Pasal 9
Ibadah dalam Perjanjian Lama
1
Nepelrena memetena oiyeko, nemane delrati koplri-kpolri ayekote deyaiye neplrena nou mlro-mlro da mankra manslrone ne.
2
Netenate Allah kena nou te delrati mekombe diana. Meyaina pelita sing neplrena piyeu bete, ne nou mou mlro-mlro.
3
Metosuna Nou betenekewena nenou nou mlro-mlro,
4
Nenou pelro perna, nou emas rle mekaibeko neplrena kobu ayeko plrena metelrena ye emas ne mekaibeko. Nekobu eine kendi beiska emas rlre mekaibeko. Ne eine sate duawpeko, Harun kena kate soplre barpeko, neplrena lempeng olru be, ayeko pelrena.
5
Nebulrana, kerub beselrei, delre netepelruntuku Pendamaian maudaslrei mewenape e na atena poy na elripoi.
6
Metlre na te poy, pendarmaponde imam selri memetena noute esute naiye, na pelre eilre poytlre, Mai Allah te poy tlre kapenainlre.
7
Imam delre mote sanenaibonde ende, esute bete na noute nepelre ne, nena nekewena mai beiska beimo; sate Mai Allah klronainlre teyatenai nlre nei eu beitenate, neplrena metelrena detlro kena peko mekoyaina.
8
Alru Mlro-Mlro ete sane you mena, nipi deko Mlro-Mlro eu tena. Tu is pai nemeye, neplre na deko Mlro-Mlro nemeye,
9
nena nekewen da sleitena yamewena. Neplrena metlrena, korban yatenaimerna. Klronai mena, nena poy tena ambai. Yambu delro kopi-kopi te tepaina,
10
nena bekaimena, emblru sa, bu, sukiyaina, da eutenate, nena mendena, Yai poi Mende.
Ibadah dalam Perjanjian yang Baru
11
Neplrena Kristus Imam delre mane meudena yeko-yeko poy mendena, ne nou Mlro-Mlro esute ende. Neplrena delre neplrena Mlro-Mlro, nena, nekewena detlro yeikena mena mekoypai neplrena mena kembalri ambai.
12
Da besika nou Mlro-Mlro eite ende. Meplrena nesna mote, ne mendena kambing seklro kena sa neplrena sapi yei kena sa, ne mendena nena eu sa te due demende neplrena Walri suate doude.
13
Neplrena sku-skutena sapi seklro kambing seklro. Nepelrena sapi milre tena tipai. Detelro peko kote sukunem mlre, metlrena eukani pote.
14
Nepelrena Kristus kena eusa netenate Alru mlro-mlro, ne senamote nene eute korban mane kimelre neplrena peko mena ambai, Allah suku nemlre wei kena deko ne, neplre kembalri peko nakaiye we Allah te di ki nembombe.
15
Netenate Kristus nipite botuku manimbana Ayeko ne Allah simimipekona, Walri sna sanembukona tete nepetekri peko, ne metlrenate ne peko blru lre. Memetena ayeko ne mekoyaina.
16
Walri semo nekendena, netenate tete ekenewe. Nemblre mekobukona.
17
Ne Walri semo tapnaina, ne detelro mekobukona ditenepe tete puko, ne semotena poyna tapipay neplrena ne detelro mekobukona, Walrite nemenekendena .
18
Netenate ayeko memetena sa tena korban tena mekoipai.
19
Netenate te Musa Ayeko Taurat nate metlrena Israel te saneyoume, sapi yei sa plre kambing plre, nena te bu ye blrumbeko. Na kaiye mayon wol nimi-nimi ne hisop opo ne, Taurat semo ne supeko, neplrena metlrena detlro kenane
20
na kai saneyoume, Da ayeko perna sa Allah saneyoumena, nenate poy mekambe."
21
Neyeko mane, Musa laiti senan palre te suypumu neplrena metelrena sa tapiyai na, ibadah sa blrune.
22
Taurat na yeko nekewena, metlrena sa sa Eine suku naiye. Neplrena sa tena dlripainya....................................................
YESUS KRISTUS NEKEWENA DOSA TE SUMBONDE
23
Netenate, metlrena yeko-yeko sorgano da yeko tlrene sukunaiye. Metlrena sa sorga eine, korban poi eine lai sukunaiye.
24
Kristus nou Mlro-Mlro yei tena da detlro yei kena mene mekoyaina. Neplrena mesemona netenate nembeimo sorga te ende da slreitena Allah kena bukoune, emetlre nate.
25
Kristus nenei eutena ne tlru-tlru na yatipai, imam delre mekaina mane mai-mai ne nou Mlro-Mlro eiten nesa yatekai yaina nena sa ambai.
26
Neplrena kaiye, Kristus sate nemnamote tuanelre da mankrate mekoyounane, Kristus nenei Eute da beimo klripuko neplrena ne sna-snamote da slrei tena dosa te sumbonde nena eibeimote ne krombonde.
27
Detlro yei tete yeko te sanai sina dabeimo neplrena a diane ende tepende,
28
Kristus nemane laiti, nenei Eute dabeimo iki melre, metlrena peko te ertuku, da bete mendena peko tena ertipai detlro nete taina bulrate Walri te doudemende.