¹ Bwanyima Yesu yimuka yarugayo, yaza omu isaza rya Buyudaya naseeri ya Yorudani: emitwe mingi yabantu yagaruka yayerundana ahu yabere ari yayongyera kubasomesa nko muze gwewe okugwabere guri nambere. ² Kandi aba Farisayo baiza ari bamubuza nibagira bati: beetu ebiragiro bikiriza omuntu kubinga omukazi wewe? ³ Yabagarukamu ati: Musa akaragira ata; ⁴ Yabagarukamu ati: Musa akabaragira ata? Ngu bamugarukemu bati: Musa akikiriza omuntu kuhandika ebarua yokutana n'omukazi wewe, ngu abone kumubinga ⁵ Yesu yabgira ati: ekibabaherire ekiragiro ekyo n'abwo bugomi bw’omumitima yanyu. ⁶ Kwonka okuruga ahakuhangwa kwensi, Ruhanga akahanga omuseza n'omukazi. ⁷ Omusiza nikyo asigirawo ise na nyina, akaguma no mukazi wewe, ⁸ Nabo bombi, bakahinduka omuntu omwe. Baba batakiri babiri kureka omwe. ⁹ Nahabwekyo eki Ruhanga yaterene amwe omuntu atari kibaganisa ¹⁰ Kubabere bari omunzu, abeegi bewe bagaruka bamubuza akigambo ekyo, ¹¹ Yaabasobora ati: omuntu weena aribinga omukazi wewe akaswera ondizo biri asambene, kandi ayisire obuswere aha mukazi wewe; ¹² N'omukazi ku aritana na'iba yaswerwa ondizo biri asambene. ¹³ Kandi bakamuretera abaana bato ngu abakoreho, abeegi bewe babakyabukana. ¹⁴ Kwonka Yesu kuyakrebere,yabagwerwa kubi,yabagira ati:murekye abaana, bato baize ariinye, mutabatanga; abwokuba obukama bwa Ruhanga n'obowo abari nkabo ¹⁵ Buziimazima nimbagambira nti omuntu weena otayikiriza bukama bwa Ruhanga nk’omwana muto, taributahamu nakakye. ¹⁶ Yabakiira, yabereza omugisa, abatirewo engaro ¹⁷ Ku yaabire nagenda omu muhanda omuseza yaiza nairukanga, yamutekera amazu, yaamubuza at:i iwe musemesa murungi we nkaakoraki okutunga amagara agatawawo? ¹⁸ Yesu yamuarukamu ati: nonyetera ki omurungi? Tarowo omurungi, kureka Ruhanga wenka. ¹⁹ Nomanya ebiragiro, otarita, otarisambana, otariba, otaribehera ondizo, otarigobya, otine iso na nyoko. ²⁰ Omuseza yamugarukamu ati: musomesa, ebyo byona nkabyerinda okuruga amu buto bwange. ²¹ Yesu ku yamurebere yamukunda, yamugambira ati: mbwenu nooburawo kimwe, genda oguze byona ebi otungire; ebi orayihemu, obyereze abooro; nibwo oritunga eitungo, omu iguru; haza oyize onkurate ²² Ku yaawure ebyo, yayinduriza ameso yagenda ayine anaku nyingi, ab'wokuba ayine itungo ringi ²³ Yesu nikwo kurabyamu ameso akagira abegi ati: Kanikirema abatungi okutaya omu bukama bwa Ruhanga! ²⁴ Abeegi bewe batangara ebigambo byewe. kwonka yesu yabasobora ati: baana mwe, nikirema abesiga abatungi okutaha omubukama bwa Ruhanga. ²⁵ Nikirawuka engamiya okuraba omu nyindo enkizo okukira omutungi okutaha omubukama bwa Ruhanga ²⁶ Batangara munga bamubuza bati: mbwenu si hoona n'oha arikubasa kuzunwa? ²⁷ Yesu yabaranja yabagarukamu ati: ekyo tikirikubasika aha bantu, kwonka ari Ruhanga, byona nibibasika. ²⁸ Petero nikwo kumugambira ati: reeba itwe tukasigaho byoona twakukuratira ²⁹ Yesu