⁹ Misani ne gesimu gi faha no'uwo kunu fi usutu itakum dukuru anas al adili kede benu fi usutu itakum. ²⁰ Asede kan itakum limu itakum bakani wayi ma agider uwo akulu akili te sidi tena. ²¹ Misani fi akul takum kila wayi gi abidu aku sulu akili uwo barawu me tani jani gi so uwo me tani ja sakarani. ²² De sunu wede? Itakum ma endi juwa te akulu fogo asurubu fogo ama itakum gi alisi kanisa te Rabbana. Itakum je heyibu dolinde al endi ma juwa? ana bi kelem ne kum kefini? ana bi sifa itakum kalam wede ana ma gi shifa itakum. ²³ Kalam ana wedine itakum wede abu ana ligo mini sidi tena tala. ne Rabbana fi usutu fi lele nade al wedi fogo Yesu Kristo ne adu yia to umon ja ruwa fi akulu akili te misho te lasia. ²⁴ Uwo ja sukuru Rabbana uwo ja kasulu mukati uwo ja wonusu gali wede ya gilidu tayi alfi kalam itakum so kum jede kila yomu kumbuka ana. ²⁵ Me jede me kubaya ligo uwo kalasi akulu uwo kelem gali kubaya wee ya ahadi al jedidi fi domu tayi so kum jede kia yomu abu itakum bija asurubu fogo kalam kumbuka ana. ²⁶ Kalam kila yomu abi itakum bi akulu fi mukati wede me fi yomu abu itakum bi asurubu fi kubaya itakum bi kunu ligo gi weri mutu te sidi tena ladi fi yomu al uwo bija ja fogo. ²⁷ Wede ya bija kutu ajol fi makosa gilidu me domu te sidi tena kila wayi al bi akulu fi mukati ama aurubu fi kubaya ligo gifa no'uwo ma. ²⁸ Lakin ajol yoyote uwo kede cheki uwo sidi dukunu uwo kede akulu fi mukati me fi asurubu fi kubaya. ²⁹ Lika wayi al gi akulu me al gi aurubu uwo gi akulu me uwo gi asurubu kesi to uwo sidu uwo kani ma fawutisha gilidu. ³⁰ Ya gi kutu fi usutu itakum gi kunu fogo milani al mayi me al ayanini me ya sababu al kutu milani fi usutu itakum mutu. ³¹ Inna endis te gata ne inna kesi inna siyadum anasi wadini ma ma kede umon gata ne ina kesi. ³² Sidi tena kani gata ne ina kesi uwo gi midu inna fi liayin kede inna ma kunu me ma kosa je anas wadini te dolinde. ³³ Me jede akwana tayi kan itakum limu itakum fi akulu stenu kum kila aku. ³⁴ Kani binadum asuma zayidi jiyani uwo gidamu kede akulu fi bea limu badu takum ma kede kun fogo makosa kalama wadini ana bija adulu fi wkti abu ana bija ja fogo na.