¹ Munyo jotundo Bethfage, kamacegin gi Yerusalem, I wigot ma Oliv, to Yesu oro jofonjirok pere ario kadho yowiye gi wac me; ² “Kidhi win yowiy win loka ma koca ,aka mapiyo piyo, wilanwango punda motwey I loc, gi nyathimere. Gonyi win jo wikel ran. ³ Ka nyatoro openjo win, wari win rigo ni Rwoth ama yenyo jo; Go laweyo wikadhi mayot. ⁴ Gigipiny me je otimere ma miyo wac pa jatuci wac Were opongere ma waco ni: ⁵ Waci win ri nyar siyon ni “Neni kere perin bino bongin, ma mwol, munyo obedo wi punda kodi nyathimere. ⁶ Gikenyo jofonjirok jokadho to jo timo paka Yesu ooro jo. ⁷ Jokelo punda gi nyathiere to joketho kwonge nangin pajo aka jomiyo Yesu bedo wiye. ⁸ Lwak ji madwong jopedho nangin pajo iroyo kareno joman jo tongo jangi yen aka jopedho I royo. ⁹ Lwak ji m’oyido jowotho yowiyo Yesu , kodi m’ayido joluwo go cen jocako koko malo malo ka jowaco ni “ Ozana ri wod pa Daudi: ngata bino inyingi Rwoth jasilwany; ozana I polo. ¹⁰ Munyo Yesu odonjo itindi Yerusale ji jie jocako woy, kareno jopenjo ni “ me nga?” ¹¹ Lwak ji jodwoko ni me jatuc wac Were mawok Nazaret ma Galilaya. ¹² Yesu odonjo I ot pa were to riemo woko jom’oyido jo tana gigipiny kodi m’oyido jonyewo gigipiny I ot pa Were; ongilo woko mezin pa jom’oyido jo wilo pesa kodi kobere pa jo m’oyido jotana akurin. ¹³ To waco ri jo ni “ondiki ni “ Ot paran ila lwongo ni ot ma kwayo. To onyo pama wiloko ngungu pa jokwo. ¹⁴ Joma wang jo otho kodi jom’ongol jobino bonge ikalamo no to go botho jo. ¹⁵ Munyo odorin madongo kodi jondiko macik joneno giraura mago otimo, aka kareno nyithindho joko ikalamo no ni “ozana ri wod pa Daudi,” jomako nge tektek. ¹⁶ Jopenjo Yesu ni “I winjo gima nyithindho no jowaco? Go odwoko jo ni “ Kere fodi wikisoma ndiko ma waco ni “idhoki nyithindho kodi idhoki nyithindho madhoth am’oketh’ye pak ma kakare? ¹⁷ Gikenyo yesu oweyo jo to wok itindi no kareno como yu tindi ma Bethania to nindo korago. ¹⁸ Yawere ere odikini, munyo yesu ogiki I tindi oido go winjo kec. ¹⁹ Munyo go oneno kiti yath makuyu micamo ithengi royo, okidho I tiende to kunwango gim’onyak kwonge kwanyowoko boke kende. Gikenyo yesu owaco ri makuyu no ni “ik’odoko nyak gimoro wok konon ma piyo piyo to yath no ner woko. ²⁰ Munyo jofonjirok pere joneno, jodhier to penjo ni oner nedi mayot ama? ²¹ Yesu owaco ri jo ni “ adieri awaco ri win: ka wibedo gi yeyo aka wikiganagana, wikilatimo nyaka ngeri gim’otimere ri yath me kende to wibino nyalo waco ri got me ni ayi ka ibolere I nam to bende timo ameno. ²² Odoko gimoro je ma win’okway ka winigi yeyo, wibino nwango. ²³ Munyo Yesu odonjo ikalamo pa Were fonjo ji, odorin madongo kodi jotel pa ji jobino bonge to jopenjo ni, “inwango kune meni ma timo gigipiny me aka nga m’omiyin meni no? ²⁴ To yesu waco