¹ Kalam ana ma aju itakum kede fahamu ma je anas jede tena bakani umon kani fi te te subura je umon kulu futu fi bahari. ² Me umon kulu bakani batiza umon me Musa fi sobura me fi bahari me . ³ Umon kulu ja akulu akili wayi te Roho me umon kulu ja asuburu sokol asurubu wayi. ⁴ Misani umon kani asurubu fi daya lageri kebiri ita Roho. me lageri de kan Kristo. ⁵ Lakin milani fi usutu umon Rabbana ma rudu umon misani milani fi usutu umon keriju umon fi bakani al pengele. ⁶ Lakin dolinde kani mutanu onyo ne inna. misani inna ma kede tamani so batali je umon tamani. ⁷ Me jede ma takum kun anas al gi abudu asinamu, je wadini fi usutu umon je kadifu uwo gali anas ja gayi fi asurubu me akul umon ja gumu foo fi alabu. ⁸ Me kamani inna ma kede kun solomuta je umon so solomuta umon ja waga fi yomu wayi laki tinini me alfu talata. ⁹ Me kamani inna ma kede aburu sidi te ina je wadini aburu abudu sidi debiba ja katulu umon. ¹⁰ Me ma takum niningi je wadini fi usutu umon miningi ja keriji umon uwo al gi keriju. ¹¹ Lakin dole kunu jede fogo umon kunu mufano ne inna me katifu uwo kunu onyo ne inna al ligo misho te wakti wede. ¹² Me jede al gi fekeri kunu ligo uwo yegifu adili uwo kede duniya uwo kalam uwo ma kede waga. ¹³ Ma fi aburu al gi ja me itakum al ma ta kila yomu uwo al ma biruduaburu itakum fi namna abu itakum agider ma lakin bakani wayi me aburu uwo bi kunu logo uwo gi kutu bakani te jere fogo. inna dukuru kede itakum kunu me subura. ¹⁴ Asede akwana tayi jere kum mini abudu asinamu. ¹⁵ Ana gi kelem ne itakum je anas al endi agili kede itakum fekere fi kalam abu ana gi kelem. ¹⁶ Rubaya te swahabu ya inna gi womba no'uwo swahabu de ya ma wafaka me domu te kristo? Mukati abu inna gi kasulu de ya ma wafaka me gilidu te Kristo. ¹⁷ Kalam inna al milani inna fi mukati wyi gilidu wayi kalam inna kulu gi gesimu mukati wayi. ¹⁸ Ayinu kum Israeli te gilidu umon dole al akulu sadaka umon ma wafiki me mudaba. ¹⁹ Asede ana gi wonus sunu? Sokolina al gi wedi ne asynamu ya te mana zzayidi ama sanamu ya te mana? ²⁰ Lakin ana gi kelem je sokolina al anas te belana gi wedi umon gi wedi ne anas jini ma ne Rabbana ana ma aju itakum kunu anas al gi wafiki ma anas jini. ²¹ Itakum ma agederi asurubu fi kubaya te sidi tena fi kubaya te anas jini. itakum ma agideri ligo fi tere beza te sidi te ina me kamani me fi te rebezo te anas jini. ²² Kan inna gi kutusidi tena kunu me geliba inna ya gi futu uwo me gudura? ²³ Umon kulu seme lakin umon ma kulu gi nafa umon kulu seme lakin umon kulu ma gi alimu. ²⁴ Ajol yoyote uwo ma kede gusu sokolina al to bara lakin me te aku. ²⁵ Me kila sokol al gi wuza fi suu akulu ti kum bila asadu kalam yoyote. ²⁶ Kalam dunia te sidi tena me sokolina kulu al fi fogo. ²⁷ Wayi fi usutu umon dole al gi amini uwo kani nadi itakum me kamani kani itakum biju ruwa kila sokolal gi kutu gidam itakum akulu to kum bila asadu kalamyoyote kalam Roho. ²⁸ Lakin wayi kani kelem ne itakum je gai wedi wede kun je sadaka ma takum akulu kalam uwo al kelem ne itakum me kalam Roho. ²⁹ Ana kan kelem Roho ma taki lakin te ajol atani kalam de raha tayi ke gi gata ne ana kesi kalam Roho te aku tani. ³⁰ Ana kan akulu ligo fi ana gi shukuru de sunu ya gi kutu gi sitimu ana kalam sokolina abu ana shukuru? ³¹ Asede kani itakum gi akul ama gi asurubu ama itakum giso kalm yoyote soo kum kalam de kulu kalam ishima te Rabbana. ³² Ma takum sokol yoyote al gi gali gali ne wa Udayah ama me salakani ne kanisa te Rabbana. ³³ Je ana kamanigi furayisha umon kulu fi kalama kulu ligo anama gi gusu fayida ne ana sidu ila fayida te anas milani dukuru kede umon pona.