¹ Ove pae upopia tcheinha tchavioka notchizhilika. ² Ovazhiu ovanene veno olho kuhetekua, okuila ovahumbue, kulivinga koyoholo, okuka nawa kekolelo, kotchihando nokokukakako. ³ Ovakai ovanene, ngotchikuvo veno olho kuka vafuifhapo, ahamavaile owokunamikila ovakuawo no ovapika wowalende. Veno olho okulengefha tcheinha eli otchiwa, ⁴ okuningea okutia vakuatefheko ovakai ovitunda okuila ovatakamifhi kokututa kuawo kokuhanda ovazhiu vavo muni noyonde vawo, ⁵ vatute nawa, okuila ovakai ovamuni wondjuwo ya nokutea kovazhiu vawo, okuningea okutia ondaka ya Huku opo haningua tcheinha helitcho. ⁶ Nongotchikuwo, kolefheni ovazhanthu vaviuke. ⁷ Kovipuka viatcho avihe, livikifha ngomphanphe vio vininga oviwa; kokulongefha, vilikifha okufhuapo okuviuka, ⁸ popia oyonda zhatua enphi hamazhitendua, opokutalalekua avehe ombenha mavalolo okukupinphilika, hamavaningi tchi nge mavapopi otchivi kotue. ⁹ Ovapika apehe taveleni kovatumini veni, okuvelemuifha apehe, ya hamutatama; ¹⁰ hamuvaka, ya vilikifhe okutia muvafuifhipo ovawa, okutia muhumbe apehe kotchizhilika tcha Huku, Omuyowoli wetu. ¹¹ Mokonda otchali tcha Huku tchelivilikifha keyovo lhovazhiu vatcho avehe, ¹² ya itulongefha okulovola ovineya noyoholo zhouye, tukae tuaviuka nenkhenda kotchizho tchapahe, ¹³ okukevelela ekevelo epopiwa nawa ya nokumunika koumbala owa Huku yetu omunene Omuyowoli, Yesu Clistu. ¹⁴ Engu eliandjea muni kotue,afhite otchikonda etuyowole kovivi ya etviukifhe Kue muni, ombunga inhembe pe Kue vafue kovingina oviwa. ¹⁵ Longefha ovipuka embio, yalela noyonkhono zhatcho azhihe. Ya hakuningi ingu mekutoyo.