¹ putcho ove utupu omavelelo, engu ukuyefha; mokonda, putcheinha ukoyefha omukueni, uliungukifha lumu polue muni. ² Mokonda ove, ingu ukuyefha, ovipukayiatcho naowe uvininga. Pae otue tutchi okutia okukeyefha kua Huku okuatchatchili kuombenha vaninga ovipukaviatcho embio. ³ Ya pae tchinongonuka tcho: kutia ove, okuyefha ombenha vaninga ovipuka viatcho embio, nkhe naonue ovio muninga, ongapi mamukahupa kokukeyefhua kua Huku? ⁴ Ó pamu mutoya oulombe vonkhenda Yae, nokuhuma kuae ya nombili yae, okuhetchiva okutia oholo Yae oyo maikuendeke kokulivela? ⁵ Mokonda yokukola nokukambefha okulivela kombungo yoe, muongezha muowe muni oluyuma, motchitenha tchokuvilikifha okukoyefhua kukuafuapo okua Huku. ⁶ É kanda munthu mekemuhetekea pua patue ovituwo viae: ⁷ ombenha vakakako nokuninga ovipuka oviwa, vaeta ouhamba, nokuhumba kuhakelengua, É mewepa omunhu ombo haupu. ⁸ Ya makukeya okukoyefhua novineya okuaombenha vachuka pé natcheinha tchiveninga nawa, omba havatavele otchatchili, ya vatavela kokuhafuifhapo. ⁹ Huku makaeta ohali ya nokulueya kominhu viatcho avihe imbi vianinga ovivi, poupe okoyochundeu ya nokoyongeleko. ¹⁰ Ya oumbala, okuhumba ya nombembua mavikeya kuombenha avehe vaninga otchiwa, koyochundeu nokoyongeleko. ¹¹ Mokonda ku Huku kakuna okapungulula, ¹² mokonda avehe ombenha vaninga ovivi havena ovitumuno navo mavataka havena ovitumino, ya avehe ombenha vaninga ovivi movitumino mavakakoyefhua movitumino. ¹³ Mokonda haombenha pe vatelela ovitumino vafuapo ku Huku, naombenha vaningi vovitumino mavakafuifhifhuapo. ¹⁴ Mokonda, pae ovipunde, imbi havina ovitumino, ovipuka veviningia kouye viovitumino, ovo ovoveli ovitumino viawo muni, ovolho havena ovitumino. ¹⁵ Ovo vavilikifha okutia ovipuka imbinha viapopiwa movitumino viahonikua moyombungo zhawo. Oyondunge zhawo nazho zhininga oumbangi nawo, yanokututa kuawo muni tchitia akuvenakile pe akuvehulula . ¹⁶ Tcho matchikaningua motchetenha tchi Huku mekeya okukeyefha ovituwo vio vanthu vatcho avehe, okuendekea mondaka yange, mokonda ya Yesu Clitu. ¹⁷ Pae, ove okutia ulifhana polue muni okutia chundeu ya oyeukua movitumno, ulemuako unene Huku, ¹⁸ ya uí oholo Yae, utavela okutia yavalela, mokonda valongefhua novitumino, ¹⁹ ya okutia watea nawa okutia ove umuhandaiki vovapotchui, ya kuombenha vemetuiki otchitemee, ²⁰ omuviukifhi umu waombenha venokatombo, nomulongefhi waombenha havetchi, ya unovitumino otcho okuiva notchatchatchili, po ongapi tcho matchika motchituwo tchoe pua ukalela? ²¹ Ove engu ulongefha ovakuemee, ulilongefha ove muni? Ove engu ulongefha okutia hamuvaka, uvaka? ²² Ove engu utia hamula naomba vakupua, ove ula naomba vakupua? Ove engu huhanda oyinthululu, uvakea oyongelecha? ²³ Ove engu walemua movitumino, kuhumbe Huku mokonda yovivi oyovitumino? ²⁴ Pae ngatchi tchohonikua: Ena lha Huku kalihumbue pokati kovipunde mokonda yaonue. ²⁵ Mokonda okuhita moviyumbo, otchatchili, tchikuninga navi, pua watavele motchitumino; ngohotavele motchitumino, okuhita kuoe movimbo kulilifha ukahahita moviyumbo. ²⁶ Pua pae, engu heyahita moviyumbo aholeka ovhituwo viotumino, okuhahita kuae moviyumbo nge kakukapakuako ngaingu ahita moviyumbo? ²⁷ Ya pae engu heyahita moviyumbo, ngaholeke ovitumino, kavikekungula, nokovihonikua nokuhita moviyumbo, umupengefhe wovitumino! ²⁸ mokonda hachundeu pe eli owokokuti; haingu pe ahita moviyumbo eli owokokuti yonhama. ²⁹ Ya ochundeu ingu ahulifha, ya na ingu ahita moviyumbo otcho kombungo ko Mphepo, hakuiva oyihonikua. okulikuambela komunthu watcho kakulu kovazhiu, kulua ku Huku.