¹ Paulu omutalavai wa Huku omulongua wa Yesu Clistu, okunhemba kekolelo ovahopua va Huku ya nokuiwa kuatchatchili okunhemba konkhenda, ² nokeomiiko womunhu oumbo haupo ombo Huku engu hakembe apanga nkhe hakuyeya otchizho tchokuhapua. ³ Ya kotchizho tchonkhunga, É wapopia Ondaka Yae, pokati kokupopia oyondaka, tcho tchayekuelua ngotchizhilika tcha Huku, omuyowoli wetu. ⁴ Titu, onde yetu owatchatchili kekolelo lhetupamu. Otchali nombembua ya Huku Tate, na Yesu Clistu Omuyowoli vetu. ⁵ Kakapo mokeleta, opo oviukifhe nawa ovipuka viakambefha, ya upakeko ovatuita mokanda tchilongo, ngatchi mbekutumina. ⁶ Omutuita uno lho kupuva ombugo, okuila omuzhiu wo mukai umu pe noyonde avalechali, ahamavaile owokuhungua ngovapengefhi nokukola oyombungo. ⁷ Tchahanda okutia ombichipo, aka ngomutalavai wa Huku, okupuva ombungo. É nge haningi unene oluyuma nokuyumana kuimbi havi kolele, ne okunua unene owalende, ne oundjangalali ne okuninga emuna enene. ⁸ Putcho, uno olho kufhuapo kokuila efhikilo lhovanthu, okuninga onkhenda, uno lho kuninga tcheinha tchaviuka, uno olho kufhupo nouhunga ya nokufuapo kuimbi aninga. ⁹ É uno olho okuviuka nelongefho lho ndaka, opo aviuke ape oyonkhono nekolelo ko vizhilika vioMphepo nokungulula ombenha venoyomphata. ¹⁰ Pae kuno vengi omba havate unene ovokuhita moviyumbo, omba vakelenga ya vaendekea ovanthu ku heliko, ya oyondaka zhawo hazhichiliviye; ¹¹ owokutchaelua, owo valongefha tcheinha havatokale okulongefha, vaifhepo oviwa koviokutalaleka, okutungulula omuhoko auhe. ¹² Omutuminua umu kuwo watia: oyokeleche ovakembi, ovinhama ovivi ya ovipiliku, mayumu ovimonha. ¹³ Omalaka ongo otchatchili, veyaleleni okutia muapengefha opo vaviuke kekolelo. ¹⁴ Humutalukua nomatutu Oyovachundaiku, ne kovizhilika vio vazhiu omba velifha kotchatchili. ¹⁵ Kombenha vafhuapo, atchihe tchafuapo, ya kombenha havafuepo havatavele, kakuna tchi tchafuapo, mokonda hinde noyondunge zhawo nomitue viawo vinoukola. ¹⁶ Owo vapopia okuiva Huku, ya Vemunhona novituwo viavo. Owo vatatama ya kavatavele ya velilikifha okuhachiliviya kovinga oviwa.