Pasal 6
Anak Domba Membuka Segel Pertama sampai Keenam
1
Neplrena kaye, Domba Yei tiyanalre ne mesisuna beplrena segel simbei te tuwusuku, neplre makhluk kilrimbeinya simbei kena akulrung walrepatena mane betoyalre, “Mewe!”
2
Nakaye, de tiyalre kuda klru-klru mbeiska ne bulrana detelro nekeyowena pelra te tapeyowe nepelre mahkota te kyanelre, neplre ne oto te yowe klripote melroyomeng neplre poi kalro te yateyoumeng.
3
Nepelre, Domba Yei segel betenate tuwusuku, makhluk betena a klrung te betoyalre, “Mewe!”
4
Nakaye, kuda nimi-nimi sing peu tena mane, ne bulra ne nekeyowena detlro te delrepote kyainelre da yo bulra ne teme kalro te baite dowende, nepelre kilriyembe te detlro kena nelro ne sakombonde, note tutunaiye, neplre netena pedang de’lrete kyainelre.
5
Nepelre, Domba Yei segel klrimbeitenate tuwusuku, makhluk klrimbeitena a kulrung te betoyalre, “Mewe!” Nakaye, detiyalre kuda neko-neko simbei ne bulrane nekeyowena timbangan te mene tapeyowe.
6
Nepelre de betoyalre makhluk klrimbeinya nelrolre akulrung mane, “Gandum cupak mbeiska dinar mbeiskatena, neplre jelai cupak naming dinar mbeiskatena, ne kalrotena minyak neplre nena anggur tena pekotena mekoipainya!”
7
Nepelre, nemenakaye Domba Yei segel klrimbeitenate tuwusuku, makhluk klrimbeitena akulrung te betoyalre, “Mewe,!”
8
Nakaye detiyalre kuda simbei o kepei nisi nisi yangko yangko mena neplre nebulrane nekeyowena nena eudo neplre Hades nete takunelre. Nepelre, netena delrepo kiyainelrena da yo bulra walro klrimbeite wesaipekona walro simbeina, metekaye note tutiyaye, moning kalrote, saye mekoyaime neplre dayobulrana malrisa selraina balrekaimelre.
9
Nemena kaye Domba Yei segel mesina te tuwusuku, de tiyalre altar kelrena Mang Walri kena a walri tante nepelre nenei tlreplre nate noutlelre titawaipekonate baitetutiyayena slrai kena eunulru.
10
Nalrate seyaiye, “Modaite, Tuhan melro eine nepelre tlreplrena, wei eutetitawupuke neplre wena delreta dena satena mbeite diyobulrana yo nekaiyena bulrate kilrimuponde?”
11
Nepelre, ne eu nulru nikiyaiyenate jubah kulru kulru te ne kiyaiyena yune yate kaimelre nepelre nete sani yaimeng sibetepelre note yanaiye, manimba nena yauyauna tena mane nepelre nenado keka milrekeka te baitenetena mane tutunaiye neiyeko sasikaina slrei ne nou lre mekom bonde.
12
Nepelre, detiyalre Domba Yei segel mesisunambei plre tenate tuwusuku, kaniyetupuyowe, suye mayong nekoneko nyuwa lre mekaimbekonamane dupuko neplre okoye mukunamane samanedupuku.
13
Nepelre, manone meya dayo bulrate elre neyounengarah note alru ye helrowe tupunung nena ma, nimbana eu kolru kolru ye ate elre nunung na mane.
14
Nepelre, matehakuko semokepei tenamane dulrunsuku, nepelre serotepaiyena kepounekaiyena nenei neulre nousite yaiye.
15
Nekaye, da yobulrane belrengka belrengka, nepelre nenei euseinya, nepelre suna, nepelre same lranayo nepelra nenei delre bulrane nekaiyenayo, detro kena akelrene kembalrite mekaiyenayo selrai, nepelre nemei yepapuko wetroyenayo nenei eute di olrubulrute nepelre serone olru kai kai yenenalri yaiye.
16
Ne serote nepelre olru kelra te saniyaimeng, “Elrenemembe dete pelrembe nepelre dete yene nalremembe di keplre engkeng bulrane nekewena nena bekoulre, nepelre Domba Yei kena ase kalrolre!
17
Nepelrena, yadelre nete pekotena nepemeyowe nenatena singme noune alrmambonde?”