¹ Nyowe Yuda omuheereeza wa Yesu Kristo kandi murumuna wa Yakobo, ndabahandiikira abaayesirwe ,mukakundwa Ruhanga Taata kandi murindiirwe Yesu Kristo. ² Embabazi n'obusigye hamwe na rukundo bibakanyeho. ³ Abarakundwa, obu naabeire ndeehayo kubahandiikira aha kujunwa kweitu twena, nkabahandiikira kubahamya ku murwana mashaija ahabw'okwikiriza okwahiirwe rimwe abashemezibwe. ⁴ Ahakuba abamwe bakashensheramu omu kihama obwe baateirweho akamanyiso ku bari abokucwerwa orubanja .A bantu aba abatarimu obwaruhanga. ⁵ Mbwenu ndashaba kubeijusa ngu n'obu muraabe mwamanyireho omu bwijwire ku Mukama yaacungwire abantu kuruga omu nsi yo Misiri, ahaanyima akacwekyereza abatariikiriza, ⁶ na baamaraika abataarinzire myanya yaabo y'obushoboorozi, kureka bakasigaho obutaaho bwabo ,abarindiire omu mwirima n'enjegyera ezitabarugaho. ⁷ Ni nka Sodoma na Gomora nendembo ezi behinguririize abaayejumbiire omu bushsmbani hamwe n'okwentenga okutari kwobuhangwa. Bakoorekwa nk'ekyokureeberaho eky'abarahwerekyerezibwa omuriro ogutaraara, ⁸ kandi omu muringo nk'ogwe, baa baroosi bashiisha emibiri yaabo ,bagaya obutegyeki kandi bajuma ab'ebitiinisa. ⁹ Kwonka Mikaeli maraika omukuru ku yaatongeine na sitaane kandi yahakana nawe ahaby'omubiri gwa Musa,tiyaagumizamu kumucwera orubanja aramujuma kureka yaagira ati: Mukama akuhane. ¹⁰ Kureeka aba bantu bajuma kyona eki batareetegyereza . kandi ebi bareetegyereza omu nteekateeka yaabo etareebuuza nk'eyebikooko, nibyo bibamaraho. ¹¹ Baryakareeba! Ahabw'okuba batooriire omu muhanda gwa Kaini kandi baashemerererwa omu shobe za Balamu ez'okuronda ebishaangire.Bahwerekyereire nk'omu bugomi bwa Koora. ¹² Ni nkamabara geesherekire omu magyenyi gaanyu gokukundana. Ku bataaha amagyenyi gaanyu bateine shoni, baba nkabariisa b'entaama abeeriisa bonka, bari nkebicu ebitwarwa omuyaga haza biteine njura ,nk'emiti eteine bijuma ,ebifiire kabiri,ebicwibwe omu mizi! ¹³ Bari nk'emijumba y'omu nyanja erakorerwa omu kuhemuka ,kandi ni nk'enyonyoozi enzengyerezi ezarindiirwe omwirima mwingi ebiro byona. ¹⁴ Enoka ,owa mushanju kuruga ahari Adamu akabaraguraho ati! Reeba Mukama naija n'enkumi-n'ekumi z'abarikwera be, ¹⁵ naija kwomesereza abatari b'obwaruhanga emirimo ei bakozire omu butari obwaruhanga hamwe n'ebigambo byona ebigumire ebi abasiisi bamugambireho. ¹⁶ Breeetomboitwa, batonza barikukurata okwetenga kwabo okubi, baragamba munonga kurengutuka, obwe barahimbisa abandi ngu batunge enshaagi. ¹⁷ Kwonka imwe ,abarakundwa, mwijjuke ebigambo ebyagambirwe ira entumwa za Mukama waitu Yesu Kristo. ¹⁸ ziragira ziti; ''Omu bwire bwaha muheru nihiija kubaho abateezi b'enaku abaryakuratira ebyetengo byabo ebitari by'obwaruhanga. ¹⁹ Aba nibo barareeta kwebaganiisamu obwe bari ab'ensi. Kandi bateine Mwoyo Orikwera. ²⁰ Kwonka imwe abarakundwa , mweyombeke omu kwikiriza okushemiire kandi mushabire omu Mwoyo Orikwera. ²¹ Mwerinde omuri rukundo ya Ruhanga ,kandi mutegyerezed embabazi za Mukama waitu Yesu Kristo ezireeta amagara agatarihwaho. ²² Mugirire embabazi abarabanganisa , ²³ abandi mubajune murabashahura omu muriro, n'abandi mubagirire embabazi muratiina kandi mwange ekijwaro ekirofakaziibwe eshagama. ²⁴ Mbwenu ogwe orabaasa kubarinda kutagwa n'okubareetera kwemerera omu maisho g'ekitiinisa muteine kabara kandi mwine okushemererwa kwingi, ²⁵ Ruhanga ogwe wenka omujuni waitu omuri Yesu Kristo Mukama waituaheebwe ekitiinisa ky,obutegyeki, obushoboorozi ebi yaabaire aine ira ryona ,hati n'ebiro byona. Amiina.