Pasal 5
Gulungan Kitab dan Anak Domba
1
Nepelrena detiyarena Nena metere mesuna Neburadane Ongkike neke tahta, semo bemona ne semone meroyaine esu plre basu plre. Mesi sibe plre laiti segelte mekai peko.
2
Nepelre na detiyarena malaikat simbei arate nepe seyowe armatere, "Simiwe semo menate baite oto benate nepelre na segel-segel plre?"
3
Nepelre na detero simena sorgana bumina nepelre na ana bumina nesemo esuna tena doutipai.
4
Nakai de nepe dimite nepe detero simena nesemotena duaripai Nepelrena. Semo esutena doutipai.
5
Detelro dasina simbei lati dete sanute, "Dimitena dimipainya! Tewe Yehuda kena seraina singa, nepelre Daud douke seraina, nepe menang te nepe doukaye nesemote nepelre na misi sibe segel lati."
6
Marisa kirimbei kena nerone detiryana detero dasina kena nerone Domba Yei simbei tepeyowe nepe baite ketaipekona mane nena tanduk mesi sibeplre, nepelre na nena dou mesi sibe plre laiti. Allah kena Roh mesi sibe plre lati da bumi te tiyeikuko.
7
Domba Yei nepe meyowe semo kepei bomenate meyere besunate nepelre nou yarene nekeyounate.
8
Domba yei nepe semo kepei bemona te baite douku nepelre na marisa kirimbei nepelre na dasina dombei kirimbei plre, Domba Yei yengkengte dusaiye bei bei kecapite tapyaye. Nepelre na cawan emas ne eina kemenyan kemepuko terepere detero kena mendo.
9
Dimi semo manipanate ne dimiyaye nena da a damane, "We dimisemo damone we dimi semo beminate douwe. Sate baite tombonde, Wete ketaipeko wena suwarore meterena seraina detelro te peu Allah kena eimone.
10
Wenete kerajaan beite, eu mekopuke Allah tena imam-imam metere na bumi ne ate tapeneye."
11
Nepelre na detiyarena, betoyarena akurung malaikat tereng burune antunaikeko marisa kirimbei kena diyane nepelre na detero dasi meterena teren dopere,
12
ate armatere, "Nepe seyowe nebepe Domba Yei baite ketaipona detete lati nepelre kekayaan, hikmat meterena derepo, nepelre kekuatan, nepelre hormat, nepelre kemuliaan, dan pujian."
13
Nepelre na betoyarena marisa sorgana plre bumina plre ana bumina nau eina meterena ate daibeko nou yarene nekewena do tenate, nepelre na Domba Yei meterena derepo ne tenonde mende.
14
Marisa ate mekaipeko terepere, meterena detwro, "Dasina poy!" Ate nepe sujud nepelre saneyaine.