¹ Paulu, omutalavai wa Yesu Clistu, Huku wandjifhana ndjile omulongua, ya wamphangula ndjihele ovanthu ondaka Yae. ² Huku vayeka onkhanu kovanthu vae, okutia É mekevekaleka nawa Koumbala Wae. É wahela ovatuminua vahonike oyonkhanu iñbho Movihonikua. ³ Pae Kondeyae, ingu alua mokutatama Kua Ndiaviti okunhemba kolutu. ⁴ Okututila kuomba vatchua, É emutefha ngo ndeya Huku ovoyonkhono Komphepo endji yafhuapo, Yesu Clistu, Tate Kulu Yetu. ⁵ Mokonda Yae, otue tutambula oholo ya nounongo opo tutavela nekolelo nowo kouye vhatcho auhe mokonda lhena lhae. ⁶ Kowo kouye, naonue muvaifhanua opó munhemba kuYesu Clistu. ⁷ Amuhe onue, avandua wa Huku omba mukolama, ya omba muaifhanuá kokufhuapo: oholo no mbembua oyokotchivei tcha Huku, Tate yetu, nowa Yesu Clistu. ⁸ Poupe, mbapandula Huku yange, mokonda yaYesu Clistu, kounue amuhe, mokonda ekolelo lheni lipopiwa ouye watcho auhe. ⁹ Mokonda Huku engu ndjitalavayela komphepo yange Mondaka yo Ndeyae, ombangi yange oyatchi nokutuatuako ndjitumbuliá onue. ¹⁰ momalikuambelo ange, okukumba okutia, putchimu koholo yaHuku, ami kutchizhila okupindula onue. ¹¹ Mokonda mbahanda kumuna onue, tuhepule naonue oholo imu oyomphepo, opo muile avanankhono, ¹² tcho okutia, mulikuatefheko, mokonda lhe kekolelo olho kanda munthu, olheni ya nolhange. ¹³ Ya vangu, hihandele, muombe hamutchi, omakando mengi mbelinekala okuenda okukapindula onue ( pae té pahe mbatchailua), kokuhanda okutchizhila ponue ovanthu, ngatchi nakombenha ovipunde. ¹⁴ Ami tcho otchiho tchange koyongeleku nokovokokuti, kovanongo nakombenha havachukile. ¹⁵ Putcho, kuami, mbafuifhapo ndji popie ondaka nakonue omba mukoloma. ¹⁶ Mokonda ami ndjiomeekako okuhulifha kondaka ombua, mokonda tcho oyonkhono zha Huku ozho koyowola iñgua atavela, poupe okoyochundeu tchalapo okoyongeleko. ¹⁷ Mokonda Muyo okufuifhapo kua Huku kumunikililiamu, mekolelo nekolelo, ngatchi tchahonikua: Omufuifhipo ukakako nekolelo. ¹⁸ Mokonda oluyuma lua Huku luaholokea keulu, ovipimphilika avhihe yokuhaninga onkhenda ya nokuhafuifhapo kuombenha vatchaela otchatchili motchikonda tcho kuhafuifhapo, ¹⁹ mokonda tchi tchiwe pamu naHuku tchevenhanamina, mokonda Huku kanda munthu umuvilikifha tcheinha É akala. ²⁰ Mokonda pua otue tuatala kounene wo vininga via Huku kouye, otue tufhimbika okuifhapo tchi Huku akala, ya ovipuka via Huku vimuninga okuila Huku, putcho ovanthu omba nge hapala kavatie katutchi. ²¹ Ovolho, nkhungavetchiva otcha Huku, ahamavemupakako nga Huku, ahama vemupandula. putcho, velilifha oviumba kokututa kuawo, ya velilifha ovitata oviokuhaifhapo tcheinha Huku nkhu ahanda vetchive. ²² Okulihivila okutia tuvanongo, nani velilifha oviova. ²³ Ovo vakumanifha oumbala wa Huku ingu nge hamatchui, avahulu kokulikuambelea ovinthululu imbi nge mavitchui viafhefha kovizhila, noyonhuka, koyongombe. ²⁴ Mokonda yatcho, Huku wevepa oholo zho koyombungo zhawo ovivi viokulilapo, opó vawanamike omalutuawo, ²⁵ mokonda vakumanifha otchatchili ya Huku netutu, okulikuambela nokutalavayea ovinthululu motchikonda tcha Huku engo eli omupopiwa nawa okukakako. Amém. ²⁶ mokonda yatcho, Huku wevepa oholo yonthalalo, mokonda, novakai vawo vafhimbika okuninga oumbalefhe mondjila enha Huku hahandele, ²⁷ novazhiu avalowola oholo youmbalefhe novakai ya valole oumbalefhe pouzhiu nouzhiu umbu wakola tchi hatchiningua ya Huku weveungula nouvela komalutu owo kokuila otchituwo tchivi. ²⁸ Ya pae mokonda yatchi vatoya okuíva kua Huku, omumuni vatcho Huku wevepa okututa hakuchiliviyile, vaninge ovipuka helivio. ³⁰ Veyula onkhanu yatcho aihe oyokuhafuifhapo, olho mapimphilika, olhemuna ya nokuombea motchivi, veyula emuna, okuleka, omphata, okukelenga ya nokututa okuvi; ³¹ veno olumbue, vanamikila, ovita via Huku, oyomalandulu, vapanda ovituhi, okulipakea popawa, ovavali vio vipuka ovivi, okuhatea kuowohé. ²⁹ vetupu oyondunge, ovapengefhi, kavena oluembia ya kavena otchihando. ³² Ovo vei okungula kua Huku, okutia ombenha vaninga ovipuka viatcho imbio vatokala okutchua; kavetchiningi pe, nawo vavilikifha ombenha vetchininga.