yabagarukamu ati: buzimazima nimbagambira nti: tihine muntu awaasigireho enzu beenebabo, barababo, nyina, ise nabaana, nari ekibanza kyewe abwangye nabwe engiri, ³⁰ Otarihebwa omu biro bya hati ebirikukira ebyo emirundi igana benebabo, ba nyina abana, enzu ,ebibanza, amwe nokuhiigwa kandi omubiro bya bwanyima akaheebwa amagara agatawawo. Kwonka obokubanza barya aba abamuheru n’abamuheru baryaba abokubanza ³² Obwo bakaba bari omu muhanda nintemba Yerusaalemu, bo baatangaara n'ababere bamukuratire batiina yayekikana bari ikumi na babiri yatandika kubagambira ebiri kuza kubaho. ³³ Ati reeba nitutememba, Yerusalemu omwana aryahebwayo aha abanyamurwa abakuru nabahandiki; barya musarara omusango go kumwita, bamuheyo aha banyamahanga. ³⁴ Baryamubonabonesa, bamucure amacwate, baryammutera baryamwita; kandi arahimbuka bwanyima yebiro bisatu ³⁵ Kandi Yakobo na Yohaana, bene Zebedaayo, baamwiirira yeyi bamusaba bati: musomesa nitwenda otukworere ekiturakusabe kyona. ³⁶ Yaabagarukamu ati: nimwenda ngu mbakorere ki? ³⁷ Baamugarukamu bati: twikirize omwe asutame arubazu rwawe rwa buryo, nondizo aharwa bumoso omukitinisa kyawe ³⁸ yesu yabagarukamu ati: timuri kumanya ekimuri kusaba. nimubasa kunywa aha kikopo eki ndikunyeraho nari okubatizibwa okundibatizibwamu? ³⁹ Bamugarikamu bati: Ego, nitubaasa. Yesu yabagarukamu ati: Ekikopo eki ndi kuweraho nemwe murakinywaho; nokubatizibwa oku ndikubatizibwamu, muryakubatizibwamu. ⁴⁰ Kwonka okusitama arubazu wange rwa buryo narisi arubazu rwaburyo tinye nkakuhereza:kureka n'okwabo abakutekatekire ⁴¹ Kandi eikumi ku bakihurire baatandika kunyiga,banyigira kubi Yakobo na Yohana. ⁴² Yesu nikwo kubeeta akabagambira atii: nimumanya ngu abi abeetwa abategeki, babanyamahanga babategekesa obugomi n'bakuru baabo babaragiza obusoborozi ⁴³ Kwonka tikokiriba weena oryenda kuba omukuru omuri imwe asemerire kuba omuhereza wanyu. ⁴⁴ Oryenda kuba ow okubanza omurimwe asemerire kuba omuwuku wa boona. ⁴⁵ Abwokuba omu mazima omwana womuntu tarizire kuherezibwa, kureka okuhereza abandi,n’okuhayo amagara gewe okucungura bengi ⁴⁶ Kandi bakataha yeriko; ku yaabere narugga yeriko nabeegi bewe nomutwe gwa' abantu bengi, omusegi batimayo, mwene timayo, empumi akaba asitamire arubazu rwomuhanda. ⁴⁷ Ku yaahurre ngu arikwiza ni yesu owa Nazareti yatandika kuboroga niraka ruhango nagira ati; Yesu omwana wa Daudi ongirire embabazi. ⁴⁸ Kandi bingi bamuhunamisa ngu ayikize; we yagumizamu nagamba munonga ati: mwana wa Daudi, ongire ebambazi. ⁴⁹ Yesu yayemerera yamugira ati: nimumwete, bamweta bamugambira bati: humura yimuka nakweta. ⁵⁰ nawe yanaga omwendo gwewe yaimuka yaihiza owa Yesu ⁵¹ Yesu yamubuza ati: noyenda ngu nkukorereki? ogu omuseza yamugarukamu ati: Rabooni ninyenda ngu mpumukye. ⁵² Yesu yamwikiriza ati: genda okwikiriza kwawe nikwo kwakukiza esa’ezo yawumuka yamukuratira omumuhanda.