¹ Paulo abu ja nadi kun lasulu te Kristo Yesu fi aju te Rabana, me aku to Sosani, ² ne kanisa te Rabana al fi fi Kolinso, al nedif uwo fi Kristo Yesu me abu ja nadi kun nedif, bakan wayi me dolinde kulu al gi nadi asuma te sidi tena Yesu Kristo. Sidi tomon kaman ya sidi tena. ³ Nema me raha al gi tala ne Rabana baba tena me Yesu Kristo kede kun ne itakum. ⁴ Kila yomu ana gi shukuru Rabbana kalam itakum kalam nema abu uwo ja wedi ne itakum fi Kristo Yesu. ⁵ Kalam itakum kun tajiri fogo uwi fi kila kalam fi wanas kulu me fahamu kulu. ⁶ Je ilimu te Kristo kutu itakum kunu gowu. ⁷ Ma fi zawadi al te Roho al nedif abu itakum ma endis itakum amula fogo bali ligo itakum gi steinu yomu al sidi tena Yesu bija ja fogo. ⁸ Rabbana bija chunga itakum ligo itakum te gudra ladi yomu te misho, ligo itakum ma endi masoka yoyote fi yomu te sidi tene Yesu bija ja fogo. ⁹ Rabbana uwo muwaminifu uwo nigitu itakum kede itakum ligo fi hayi te Yowele to, Yesu Kristo sidi tena. ¹⁰ Lakin ana gi nagu ne itakum akwana kalam asuma te sidi tena Yesu Kristo kede itakum wonus kalam wayi kede itakum ma gesimu itakum. lakin kede itakum kunu sokol wayi fi gali me fi fi kira. ¹¹ Akwana tayi te juwa te kulowa umon kelem ne aana gali fi korokoro fi usutu itakum. ¹² Ana asuma namna je wede ligo wadini gi wonus gaal, inna te Paulo me wadini gali umon te Apolo me wadiningal umon te kefa me wadini ngal umon te Kristo. ¹³ Kristo uwo me gesimu gesimu? Sayi Paulo aligu uwo fi musalaa kalam itakum? Ama batiza itakum dakali fi asuma te Paulo? ¹⁴ Ana gi shukuru Rabbana kalam ana ma batiza ajol yoyote fi usutu itakum ila kulisupo me Gayo. ¹⁵ Ajol yoyote te ma kede wonus gaal batisa itakum dakulu fi asuma tayi. ¹⁶ Me kamani ana batiza juwa te Sutefana mini dole bara te dole ana ma gi kumbuka kan ana batiza ajol tani. ¹⁷ Kalam Krristo ma lasulu ana batiza ila naba injiri ma fi agili te kalam musalaba te Kristo ma kede kun te saki. ¹⁸ Misan kalam te musalaba de ya awiri nne dolinide al gi woduru lakin ne inn al gi amini de ya gudra te Rabbana. ¹⁹ Misani katifu uwo gaal ana bija fa nagu agili te alasi al negi me solomuta ana bija amrugu umon. ²⁰ Al negi uwo wenu? Kaatib uwo wenu? Al gi bishana te dunia wede uwo wenu? Rabbana uwo ma awiri agilite dunai? ²¹ Kalam fi agili te Rabbana ya dunai gi fahamu fogo Rabbana, Rabbana ja rudu kalam awiri ponesha umon dole al amiri. ²² Misani wa'Yudaya umon gi asadu alama, me wa'Yonani umo gi gusu agili. ²³ Me ne inna inna gi naba Kristo al aligu fi musalaba ne wa'Yudaya wede gi kun to kuyi, me anas te belana umon gi ayinu je awiri. ²⁴ Lakin wa'Yudaya me wa'Yonani ligo umon me nadi, Kristo uwo gudra te Rabbana me uwo agili te Rabbana. ²⁵ Misan awiri te Rabbana gi singa agili te anasi me mayi te Rabbana gi shinda gudra te anasi. ²⁶ Akwana, ayinu kum, nadi abu nadi itakum fogo je anasi te agili te gilidu ma milani al Rabbana nadi, anas al te Ishima ma milani, me te gudra ma milani. ²⁷ Lakin Rabbana nigitu awirini te dunia uwo ja haya ne dolini de al endis agili me kamani Rabbana nigitu anas al me yi fi dunia uwo ja kutu hayi ne dolinde al endis gudra. ²⁸ Me misikini me algi alisi Rabbana nigitu umon me sokolina al ma fi sa te asede uwo kede amuguru al fi asede. ²⁹ Gilidu yoyote ma kede situ uwo gidamu Rabbana. ³⁰ Lakin kalam Roho itakum fi fi Kristo Yesu al tala ne Rabbana uwo ja kun agili ne inna uwo ja kun negifu me amurugu inna fi batali. ³¹ Je katifu uwo gali je ila wayi al gi shifu uwo kede shifu uwo fi sidi fi Rabbana.