Pasal 8
Anak Domba Membuka Segel yang Ketujuh
1
Nepere Domba Yei mesisunabe tena segel te tuwusukuna sereine, setengah su poserene Wari dia ne butedunupuko.
2
Nepere, tiyare Mang Walri kena bekoune malaikat mesisunabe ye tipiyaye, nepere ne tena terompet mesisunabe te ikaimere.
3
Nekai, malaikat si meyowe nepere altar ne tipiyaye, pedupaan emas beiska te tapeyowe; nepere netena dupa dopere te yatekemere mekaina sa nembitere detero mero-mero kena a mendo ne altar emas burane ne takhta bekoune.
4
Nepere, ne dupa nipi, detero mero-mero kena a mendo nembei tere, malaikat kena me re burate naye Mang Wari ena bukoute.
5
Nekai, ne malaikat pedupaan te douku nepe altar burarena sing te aduku nepere da kera sero kote tindereyowe, warepa kurung eri-eri pere yatiyoune nepere a dareyowe.
TROMPET BEIRE YOWE TEROMPET KIRIMBEI TENA TE MAPIYAYE
6
Neperenakaye, mesi sunabe na malaikat terompet mesisunabe te tapiyayena te mapenainate.
7
Malaikat beitena nena terompet te mapeyowe, bi biringketerena meyowe nepere sing ye sa nenepere buruyaye, nepere da kera sero burate diriyowe wande da kera sero posimena sepertiga waroye kematiyaye nepere o na posimena sepertiga waro nepere sepo mukunamane kematiyaye.
8
Malaikat betena nena terompet te mapeyowe, wande sero mena sa sing ye sakomboko nau nerote tinderiyaye; nepere nau nero posimena sepertiga sa te dupuko,
9
wande marisa nau nerona posimena sepertiga nepere wari te nikiyayena teteyaye, nepere embere ei posmena sepertiga te baite besiyaye.
10
Malaikat naming tenanena terompet te mapiyowe, wnde meya dere mbei manorena a te dereke, obor tena mane sakombuko, nepere merewai pere bu berengka pere nena meya ye singkripuko.
11
Ne meya nena eudo Apsintus. Te sepertiga duwaipuko nepere nena bu te pete tere te mekaimbuko sate detero tereng dopere teteyaye.
12
Malaikat kirimbeina nena terompet te mapeyowe, wande su posimena sepertiga, oko posimena sepertiga, nepere meya posimena sepertiga te tante niyoumeng posimena sepertiga neko duyaye, neperedasye ya posimena neko duyaye nepere dene nero nemane deraiti.
13
Nekaye, de tiyare nepere betoyare awe duwari mbei nekambuko, a te mekoyowe, "Pekoterena, pekoterena, pekoterena tu te da keta sero ne nte niyoumeng posimena sepertiga neko duekaina ne malaikat naming nena terompet kurung nemeye mapipaina te mapinna tena."