ri jo ni, “Akutho alapenjo win gimoro aciel ma kawinowaci ran, nyaka an bende alawaco riwin kamanwango iye meni matimo gigipiny me. ²⁵ Batisimo pa Yohana owok kune, ipolo kosa bongi ji? To jomiere rieko wegigin ka jowaco ni ka wano waci ni I polo go lapenjo ni to rango wikiyere kodi go? ²⁶ To bende ka wanowaci ni wok bongi ji, kenyo ji jonyalo kingunyangunya rupiri jotero Yohana paka nabi. ²⁷ Amomiyo jo dwoko yesu ni “wakuya” to yesu waco ri jo ni “ an abende akilawaco riwin kama anwangiye men matimo gine gigipiny me. ²⁸ To wiparo nedi? Nyatoro moido nitie gi yac ario okidho bongi wode marapena to orogo ni wokidhi wotiy I ndelo pere. ²⁹ Wode no kutho k’oyeyo to rumacien owiro paro to kidho tic. ³⁰ To ngato kidho bongi wode mar’ario waco rigo gimoro aciel no. wode no oyero rigo ni lakidho tic, to k’okidho. ³¹ Mene kwong yac ario no m’otimo mito pa bamere? Jodwoko yesu ni “wode mar’apena” gikenyo Yesu owaco ri jo ni “ adieri awaco ri win, jocoki musolo kodi malayin jo la telo donjo ri win I ker pa Were. ³² Yohana obino idier win I royo matiro to wikiyere kodi go. Jo coki musolo kodi malayin ama joyere kodi go, to win kiri munyo witieko neno ameno, wikiwire kada rumacien ni wiyere kodi go. ³³ Winji win kigana man: Nitye nyatoro m’opidho yen ma vin indelo pere to goyo ciel thoko ndelo no to cwogo kama ibiyo iye vin kodi ot acurcur ma kur. Go oketho jutic I ndelo no to kadho loka man I piny maber. ³⁴ Munyo hongo ma keco cegin tundo, go ooro ngecin pere kidho jolo ranyak m’owok I ndelo no. ³⁵ Jotic ma ndelo pere jo mako aciel kwong ngecin no to jugoyo, man to junelko aka man to jugoyo gi tellin. ³⁶ Ngato odok’oro ngecin man mathoth loyo mar’apena to jo jie jotic no jotio jo paka jotero ngecin mar’apena. ³⁷ Icowe mere ngato ooro wode won munyo paro ama, jotic pere jobino woro. ³⁸ To munyo joneno wode no gibor joriwo paro ka jowaco ni “ me a’musika , biye win waneki go aka ngeyi wa nyaga gir’alunjo pere. ³⁹ Gi kenyo jomako go, jobolo go woko ma ndelo no to joneko go. ⁴⁰ Onyo ka Rwoth ma ndelo no odwoko latimo ango ri jotic no? ⁴¹ Jodwoko yesu ni “la reyo areya woko jomareco no to ketho joman majogenere, ma jo nyalo miyo go gi nyak ma ndelo pere kis ka hongo makeco otundo. ⁴² Yesu openjo jo ni fodi wikisoma ndiko maleng ma waco ni tele majogeto jokwero ni ku kony am’o lokere tiend ot matek? Me obedo tim pa Rwoth aka neno maber swa ri wan. ⁴³ Ri ameno awaco riwin ilakwanyo woko ker pa Were kwong win t’imiyo ji meno ma la wodho ranyak paka ripere. ⁴⁴ Aka nyatoro jie m’opodhi kwonge la regere woko to lokore fukefuke. ⁴⁵ Munyo odorin madongo kodi jofarisayo jowinjo kiganin pere no joniang paka Yesu oido luwo kwong jo. ⁴⁶ Jome jowanya mako Yesu, to jolworo lwak ma joyeyo paka Yesu obedo nabi.