Pasal 10
Malaikat dan Gulungan Kitab Kecil
1
Nepelre, de dou te teyalre, malaikat besika wake doplrena surga lre ate meyowe, mayo titpukona wau nepelre kinawai nena blrengka bulrana nekeyowe; nepelre nena be sutenamane, nena oto sing notenamane.
2
Ne malaikat semo buso nuwei bulransikinate mene tapeyowe. Nepelre, ne oto milrimesunate naune yoku wande oto metlremesunate dalri na yoku,
3
nepelre a'te alrematelre seyowe singa kena a'nulru tena mane mekoyowe, nepelre ne ate sepukonakaye, mesisuna beplrena walrepa nena a'te beteipeko.
4
Nepelre, mesisunabeplrena walrepa nena ate nepe mekaipeko, de semo te nepe melroupukalrnakaye surga rena amekoupekonate betayalre, "Selraimbeite mesisunabepelrena, nena a elriyayenate nena! A'mekaipekomeyounatena melroipanya!"
5
Neplrenakaye, demblre tumbukalrna malaikat si seinasune tepeyowe, si dalrisuna tepeyowe, milrimesute bulrate man no tepeyowe,
6
nepelre, a'yeko te sasuku, Walri senate nekende mende, nepelre Mang plre nenei sasasi mukunamane mekeyowena, a'yeko te sasuku, sasasi metlrenamane nepetemekopeko simena kasombai,
7
malaikat mesisunabeplrena selrei'ne, ne ne selrei ne nena terompet te mapendenatena, ALLAH kena a'tung te nepe noute-noute mekoyowe, dinapolrna nena ototounate sangkemelremeyowe.
8
Neplrenakaye, wam’mena surgarena a betopukarena nekoutelati dete saniyaite, "E'wenakaye semo dulrunane tapiyanate nena melrenate baite yatuponde."
9
Neplrenakaye, de nepe yalrekaye ne semote nepe diyiyapalre. Nepe yatekeitelre ne malaikat dete saneyoutu. "Da semo te douwe e'mblru ne anuponde, e'slre e'inye tuwanulrena pe'te-pe'te mane, e'mbulru e'ine tuwanulrena madu kena bu mane."
10
Nemnakaye, de semo te yatupukalre nepe e'mblrune aniyalre, dena e'mblrune tuwayanalrena pe'te-pe'te mane.
11
Neplrenakaye, ne dete saniyoutu, "We welra a'sna te e'lrembe, detelro tlrengkena nelrone, nepelre de'lre-de'lre kena nelrone, metlrena peu.”