¹ Vango vange, oholo yokombungo yange noyatchi ndjikumba ku Huku otchali kuwo okutia vayowolue. ² Pae ami ndjimbangi yawo oyokutia owo veno ombili ku Huku, ya hamounongo wokuiva. ³ Pae, okuheiva ouhunga wa Huku, okuchuka nokupakako ouhunga wawo muni, ahamavahumbu ouhunga wa Huku. ⁴ Pae Clistu otchilikifha tchotchitumino kouhunga kuombenha avehe vatavela. ⁵ Mokonda Moichechi uhonika ouhunga wokutuka kotchitumino okutia: Omuzhiu ingu aninga tchi tchipouhunga tchi tchakutuka kotchitumino makakamo mouhunga watcho ombo. ⁶ Ya pae ouhunga wokulua kekolelo utia: Mombungo yoe nge hotia: Oiwa nge makalonda keulu?(tcho otchi, okueta Clistu kohi); ⁷ pamu nokutia oiwa nge makapunda té memutoto enene endi lhahita pohi?( tcho otchi, okukulamifha Clistu kuombenha vatchua). ⁸ Ya tchitchi tchi apopia? Ondaka iponthe yoe, kotchinhu tchoe nokombungo yoe. endjo ondaka yekolelo endji otue tuapopia. ⁹ Pae, motchinhu tchoe ngopopi Yesu nga Tate kulu, ya otavele mombungo yoe okutia Huku Wemututilifha kuombenha watchua, Mukayowolua. ¹⁰ Mokonda tchitavelua nombungo pouhunga, ya tchipopiawa notchinhu keyowo . ¹¹ Pae ovihonikua viatia: Avehe ombemha vatavela Kue nge kavakatalalekua. ¹² Pae pokatikawo okutia noyochundeu noyongeleko kapena okulitoya; mokondaTate Kulu ééli Tate Kulu yomihoko viatcho avihe É uvekuatea pamu avehe ombenha vemuifhana. ¹³ Mokonda ombenha avehe omba mavaifhana Ena lha Tate Kulu makayowolua. ¹⁴ Ongapi nge mavakaifha inguinha ku nkhu havemutavelele? Ya ongapi nge mavakatavela ku Inguinha havemutele mapopiwa? Ya ongapi nge mavekemutea hakuna ingu mevehele? ¹⁵ Ya ongapi nge mavakapopia, havatuminue? Ngatchi tchahonikua: Otchiwa oyomphazhi zhaombenha vapopia ondaka ombua! ¹⁶ Ya hawo avehe vatavela ondaka. Pae Ichaiya watia: Tate kulu, oiwa atavela kondaka yetu? ¹⁷ Pae ekolelo lia kokutelela, ya okutelela kuetua kondaka ya Clistu. ¹⁸ Ya ami ndjipula okutia: owo kavatele? inga otchatchili. Okuñuñata kuawo kuawayala notchilongo tchatcho atchihe, ya oyondaka zhawo zhefhika té kefhinino lhouye. ¹⁹ Nkhe vali, mipula: Ichilae nkhu kaitchi? Poupe, Moichechi vatia: Ami mikemupaka efhipa putcheinha onue hamuli owotchilongo tchimu; pokakati kotchilongo tchi hamakulitewa, Ami mikemupaka oluyuma. ²⁰ Ya Ichaiya okukoleka watia: Ami mbakavafhue naombenha nkhu havandjeve. Mbamunika kuombenha nkhu Havamphula. ²¹ Pae ku Ichilaeli, É watia: Omatango atcho aehe Ami mbaikula omawoko ange kovanthu vamu havatale vatatama.