¹ Nyowe Paulo, embohe ya Yesu Kristo hamwe n'oweishemwe Timoseo, twakuhandiikira iwe Filimoni omukozi mugyenzi weitu omukundwa, ² na Apofia munya inyitwe , na Arakipo mugyenzi weitu, hamwe n'ekaniisa erikuteraniira omuka yaawe. ³ Embabazi n'obusigye kuruga ahari Ruhanga Taata itwe na Mukama Yesu Kristo biibe ahariimwe. ⁴ Buriijo nd'asiima Ruhanga kunda kwijuuka omu kushaaba kwangye , ⁵ ahakuba nk'ahuriira okukunda n'okwikiiriza oku oyiine omuri Mukama Yesu n'okworikukunda abasheimwe ⁶ ndakushabiira ngu oku-kwatanisa kwaawe nitwe omukwikiiriza kukwongyere okwetegyerereza kimwe buri kirungi kyona ekitwiine omuri Kristo . ⁷ Weisheimwe okukunda kwaawe kukanshemeza munoonga kandi kwangwiisa gye, aha bw'okuba okaruhuura emiitima y'abarikweera ⁸ N'ah'abwekyo, n'obundaabe nyine obumanzi bwona omuri Kristo kukuragiira eki oshemereire kukora, ⁹ kwonka ahabwa rukundo ,naayenda ngu nkw'eshengyereze ,nyowe Paulo ,omugurusi kandi hati embohe ahabwa Kristo Yesu. ¹⁰ Nd'akushaba ahabwa mutabaani wangye Onesima ou n'azariire omu kihome. ¹¹ kaare akaba ataari ow'omugasho ahariiwe konka hati n'owomugasho ahariiwe hamwe nanye. ¹² Namu kwoherereza nkowa kwoherereza omutiima rwangye buziima. ¹³ N'oberendenda ngu aguume nanye ,ngu ampereze omu mwanya gwaawe omu kubobwa kwangye aha bw'engyiri. ¹⁴ Kwonka tindenziire kukora ekintu kyona otanyikiriize kugira ngu otaakora ekirungi kyona ogyemirwe kureka oyekundiire. ¹⁵ Eshonga eya tumire yakwihwaho aha bw'omwanya mukye, nokugiira ngu yakugarurirwa ogume nawe ebiiro byona. ¹⁶ Atakyari om'uhuuku kureka orakiira omu huuku ,owishemwe omukundwa . N'omukundwa aharinye buziima kwonka kukiira munonga aha iriiwe nk'omuntu mugyenzi wangye kandi nk'owishemwe omuri Mukama. ¹⁷ Kandi kw'orabe oranyeta mugyenzi waawe, omwakiire nkoku wanyakiirire. ¹⁸ kuharabe hariho ekiyakushobeize ninga ekyori kumubanja ,abarinye w'abanja . ¹⁹ Nyowe Paulo niinye nakihandiika n'omukono rwangye. Ndyarishashuura ,ntaakubuuza ngu niiwe obingarurize! ²⁰ Fego, oweishemwe ngirira embabazi omuri Mukama ; ogwiiswegye omutiima rwangye omuri Kristo ²¹ Aha'bw'okuhama okunyine omukworooba kwaawe, ndikukuhandiikira ndahanya ngu oraza n'okukora okukira n'oku naakushaba. ²² Kandi nabwe ,ontebekanisize ekishengye kyokuraaramu, ah'abwokuba nyiine amasiiko ngu kurabiira mukunshabiira kwanyu ndaza kubagarurirwa. ²³ Epafura ,embohe mugyenzi wangye omuri Kristo Yesu ,yaabaramusa ²⁴ hamwe na Mako, Aristariiko, Deema na Luka abakozi bagyenzi baangye. ²⁵ Embabazi za Mukama weitu Yesu Kristo zigume n'emyoyo yaanyu . Amiina .