¹ Paulu onkhuatua wa Yesu Clistu, nomuango wa Timotio, Filemom, epanga lhetu omuhandua nokuendea pamu kovininga, ² ya nomuhametu Afia, Alikipu, epangalhetu efualali ya nongelecha yeliongezhea kondjuwo yoe. ³ Otchali nombembua ya Huku, Tate yetu, naya Tate Kulu yetu Yesu Clistu konue amuhe. ⁴ Apehe ndjipandula ku Huku yange, okukunongonoka komalikuambelo ange. ⁵ Ndjikutea unotchihando nekolelo ku Yesu Clistu nokovafuifhipo avehe. ⁶ Ami ndjilikuambeleako ove opo ekolelo lhoe lizhike kokuiva ovipuka viatcho avihe embivinotue na Clistu. ⁷ Mokonda yotchihando tchoe, muangu wange ndjiningeako ehambu enene nokuhiliya, mokonda ombungo yo mufuifhipo, mokonde yoe iyomba halemua. ⁸ Putcho, owolho ami ndjineyowo lhatcho alihe ku Clistu olhokutumina techeiha nge muningi, ⁹ mena lhotchihando ohevali okutchivazha; ami Paulu, umuzhiu umu mbakulupa, ya pahe onkhuatua mokonda ya Yesu Clistu. ¹⁰ Ami mikumbo kowe kotchali tcho ndeyange Onechimu, engu mbaeta tchi nkhu ndjimokaleya. ¹¹ Pae poupe é kove nkhu kachiliviye; ya pahe waliviya, kove nakumi. ¹² Ami nkhe mimutumu ali kove é eli ombunga yange muni. ¹³ Ami nge mbemuhandele okuka nami, opo ahanphopile, kotchivei tchoe, nkhe ndjili onkhuatua mokonda yondaka. ¹⁴ Pae, nkhu hihande okutchininga ove hutchi, opo oholo yoe haile kovipiliku, tchile otchoholo yoe. ¹⁵ Mokonda pamu otcho tchemukaleka kokula nave pomala omafhupi, mbazhi ukakaekae lumu nae, ¹⁶ ahamaka ngomupika; ya alondoko vali, omuangu omuhandua omuvaleli wange ya nowoe, konha ku Tate Hulu. ¹⁷ Pae, okutia ove wanphakea koupanga, mutambula ngaingo munthambula. ¹⁸ Okutia é unatchi ekuningile, pamu wekulevala tamuami. ¹⁹ Ami Paulu, tcho mitchihonike nomawoko ange muni: ami mikekufheta, kove hikapopia tcheinha naove wandevala. ²⁰ Ngatchi muango wange, ndjitambule otchali tchi kove, ku Tate akulu kaleka nawa ombungo yange ku Clistu. ²¹ Okuomeeka kokutavela kuoe mihonikile ove, otcho ndjitchi okutia mukaninga vali unene kutcheiha ami mikukumbu. ²² Powola yatcho po mukandjeveapo okualutu pua mifhikile, pae mbahanda okutia momalikuambelo eni, ombenha vankhuta vandjeke djiyowoke. ²³ Popifha Epafala, epanga lhange kounkhuatua ku Yesu Clistu, ²⁴ ya na Maluku, na Alitalaku, Ndema na Luka omapangange kovininga. ²⁵ Otchali tcha Tate Kulu yetu Yesu Clistu ngaikae nomphepo yeni. Amém.